Էյր

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Էյր
Lake Eyre (en)

'
Կոորդինատներ Կոորդինատներ: 28°22′0″ հվ. լ. 137°22′0″ ավ. ե. / 28.36667° հս․. լ. 137.36667° ավ. ե. / 28.36667; 137.36667
Տեղագրություն Ավստրալիա Ավստրալիա
Հարավային Ավստրալիա
Ավազանի մակերեսը 9500 կմ²
Միջին խորությունը 1,5 մ
Միջին բարձրությունը -15 ÷ -9 մ
##Էյր (Ավստրալիա)
Red pog.png
Էյր
Էյր, Ավստրալիա

Էյր (անգլ.՝ Kati Thanda-Lake Eyre; այժմ՝ անգլ.՝ Lake Eyre[1]), անհոսք աղի լիճ Ավստրալիայի հարավում, ծովի մակարդակից ցածր է 12 մ-ով ։ Մակերեսն առավել մեծանում է ամռանը՝ տեղումների շրջանում (մինչև 15 հազար կմ2, խորությունը մինչև 20 մ)։ Տարվա մնացած մասում հաճախ ցամաքում է և վերածվում աղուտի։ Գտնվում է համանուն ընդարձակ ավազանի կենտրոնում։ Հազվադեպ լցվում է՝ դառնալով ծովի մակերեսից 9 մետր ցածր։ Այդ դեպքում նրա մակերեսը կազմում է 9500 կմ2, որով էլ նա Ավստրալիայի ամենախոշոր լիճն է։ Ցամաքելու դեպքում լճի ամենացածր կետը դառնում է 16 մետր, որը մայրցամաքի ամենացածր կետն է[2]:

Բնութագիր[խմբագրել | խմբագրել կոդը]

Լիճը տեղակայված է Ավստրալիայի կենտրոնում, Հարավային Ավստրալիա նահանգի հյուսիսային մասում։ Էյր լճի ջրավազանն իրենից ներկայացնում է փակ համակարգ։ Լճի շրջակայքը պատված է աղի հաստ շերտով, որի պատճառը ջրի սեզոնային գոլորշացումներն են։ Լիճը կազմված է երկու մասից՝ Մեծ՝ Հյուսիսային և Փոքր՝ Հարավային , որոնք միմյանց միացած են Գոյդեր Չենել նեղ նեղուցով։ Նույնիսկ չորային սեզոնին Էյրում քիչ ջուր է մնում, որն էլ սովորաբար հավաքվում է փոքրիկ լճակներում։ Անձրևային սեզոնի ժամանակ Քվիսլենդի հյուսիս-արևելքի գետերը հոսում են դեպի լիճը։ Մուսոնների ազդեցությամբ է պայմանավորված լճի ջրի մակարդակի բարձրացումը: Հորդ անձրևների պատճառով տեղի են ունենում նաև փոքր ու միջին չափի հեղեղներ, որոնք ողողում են ամբողջ տարածքը[3]: Լճում կա նաև սպորտանավերի կայան։

Անվանում[խմբագրել | խմբագրել կոդը]

Լիճը 1840 թվականին հայտնագործել է Ավստրալիայի անգլիացի հետազոտող Ջոն Էդուարդ Էյրը, ում ազգանունով էլ իր անունն է ստացել[4]:

Պատմություն[խմբագրել | խմբագրել կոդը]

1840 թվականին լճի մասին նկարագրել է լիճը հայտնագործող Ջոն Էդվարդ Էյրը, ում պատվին այն հետագայում անվանակոչվեց: 2012 թվականի դեկտեմբերին տեղաբնիկնեը վերանվանեցին Kati Thanda: Ավստրալիա ժամանելով որպես ֆերմեր, Ջոն Էյրը դարձավ հինգերորդ մայրցամաքի երդվյալ ու մոլի հետազոտողը, Ավստրալիայի և Նոր Զելանդիայի բնության մասին հավաքելով հարուստ տվյալներ[5]:

Լճի աշխարհագրությունը[խմբագրել | խմբագրել կոդը]

Այս տարածաշրջանում անձրևները հազվադեպ երևույթ են, և նույնիսկ լիճը սնող հիմնական գետ Դիմանտինան ամեն տարի չէ, որ լցնում է լիճը: Հորդացումը տեղի է ունենում ամռանը, երբ ջուրը հիմնականում լիճ է հասնում ժամանակավոր գետահուներով՝ քրիկներով: Վերջին 160 տարիների ընթացքում լիճը ջրով առավելագույն չափով լցվել է միայն երեք անգամ: Լճի տարածքը կազնում է 9500 կմ²: Լճի ջուրը վարդագույն երանգ ունի, որի պատճառը բետա-կարոտինային պիգմենտի հագեցվածությունն է Dunaliella salina[6]: Նույնիսկ չորային սեզոնի շրջանում Էյր լճում որոշակի ջուր է մնում, որը սովորաբար հավաքվում է աղի լիճի հատակում չորացած փոքր լճերում:

Բուսական աշխարհ[խմբագրել | խմբագրել կոդը]

Հարթավայրային լճափում տարածվում են դյուներ՝ ծածկված Միտչելի խոտածածկով: Դրանք կենդանական աշխարհի համար կեր են համարվում: Հանդիպում են էվկալիպտի ծառեր և ավստրալական ակացիա, սագախոտի մացառուտներ:

Կենդանական աշխարհ[խմբագրել | խմբագրել կոդը]

Լճի կենդանական աշխարհը հարստանում է վարարումների ժամանակ, երբ հայտնվում են փետրավորներ, երբ լիճը լեփ-լեցուն է գորտերով, ձկներով և ջրիմուռներով: Չորային ժամանակաշրջանում՝ ապրիլից հոկտեմբեր ամիսներին, ջրի աճող աղիությունը սպանում է կենդանի էակներին, և լիճը դառնում է անկենդան: Լճի տարածքի մեծ մասը վերածվում է աղուտի: Աղուտի մակերևույթը այնքան հարթ է, որ 1964 թվականին աշխարհի ցամաքային ռեկորդներց մեկը իրականացվեց հայտնի մրցարշավորդ Դոնալդ Քեմփբելիի կողմից: Լճի վրա կարելի է տեսնել ամենագեղեցիկ երևույթներից մեկը՝ հավալուսների վերադարձը: Ինչ-որ կերպ իմանալով ջրի մակարդակի բարձրացման մասին, հավալուսները թռչում են դեպի լիճ՝ բազմացման համար, հաղթահարելով մինչև հազար կիլոմետր հեռավորություն: Շրջակայքում հանդիպում են կաթնասուններ՝ բիլբի, սցինկ մողեսներ, երկարամազ առնետներ[7]: Բացի հավալուսներից, թռչուններից գալիս են բադեր, ծովաորորներ, ջրագռավներ: Լճի էկոհամակարգը պաշտպանվում է պետության կողմից, որը Լեյք Էյրի ազգային պարկի մի մասն է համարվում[8]:

Ծանոթագրություններ[խմբագրել | խմբագրել կոդը]

  1. «New name adopted for outback Lake Eyre»։ Australian Broadcasting Corporation։ 19 December 2012։ Արխիվացված է օրիգինալից 2012-12-23-ին։ Վերցված է 19 December 2012 
  2. Էյրը International Lake Environment Committee կայքում
  3. «Озеро Эйр» (ռուսերեն)։ Австралийский дайджест։ Վերցված է 2018-10-17 
  4. Հ. Ղ. Գրգեարյան, Ն. Մ. Հարությունյան (1987)։ Աշխարհագրական անունների բառարան։ Երևան: «Լույս» 
  5. «Dictionary of Australian Biography E»։ gutenberg.net.au։ Վերցված է 2018-11-25 
  6. Pandora Hope, Neville Nicholls, John L. McGregor The rainfall response to permanent inland water in Australia // Aust. Meteorol. Mag.. — 2004-12-01. — Т. 53.
  7. «Эйр (озеро)»։ Планета Земля (ru-RU)։ Վերցված է 2018-11-24 
  8. «Австралийское озеро Эйр – самое соленое и сухое озеро в мире!» (ru-RU)։ Վերցված է 2018-11-25 

Արտաքին հղումներ[խմբագրել | խմբագրել կոդը]