Բիլ Քոսբի

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Բիլ Քոսբի
Bill Cosby (6343659237) (cropped).jpg
Ծնվել էհուլիսի 12, 1937(1937-07-12)[1][2][3][…] (83 տարեկան)
ԾննդավայրՖիլադելֆիա, Փենսիլվանիա, ԱՄՆ[4]
ԿրթությունՄասաչուսեթսի համալսարան Ամհերստո և Թեմփլի համալսարան
ՔաղաքացիությունFlag of the United States.svg ԱՄՆ
Ազգությունաֆրոամերիկացի
Մասնագիտացումհեռուստատեսային դերասան, կատակերգու, գրող, կրկնօրինակող, կոմպոզիտոր, երգիչ, կինոդերասան, հնչյունավորող, պրոդյուսեր, սցենարիստ և կինոպրոդյուսեր
ԱմուսինCamille Cosby?
ՊարգևներՍպիմգարնի մեդալ, Ազատության նախագահական շքանշան, Մարիան Անդերսոնի պարգև, Ցերեկվա Էմմի մրցանակ, Կոնգրեսի գրադարանի կենդանի լեգենդ, Թեոդոր Ռուզվելտի մրցանակ, Քենեդու անվան կենտրոնի պատվոգիր, Ամերիկական հումորի Մարկ Տվենի պարգև, ՄԱԿ-ի խաղաղության մեդալ, Paul Robeson Award?, Ոսկե ազնվամորի մրցանակ վատագույն ֆիլմի համար, «Ոսկե ազնվամորի» մրցանակ տղամարդու վատագույն դերակատարման համար և «Ոսկե ազնվամորի» մրցանակ վատագույն սցենարի համար
IMDbID ID 0001070
billcosby.com

Վիլյամ Հենրի Քոսբի կրտսեր (հայտնի է որպես Բիլ Քոսբի, անգլ.՝ William Henry «Bill» Cosby, Jr., հուլիսի 12, 1937(1937-07-12)[1][2][3][…], Ֆիլադելֆիա, Փենսիլվանիա, ԱՄՆ[4]), ամերիկացի դերասան, ռեժիսոր, պրոդյուսեր, սցենարիստ, երաժիշտ և քաղաքական ակտիվիստ, Սթենդ ափ կատակերգության վետերան։ Լայն ճանաչում է ստացել «Ես լրտես եմ» հեռուստասերիալի շնորհիվ 1960-ական թվականներին։ «Էմմի», «Ոսկե գլոբուս» և «Գրեմմի» մրցանակների դափնեկիր:

Կարիերա կինոյում և հեռուստատեսությունում[խմբագրել | խմբագրել կոդը]

Քոսբին թողարկել է մի քանի սեփական հեռուստատեսային շոուներ։ 1969 թվականին նա ստեղծել է «Բիլ Քոսբիի շոուն», որն էկրաններին եղել է մինչև 1971 թվականը: 1980-ական թվականներին նա հեղինակել է «Քոսբի շոուն»՝ տասնամյակի ամենահաջողակ կատակերգական նախագծերից մեկը։ Նա այնտեղ հայտնվել է Սուրբծննդյան սվիտերներով, որոնք 1980-ականներին նրա շնորհիվ լայն ճանաչում են ստացել[5]։

Քոսբին նկարահանվել է մի շարք ֆիլմերում, որոնց թվում են «Վերադարձ Օզ Երկիր» (1974), «Լեոնարդ վեցերորդ» (1987), «Հայրիկն ուրվական է» (1990), «Ջեք» (1996) և «Կոմիկ» (2002), ինչպես նաև բազմաթիվ գովազդային տեսահոլովակներում: 1996-2000 թվականներին Քոսբին նկարահանվել է «Քոսբի» հեռուստասերիալում և հայտնվել մի շարք ֆիլմերում։ Նրա բարեհոգի ծնողական կերպարը նրան հայտնի է դարձրել ամերիկացիների շրջանում, որոնք նրան տվել են «Ամերիկյան հայրիկ» մականունը:

1976 թվականին Քոսբին Մասաչուսեթսի համալսարանում ստացել է մանկավարժական գիտությունների դոկտորի կոչում։

Իր կարիերայի ընթացքում նա մի քանի անգամ արժանացել է «Էմմի», «Ոսկե գլոբուս» և «Գրեմմի» մրցանակների, ինչպես նաև աստղի է արժանացել Հոլիվուդյան փառքի ծառուղուում: 2002 թվականին հետազոտող Մոլեֆի Քեթե Ասանթեն Բիլ Քոսբիին ընդգրկել է 100 ամենանշանավոր աֆրոամերիկացիների ցուցակում:

Սեռական սկանդալ[խմբագրել | խմբագրել կոդը]

2014 թվականին Քոսբին հայտնվել է սկանդալի կենտրոնում։ 2015 թվականին նրան մեղադրանք է առաջադրվել սեռական բնույթի հանցագործություն կատարելու համար, և իշխանությունները նրան կալանավորելու հրամանաթուղթ են ներայացրել[6]։ Հանցագործությունն իրականացվել էր 2004 թվականի հունվարին Ֆիլադելֆիայից ոչ հեռու գտնվող առանձնատանը[6]։ Քոսբին բռնաբարել է կնոջը՝ նրան նախապես (նրա իսկ խոսքերով) տալով թմրանյութ[6]։ Ավելի քան 50 կանայք հայտարարել են, որ Քոսբին անարգել է իրենց՝ վարվելով նույն կերպ[6]։ Դատական պաշտպանության ժամանակ Քոսբին, այդ ժամանակ բարոյապես և ֆիզիկապես սպառված լինելով, ասել է, որ որոշ կանանց վճարել է դրա համար, բայց չի հիշատակել իրեն մեղադրողներին[7]։

2018 թվականի մայիսի 3-ին Ռոման Պոլանսկու հետ սեքսուալ ոտնձգությունների համար հեռացվել էր Կինոարվեստների ամերիկյան ակադեմիայի կազմից[8]։

2018 թվականի սեպտեմբերի 26-ին դատարանը դատապարտել է 3-10 տարվա ազատազրկման։

Անձնական կյանք[խմբագրել | խմբագրել կոդը]

1964 թվականի հունվարի 25-ից Բիլ Քոսբին ամուսնացած է եղել Կամիլա Օլիվիա Հենքսի հետ, որի հետ ամուսնությունից ծնվել են հինգ երեխաներ՝ Էրիկա, Էրին, Էնսա, Էվին և Էնիս:

Նրանց միակ որդին՝ Էնիսը, 1997 թվականին 27 տարեկան հասակում սպանվել է[9][10]։

Սպանողը 18-ամյա ուկրաինացի ներգաղթյալ Միխայիլ Մարխասևն էր (Mikhail Markhasev)[11]։

Էնսին՝ դուստրը, մահացել է 2018-ի փետրվարի 26-ին 44 տարեկան հասակում երիկամների հիվանդությունից[12].

Քոսբի ամուսինները նաև ունեն երեք թոռ[13][14].

Ծանոթագրություններ[խմբագրել | խմբագրել կոդը]

  1. 1,0 1,1 Internet Movie Database — 1990.
  2. 2,0 2,1 Internet Broadway Database — 2000.
  3. 3,0 3,1 Encyclopædia Britannica
  4. 4,0 4,1 4,2 German National Library, Berlin State Library, Bavarian State Library, Austrian National Library Record #119344696 // Общий нормативный контроль (GND) — 2012—2016.
  5. Вика Дядькина Не такой уж он и уродливый: краткая история ugly Christmas sweater // L'OFFICIEL : журнал. — JALOU MEDIA GROUP RUSSIA, 2017.
  6. 6,0 6,1 6,2 6,3 «Комику Биллу Косби предъявили обвинение в сексуальном насилии»։ Lenta.ru։ 30 декабря 2015։ Վերցված է 2017-01-10 
  7. Актер Билл Косби признался в подкупе обвинявших его женщин(ռուս.) // Интерфакс. — 2015.07.19.
  8. Билл Косби и Роман Полански исключены из Академии киноискусства
  9. «Bill Cosby’s son murdered along CA interstate»։ This Day in History, January 16, 1997 
  10. «Just A 'Random' Crime»։ Newsweek.com։ March 23, 1997 
  11. Robinson Bryan (February 9, 2002)։ «Convicted Killer of Ennis Cosby Confesses»։ ABC News 
  12. Bill Cosby's Daughter Ensa Dies at 44 | Billboard
  13. «Bill Cosby Biography (1937–)»։ Filmreference.com։ Վերցված է September 18, 2009 
  14. «Bill Cosby Comes Clean»։ NewsObserver։ January 20, 2012։ Արխիվացված է օրիգինալից 2014-03-09-ին