Ավստրալիական ագռավ

Ավստրալիական ագռավ
Ավստրալիական ագռավ
Դասակարգում
Ենթատիպ	Ողնաշարավորներ (Vertebrata)
Դաս	Թռչուններ (Aves)
Կարգ	Ճնճղուկազգիներ (Passeriformes)
Ինֆրակարգ	Corvida
Վերնաընտանիք	Corvoidea
Ընտանիք	Ագռավներ (Corvidae)
Ցեղ	Ագռավ (Corvus)
Տեսակ	Ավստրալիական ագռավ (C. coronoides)
Միջազգային անվանում
Corvus coronoides Vigors & Horsfield, 1827
Տարածվածություն և պահպանություն
Հատուկ պահպանության կարգավիճակ՝ Քիչ մտահոգող տեսակ Տաքսոնի տարածվածությունը

Ավստրալիական ագռավ^[1] (լատին․՝ Corvus coronoides), ագռավների ցեղին պատկանող թռչունների տեսակ։

Նկարագրություն[խմբագրել | խմբագրել կոդը]

Ավստրալիական ագռավն առաջին անգամ նկարագրվել է 1827 թվականին։ Coronoides («ագռավակերպ») ածականը կազմվել է հին հունարեն՝ κορονη (corone)՝ «ագռավ» և ειδος (eidos)՝ «ձև» բառերից։ Ավստրալիական ագռավն ունի նաև այլընտրանքային անվանումներ, այդ թվում՝ «հարավային ագռավ», իսկ տեղաբնիկները այն կոչում են «wugan»^[2]։

Ավստրալիական ագռավն Ավստրալիայի երեք տեսակի ագռավներից ամենախոշորն է։ Նրա երկարությունը հասնում է 46-53սմ, թևերինը՝ 100սմ, քաշը՝ շուրջ 650գ։ Այն սովորական ագռավից փոքր է, բայց մնացած հատկանիշներով շատ նման է վերջինիս։

Փետուրները, կտուցը և ոտքերը ամբողջովին սև են, փետուրներն ունեն կապտամանուշակագույնից մինչև կապտականաչ փայլ, որոնց հիմքը մոխրագույն է։ Աչքի ծիածանաթաղանթը սպիտակ է, որը բնորոշ է Ավստրալիայի և հյուսիսում գտնվող մոտակա կղզիների բոլոր ագռավներին։ Ավստրալիական ագռավը տարբերվում է պարանոցի նկատելի փետուրներով։

Երիտասարդ թռչունը հիշեցնում է մեծ առանձնյակներին, բայց նրա աչքերն ավելի մուգ են, վզիկի փետուրները կարճ են, և երբեմն՝ բավականին հազվադեպ՝ մերկացնելով մաշկի վարդագույն հատվածները։

Ավստրալիական ագռավի մոտ ազգականներն են՝ ավստրալիական ագռավ (Corvus orru), բեննետով ագռավ (Corvus bennetti), թասմանական ագռավ (Corvus tasmanicus) և հարավավստրալիական ագռավ (Corvus mellori)։

Ավստրալիական ագռավի ենթատեսակներ[խմբագրել | խմբագրել կոդը]

Տարբերում են ավստրալիական ագռավի 2 ենթատեսակ․

C. c. coronoides, բնակվում են Արևելյան Ավստրալիայում։
C. c. perplexus, հանդիպում են Ավստրալիական մեծ ծովածոցից մինչև Հարավային Ավստրալիա և տարածվում դեպի Արևմտյան Ավստրալիայի խորքերը։ Հյուսիսում նրանց արեալը հասնում է մինչև Շարկի ծովածոցը և ակացիաների ու էվկալիպտների տարածման սահմանը (mulga-eucalypt boundary line)։

Խառնածին թռչունները հանդիպում են Էյր թերակղզում, Գոլեր սարերում և Հարավային Ավստրալիայի Էյր լճի շրջակայքում։

Բնակավայր[խմբագրել | խմբագրել կոդը]

Գյուղական շրջաններում թռչունների մեկ զույգը ձագակազմի հետ մեկտեղ զբաղեցնում է շուրջ մեկ քառակուսի կիլոմետր տարածք, այն դեպքում, երբ քաղաքային շրջաններում նույն չափի տարածքում կարող է բնակվել 10 անգամ շատ ագռավ։

Տարածվածություն[խմբագրել | խմբագրել կոդը]

Այս տեսակի արեալը կազմում է հարավ-արևելյան Ավստրալիան և Արևմտյան Ավստրալիայի հարավային մասը, պոպուլյացիաները նեղ հատվածով միավորվում են Նալլարբոր հարթավայրի երկայնքով։ Այս տեսակը բնորոշ է Սիդնեյ և Կանբերրա քաղաքներին։

Սնունդ[խմբագրել | խմբագրել կոդը]

Ավստրալիա, Քվինսլենդ

Ավստրալիական ագռավն ամենակեր է։ Այն սնվում է սերմերով, մրգերով, միջատներով, մանր կենդանիներով, ձվերով, փոքր սողուններով և կենդանիների դիակներով։ Այս թռչունները հիմնականում մսակեր են։

Սննդային նախապատվությունը տոկոսներով․

34 % կենդանիների դիակ
42 % անողնաշարավորներ
24 % օրգանական նյութեր

Սնունդը հիմնականում հավաքում են գետնից, ժամանակ առ ժամանակ սնվում են ծառերից։ Քաղաքային պայմաններում սնունդը հավաքում են աղբամաններից։

Հայտնաբերվել է նաև, որ ագռավները սնվել են նվենու ծաղկահյութով^[3]։

Բնակալում[խմբագրել | խմբագրել կոդը]

Ավստրալիական ագռավների բույնը նման է փայտից պատրաստված թասի՝ իրար հաջորդող խոտի, փետուրների և կեղևի շերտերով։

Բնի կառուցմանը մասնակցում են արուն և էգը, իսկ հետագայում նրանք միասին են կերակրում ձագերին։ Թուխս են նստում միայն էգերը, ձվադրում են տարվա մեջ մեկ անգամ։

Բազմացման շրջանը տևում է հուլիսից մինչև սեպտեմբեր ամիսները^[4]։

Ագռավները բույնը կառուցում են բարձր ծառերի վրա։ Մեկ ձվադրումը կազմված է 3-6 ձվից (միջինում 4 կամ 5 հատ)։ Ձվի չափը 45×30 մմ է (1¾ x 1¼ դյույմ)։ Ունեն բաց կանաչ կամ կապտականաչ գունավորում՝ մուգ դեղնականաչ, շագանակագույն կամ սև բծերով։

Ճտահանման շրջանը տևում է 20 օր։ Մատղաշ ձագերը փետուրներով ծածկվում են 45 օրվա ընթացքում և մնում են ծնողների մոտ 4 ամիս։

Կյանք մարդկանց շրջապատում[խմբագրել | խմբագրել կոդը]

Ավստրալիական ագռավները հաճախ անասուններ են գողանում ագարակներից։ Որպես կանոն՝ նրանք ընտրում են թույլ և հիվանդ առանձնյակներին։ Չնայած դրան՝ այդ ամենն առաջացնում է ագարակատերերի դժգոհությունը, որոնք ագռավներին վերագրում են անսովոր պատմություններ, թե ինչպես են նրանք գողացել ոչ միայն գառնուկներ, այլ նաև փոքր երեխաներ։ Դրա հետ կապված անցկացվել են հետազոտություններ, և գրվել է հոդված^[5]։

Ձայն[խմբագրել | խմբագրել կոդը]

Ավստրալիական ագռավի ձայնը հնչում է որպես դանդաղ և բավականին բարձր «ա - ա - ա - աաաախ» (վերջին նոտան ձգված է հնչում)։ Այս ձայնն օգտագործվում է մոտակա ագռավների հետ շփվելու համար։ Ավստրալիական ագռավների 5 տեսակները դժվար է տարբերել միմյանցից, իսկ ձայնի միջոցով տարբերելն ավելի հեշտ է։

Ծանոթագրություններ[խմբագրել | խմբագրել կոդը]

↑ Бёме Р. Л., Флинт В. Е. Пятиязычный словарь названий животных. Птицы. Латинский, русский, английский, немецкий, французский / Под общ. ред. акад. В. Е. Соколова. — М.: Рус. яз., «РУССО», 1994. — С. 469. — 2030 экз. — ISBN 5-200-00643-0.
↑ Australian Museum Online. «Crows and Ravens»
↑ Richardson, KC. Are Australian corvids nectarivorous?(անգլ.) // Emu. — 1988. — № 2. — P. 122—123. — doi:10.1071/MU9880122(չաշխատող հղում)
↑ Gordon R. Beruldsen. Australian Birds: Their Nests and Eggs. — Kenmore Hills, Qld.: G & E Beruldsen, 2004. — P. 384. — ISBN 0-646-42798-9
↑ I. Rowley. An evaluation of predation by 'crows' on young lambs(անգլ.) // CSIRO Wildlife Research. — 1969. — Vol. 14. — № 2. — P. 153–179. — doi:10.1071/CWR9690153

Գրականություն[խմբագրել | խմբագրել կոդը]

Gordon R. Beruldsen. Australian Birds: Their Nests and Eggs. — Kenmore Hills, Qld.: G & E Beruldsen, 2004. — P. 384. — ISBN 0-646-42798-9
Higgins, Peter Jeffrey, John M. Peter, and S. J. Cowling. Handbook of Australian, New Zealand and Antarctic Birds. — Oxford University Press, 2006. — Vol. 7: Boatbill to Starlings. — ISBN 978-0195539967

Արտաքին հղումներ[խմբագրել | խմբագրել կոդը]

«Ավստրալիական ագռավ». Birds in Backyards. Արխիվացված է օրիգինալից 2012 թ․ մայիսի 13-ին. Վերցված է 2011 թ․ ապրիլի 3-ին.

Վիքիցեղերն ունի նյութեր, որոնք վերաբերում են «Ավստրալիական ագռավ» հոդվածին։

Վիքիպահեստն ունի նյութեր, որոնք վերաբերում են «Ավստրալիական ագռավ» հոդվածին։

[1] Бёме Р. Л., Флинт В. Е. Пятиязычный словарь названий животных. Птицы. Латинский, русский, английский, немецкий, французский / Под общ. ред. акад. В. Е. Соколова. — М.: Рус. яз., «РУССО», 1994. — С. 469. — 2030 экз. — ISBN 5-200-00643-0.

[2] Australian Museum Online. «Crows and Ravens»

[3] Richardson, KC. Are Australian corvids nectarivorous?(անգլ.) // Emu. — 1988. — № 2. — P. 122—123. — doi:10.1071/MU9880122(չաշխատող հղում)

[4] Gordon R. Beruldsen. Australian Birds: Their Nests and Eggs. — Kenmore Hills, Qld.: G & E Beruldsen, 2004. — P. 384. — ISBN 0-646-42798-9

[5] I. Rowley. An evaluation of predation by 'crows' on young lambs(անգլ.) // CSIRO Wildlife Research. — 1969. — Vol. 14. — № 2. — P. 153–179. — doi:10.1071/CWR9690153

[1]

[2]

[3]

[4]

[5]