Ամպ (Բիթլիսի գավառ)

Անվան այլ կիրառումների համար տե՛ս՝ Ամպ (այլ կիրառումներ)

Գյուղ
Ամպ
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառ	Բիթլիսի գավառ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	ամպեցի
Ժամային գոտի	UTC+3
Ամպ (Բիթլիսի գավառ) (Աշխարհ)

Ամպ, գյուղ Արևմտյան Հայաստանում, Բիթլիսի վիլայեթի Բիթլիսի գավառում, Վանա լճի աջ կողմում, Բիթլիս քաղաքից հարավ-արևմուտք, Ամպ գետակի ափին, արգավանդ սարահարթի վրա։

Անվան ստուգաբանություն

Ըստ ավանդության Թադեոս Առաքյալը գյուղում բացականչել է. «Երանի հազար ու մի եկեղեցի կառուցեի, հետո մեռնեի», իսկ գյուղի վրայի ամպից լսվել է «քո խնդիրքը կկատարվի»։ Դրանից հետո գյուղը կոչվել է Ամպ, իսկ եկեղեցին Խնդրակատար։

Տնտեսություն

Բնակչության հիմնական զբաղմունքը գյուղատնտեսությունն էր, ինչպես նաև արևհեստագործությունն ու առևտուրը։

Բնակչություն

1900-ականներին ուներ 35 տուն հայ բնակիչ։ Ըստ աղբյուրների, 100 տարի առաջ բնակչությունը եղել է 100 տուն հայ, բայց քրդերի ասպատակությունների պատճառով բնակչությունը կրճատվել է։ Ամպն ավերվել է առաջին համաշխարհային պատերազմի տարիներին։ Բնակիչները թուրքական յաթաղանին զոհ են գնացել 1915 թվականի Մեծ եղեռնի ժամանակ։

Պատմամշակությային կառույցներ

Ամպն ունեցել է Սբ. Հակոբ եկեղեցի։ Գյուղի շրջակայքում կան հանքային աղբյուրներ։ Մոտակայքում գտնվում էր Խնդրակատար Սուրբ Աստվածածին վանքը։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 328)։