Հորմեզ

Հորմեզ, գյուղ Արևմտյան Հայաստանում, Բիթլիսի վիլայեթի Բիթլիսի գավառում, Փարխանդ գյուղախմբում, Բիթլիս քաղաքի շրջակայքում։ Գտնվում էր Բիթլիս-Սղերդ տանող ճանապարհին, որն անցնում էր նշանավոր Ծակքար ապառաժի միջով։ Գյուղն հարուստ էր այգիներով։

Գյուղն հայաբնակ էր։ 1909 թվականին ուներ 14 տուն՝ 80 հայ բնակչով։ Բնակչության մեծ մասը 1915 թվականի Մեծ եղեռնի ժամանակ զոհ գնաց թուրքական յաթաղանին։

Բնակչության հիմնական զբաղմունքը արհեստները, երկրագործությունը և մասամբ անասնապահությունն էր։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 590)։