Անտոն Պոպել

Վիքիպեդիայից՝ ազատ հանրագիտարանից
Jump to navigation Jump to search
Անտոն Պոպել
Antoni Popiel.jpg
Ծնվել էհունիսի 13, 1865(1865-06-13)
ԾննդավայրՅավոժնո, Սիլեզիայի վոյեվոդություն, Լեհաստան կամ Szczakowa, Լեհաստան
Մահացել էհուլիսի 7, 1910(1910-07-07) (45 տարեկանում)
Վախճանի վայրըԼվով, Ցիսլեյտանիա, Ավստրո-Հունգարիա
ՔաղաքացիությունԼեհաստան
Ռուսական կայսրություն
Ստեղծագործություն(ներ)Brigadier General Thaddeus Kosciuszko
Մասնագիտությունքանդակագործ
Antoni Popiel Վիքիպահեստում

Անտոն Սուլիմա-Պոպել (լեհ.՝ Antoni Sulima-Popiel, հունիսի 13, 1865(1865-06-13), Յավոժնո, Սիլեզիայի վոյեվոդություն, Լեհաստան և Szczakowa, Լեհաստան - հուլիսի 7, 1910(1910-07-07), Լվով, Ցիսլեյտանիա, Ավստրո-Հունգարիա), լեհ քանդակագործ, մանկավարժ: Գեղանկարիչ Տադեուշ Պոպելի եղբայրը:

Կենսագրություն[խմբագրել | խմբագրել կոդը]

Անտոն Պոպելը ծնվել է 1865 թվականին, Շչակովայում: 1882-1885 թվականներին սովորել է Կրակովի կերպարվեստի դպրոցում, 1885-1888 թվականներին՝ Վիեննայի գեղարվեստի ակադեմիայում: 1888 թվականից բնակվել է Լվովում և նկարչություն ու քանդակագործություն է դասավանդել Լվովի պոլիտեխնիկում: Լվովում ունեցել է ստուդիա, որտեղ նրան աշակերտել են Կազեմիրա Մալաչինսկա-Պայզդերսկան, Լյունա Դրեկսլերը, Միխայիլ Պարաշչուկը և այլք՝ որոշակի հմտություններ են ձեռք բերել մոդելավորման բնագավառում: Հետագայում քանդակագործը Պարաշչուկին ներգրավվել է իր աշխատանքների ստեղծման գործում (մասնավորապես Լվովում Ադամ Միցկևիչի հուշարձանի պատրաստման, Գեղարվեստի ու արհեստների թանգարանի կառուցման ժամանակ (1898-1903) դրվագային զարդանկարների պատրաստման և այլ գործերում):

Աշխատել է հուշահամալիրների, հուշարձանների, դիմանկարների, երբեմն՝ կրոնական կերպարվեստի ժանրերում: Լվովում ապրած քսան և ավելի տարիների ընթացքում Անտոն Պոպելը ստեղծել է բազմաթիվ քանդակներ, որոնց մեծ մասը պահպանվել են մինչև մեր ժամանակները: 1898 թվականին Լվովում հաղթել է Ադամ Միցկևիչի հուշարձանի ստեղծման համար հայտարարված մրցույթում: Հուշարձանը բացվել է 1904 թվականի հոկտեմբերի 30-ին: Լեոնարդո Մարկոնի մահից հետո Անտոնի Պոպելը շարունակել է աշխատանքը Կրակովում գտնվող Տադեուշ Կոստյուշկոյի արձանի վրա: Հուշարձանը տեղակայված է Վավել բլրի վրա: Երկրորդ համաշխարհային պատերազմի ժամանակ՝ 1940 թվականին, գերմանացիներն այն ավերել են: Հուշարձանը վերակառուցվել է 1960 թվականին: 1900 թվականին քանդակներ է ստեղծել Լվովի օպերայի թատրոնի համար: Որպես Լվովի առաջատար քանդակագործներից մեկի՝ քաղաքի համայնքը 1901 թվականին Անտոն Պոպելին ընտրում է Սուրբ Ելիզավետայի տաճարի շինարարության կոմիտեի անդամ: 1904 թվականին Անտոն Պոպելը եղել է Խմելնիցկիի մարզի Գոլոզուբինիցի գյուղի Սկիբնեվսկիների դաստակերտի վերակառուցման նախագծի մրցույթային ժյուրիի անդամ: 1902 թվականին ճարտարապետ Վլադիսլավ Գոդովսկու նախագծով Անտոն Պոպելը Իսսակովիչի (այժմ՝ Գորբաչովսկու) փողոցում իր համար կառուցել է ամառանոց, որը վերակառուցվել է 1930-ական թվականներին (2013 թվականին ամառանոցը քանդվել է): 1907 թվականին մասնակցել է Վաշինգտոնում գտնվող Տադեուշ Կոստյուշկոյի հուշարձանի մրցույթին: Չնայած նրա առաջարկած նախագիծն արժանացել էր երկրորդ մրցանակին, նախագահ Թեոդոր Ռուզվելտը հուշարձանի կառուցման համար ընտրել էր նրա նախագիծը:

Մահ[խմբագրել | խմբագրել կոդը]

Մահացել է 1910 թվականին, Լվովում: Թաղված է Լվովի Լիչակովսկի գերեզմանոցի № 57 դաշտում[1]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Stanisław Nicieja: Cmentarz Łyczakowski we Lwowie w latach 1786–1986. Wrocław: Zakład Narodowy im. Ossolińskich, 1988, s. 362. ISBN 83-04-02817-4.

Արտաքին հղումներ[խմբագրել | խմբագրել կոդը]