Անտոն Սավլեպով
Անտոն Օլեգովիչ Սավլեպով | |
---|---|
Հիմնական տվյալներ | |
Բնօրինակ անուն | Савлепов Антон Олегович |
Ծնվել է | հունիսի 14, 1988 (35 տարեկան) Կովշարովկա, Կուպյանսկի քաղաքային խորհուրդ, Խարկովի մարզ, Ուկրաինական ԽՍՀ, ԽՍՀՄ |
Երկիր | Ուկրաինա |
Ժանրեր | փոփ |
Մասնագիտություն | պրոդյուսեր, երաժիշտ, շոումեն |
Գործիքներ | վոկալ |
Գործունեություն | 2006-այժմ |
Անդամակցություն | Quest Pistols և Агонь (խումբ) |
Անտոն Սավլեպով (ուկրաիներեն՝ Анто́н Оле́гович Савле́пов, հունիսի 14, 1988, Կովշարովկա, Կուպյանսկի քաղաքային խորհուրդ, Խարկովի մարզ, Ուկրաինական ԽՍՀ, ԽՍՀՄ), ուկրաինացի երաժիշտ, «Quest Pistols» խմբի նախկին անդամ, «Агонь» խմբի անդամ[1]։
Կենսագրություն[խմբագրել | խմբագրել կոդը]
Անտոն Սավլեպովը ուկրաինացի երաժիշտ ու շոումեն է, «Quest Pistols» խմբի նախկին անդամ։ Այժմ ներգրավված է «Агонь» խմբում։ 2016 թվականին Սավլեպովը առաջին անգամ հանդես է եկել որպես ժյուրի ուկրաինական «Իքս ֆակտոր» հաղորդման 7-րդ եթերաշրջանում։
Անտոնը ծնվել է Խարկովի շրջանի Կովշարովկա ավանում։ Վեց տարեկանում հաճախել է պարահանդեսային պարերի ստուդիա և դրանից հետո էլ չի հրաժարվել երգից ու պարից։ Դեռահաս տարիքում Սավլեպովը հրապուրվել է ամերիկացի փոփ երաժիշտ Մայքլ Ջեքսոնով և նա դարձել է տղայի կուռքը։ Անտոնը սկսել է հագնել սկանդալային հագուստներ, երկարացրել է մազերը և փոխել ոճը, զբաղվել բրեյք դանսով։
Դպրոցից հետո Անտոնը տեղափոխվել է Կիև և ընդունվել Շևչենկոյի անվան համալսարան՝ խորեոգրաֆիայի բաժին։ Մեկ ամիս անց «Quest Pistols» խմբի ղեկավար Յուրի Բարդաշը հրավիրել է նրան իր խումբ, և Սավլեպովը սկսել է իր մասշտաբային հյուրախաղային ուղևորությունները։
Այդ շրջանում ակտիվորեն սկսել է նկարահանվել տեսահոլովակներում։ Աստիճանաբար խումբը սկսել է ճանաչում ձեռք բերել և խմբի անդամները որպես պարողներ հանդես են եկել ուկրաինական, ռուսական և արևմտյան շոու բիզնեսի ներկայացուցիչների ելույթներում և տեսահոլովակներում։ Արդյունքում Յուրի Բարդաշը որոշել է այդ պարային խումբը դարձնել նաև երաժշտական և նկարահանել առանձին տեսահոլովակներ ու երգեր։
Երաժշտական գործունեություն[խմբագրել | խմբագրել կոդը]
2007 թվականին ստեղծվել է «Quest Pistols» վոկալային տրիոն։ Առաջին երգը՝ «Я устал»-ը, ձեռք է բերել մեծ հայտնիություն։ Դա «Shocking Blue» հայտնի խմբի «Long and lonesome road» երգի քավեր տարբերակն էր։ Հաջորդ՝ «Белая стрекоза любви» երգը մեծ ճանաչում բերեց տղաներին ոչ միայն Ուկրաինայում, այլև Ռուսաստանում և նախկին ԽՍՀՄ երկրներում։
Սկզբնական շրջանում խմբի երգացանկում եղել է ընդամենը 3-4 երգ, որը չի բավականացրել ամբողջական համերգներ կազմակերպելու համար։ Մուտքը եղել է շատ պարզ. սկզբում «Quest Pistols»-ը մոտ կես ժամ ցույց է տվել պարային համարներ, իսկ հետո երգել է։
2007 թվականին թողարկվել է նրանց առաջին ստուդիական ալբոմը՝ «Для тебя», որին հաջորդել են ևս 5 ամբողջական սկավառակ։ 2013 թվականին Անտոնը Zorko-ի հետ ձայնագրել է սոլո-սկավառակ՝ նույն անունով։ Դրանից հետո Անտոնը շարունակել է համագործակցել խմբի հետ մինչև 2016 թվականը[2]։ Այնուհետև «Quest Pistols»-ի երկրպագուների համար տեղի է ունեցել անսպասելի իրադարձություն. խմբի առաջատար մենակատարը լքել է խումբը և նրան փոխարինել է նոր վոկալիստ[3]։
Խումբը լքել է նաև Անտոն Սավլեպովը[4]։ Հետո կարճ ժամանակ անց նա Նիկիտա Գորյուկի և Կոնստանտին Բորովսկիի հետ ստեղծել է «Агонь» փոփ խումբը, այսինքն վերականգնվել է «Quest Pistols»-ի առաջին կազմը[5]։ Խումբը ձայնագրել է նոր երգեր, որոնցից են «Отпусти» և «Каждый за себя»:
Ֆիլմեր և հեռուստահաղորդումներ[խմբագրել | խմբագրել կոդը]
Առաջին անգամ որպես դերասան նկարահանման հրապարակում հայտնվել է «Свадьба по обмену» (Փոխանակմամբ հարսանիք) ռոմատիկ կատակերգությունում, ինչպես նաև «Как казаки» (Ինչպես կազակները) հումորային մյուզիքլում։
Բազմաթիվ անգամներ երգիչը հրավիրվել է տարբեր հեռուստաշոուների, այդ թվում նաև Իվան Ուրգանտի և Ալեքսանդր Ցեկալոյի «Большая разница» հաղորդումը։ 2016 թվականին Սավլեպովը դարձավ ուկրաինական «Իքս ֆակտոր» նախագծի 7-րդ եթերաշրջանի ժյուրիի անդամ[6][7]։
Նրա հետ միասին ժյուրիի աթոռին նստած էին նաև «The HardKiss» խմբի մասնակից Յուլիա Սանինան, պրոդյուսեր Կոնստանտին Մելաձեն և Անդրեյ Դանիլկոն, ով ավելի հայտնի է որպես Վերկա Սերդյուշկա։ Այդ եթերաշրջանում հաղթող ճանաչվեց հայազգի երգիչ Սևակ Խանաղյանը, ում պրոդյուսերը հաղորդման շրջանակում հենց Անտոն Սավլեպովն էր։
Անձնական կյանք[խմբագրել | խմբագրել կոդը]
Ամուսնացած է, ունի մեկ դուստր[8]։ Ազատ ժամանակ երգիչը վարում է իր անձնական խոհարարական վիդեոբլոգը, որում պրոպագանդում է բուսակերությունը։ Բացի դրանից նա զբաղվում է նաև յոգայով և ուսումնասիրում հնդկական մշակույթ։
«Quest Pistols» խմբի նախկին անդամն ունի բազմաթիվ դաջվածքներ մեջքին և ձեռքերին, որոնց Անտոնն այժմ համարում է իր երիտասարդության սխալները[7]։ Հասակը 174 սմ է։
Սկավառակագրություն[խմբագրել | խմբագրել կոդը]
Տարի | Անվանում |
---|---|
2007 | Для тебя (հայերեն՝ Քո համար) |
2007 | Я устал (հայերեն՝ Ես հոգնել եմ) |
2008 | Волшебные краски (հայերեն՝ Կախարդական գույներ) |
2009 | Он Рядом (հայերեն՝ Նա ինձ հետ է) |
2010 | Белая стрекоза любви (հայերեն՝ Սիրո սպիտակ երեխա) |
2010 | Superklass |
2010 | Я твой наркотик (հայերեն՝ Ես քո թմրանյութն եմ) |
2010 | Революция (ft. Արթուր Պիրոժկով) (հայերեն՝ Հեղափոխություն) |
2011 | Ты Так Красива (հայերեն՝ Դու այնպես գեղեցիկ ես) |
2011 | Ты Похудела (հայերեն՝ Դու նիհարել ես) |
2012 | Разные (հայերեն՝ Տարբեր) |
2013 | Zorko |
2013 | Забудем все (հայերեն՝ Մոռանանք ամեն ինչ) |
2013 | Жара (հայերեն՝ Շոգ) |
2014 | Санта Лючия (հայերեն՝ Սանտա Լուչիա) |
2014 | Babyboy |
2014 | Бит |
2015 | Soundtrack |
2015 | Мокрая (ft. Մոնատիկ) (հայերեն՝ Թաց) |
2015 | Пришелец (հայերեն՝ Օտարական) |
2016 | Отпусти (հայերեն՝ Բաց թող) |
2016 | Каждый за себя (հայերեն՝ Յուրաքանչյուրը իր համար) |
2016 | Опа Опа (հայերեն՝ Օպա օպա) |
2016 | Лето (հայերեն՝ Ամառ) |
2017 | Супергерой (հայերեն՝ Սուպեր հերոս) |
Տեսահոլովակներ[խմբագրել | խմբագրել կոդը]
Quest Pistols-ի կազմում
Տարի | Տեսահոլովակ | Կազմ | Ալբոմ |
2007 | Я устал | Անտոն Սավլեպով, Նիկիտա Գորյուկ, Կոնստանտին Բորովսկի | Для тебя |
Дни гламура | |||
2008 | Для тебя | ||
Клетка | — | ||
2009 | Белая стрекоза любви | Superklass | |
Он рядом | |||
2010 | Я твой наркотик | — | |
Революция (feat. Արթուր Պիրոժկով) | |||
2011 | Ты так красива | ||
Ты похудела (feat. Լոլիտա) | Անտոն Սավլեպով, Նիկիտա Գորյուկ, Դանիլ Մացեյչուկ | ||
2012 | Разные | ||
2013 | Забудем всё | ||
Ромео | |||
Baby Boy | Անտոն Սավլեպով, Նիկիտա Գորյուկ | ||
2014 | Жара | ||
Бит (feat. Secret Q) | |||
Санта Лючия | Անտոն Սավլեպով, Նիկիտա Գորյուկ, Իվան Կրիշտոֆորենկո, Վաշինգթոն Սալես, Մարիամ Տուրքմենբաևա | ||
2015 | Мокрая (feat. Մոնատիկ) | Звучит
(Մոնատիկ) | |
Пришелец | Անտոն Սավլեպով, Նիկիտա Գորյուկ, Իվան Կրիշտոֆորենկո, Վաշինգթոն Սալես, Մարիամ Տուրքմենբաևա, Դանիիլ Մացեյչուկ |
Агонь-ի կազմում
Տարի | Անվանում |
---|---|
2016 | «Отпусти» |
2016 | «Каждый за себя» |
2016 | «Лето» |
2016 | «Опа Опа» |
2017 | «Супергерой» |
Ծանոթագրություններ[խմբագրել | խմբագրել կոդը]
- ↑ Антон Савлепов
- ↑ [http://kp.ua/culture/525642-hruppu-Quest-Pistols-Show-pokynul-esche-odyn-solyst Quest Pistols Show խումբը լքեց ևս մեկ մասնակից// kp.ua, 11.01.2016. (ռուս.)
- ↑ Quest Pistols-ի նախկին մասնակիցները։ «Ութ տարի շարունակ մենք երգել ենք «Я устал» երգը և դա նյարդայացնող էր» // kp.ua, 26.01.2016. (ռուս.)
- ↑ Quest Pistols Show потеряли своего солиста
- ↑ «Անտոն Սավլեպովը «Агонь» խմբի սոլիստ». Արխիվացված է օրիգինալից 2017 թ․ սեպտեմբերի 10-ին. Վերցված է 2017 թ․ օգոստոսի 26-ին.
- ↑ Х-фактор 7: Անտոն Սավլեպովը փնտրում է արտիստի, ումից անհնար է հրաժարվել // Ivona, 03.08.2016. (ռուս.)
- ↑ 7,0 7,1 Антон Савлепов: "На моем теле многие тату остались незавершенными, некоторые я пробовал вывести"
- ↑ «Антон Савлепов поделился секретами своей семейной жизни». Արխիվացված է օրիգինալից 2017 թ․ օգոստոսի 20-ին. Վերցված է 2017 թ․ օգոստոսի 26-ին.
Արտաքին հղումներ[խմբագրել | խմբագրել կոդը]
- Անտոն Սավլեպովի էջը Ինստագրամում
- СТБ կայքում Անտոն Սավլեպովի մասին Արխիվացված 2017-06-20 Wayback Machine