Ադամ Ուեսթ

Ադամ Ուեսթ; անգլ.՝ Adam West
Ծնվել է	սեպտեմբերի 19, 1928
Ծննդավայր	Walla Walla, Վաշինգտոն, ԱՄՆ
Մահացել է	հունիսի 9, 2017 (88 տարեկան)
Մահվան վայր	Լոս Անջելես, Կալիֆոռնիա, ԱՄՆ
Կրթություն	Լեյքսայդ դպրոց, Ուիթման քոլեջ, Փյուջեթ Սաունդի համալսարան և Walla Walla High School?
Քաղաքացիություն	ԱՄՆ
Մասնագիտություն	հնչյունավորող, կատակերգու, հաղորդավար և հեռուստատեսային դերասան
Ժանրեր	վեսթեռն
Ընտրանի	Բեթմեն, Գրիֆինների ընտանիքը, Սիմփսոններ, Կախարդական ծնողները և The Big Bang Theory, season 9?
Պարգևներ և մրցանակներ	TV Land Award? Հոլիվուդյան փառքի ծառուղու աստղ և «Ինքփոթ» մրցանակաբաշխություն
	adamwest.com

Ադամ Ուեսթ (անգլ.՝ Adam West, սեպտեմբերի 19, 1928(1928-09-19)^[1]^[2], Walla Walla, Վաշինգտոն, ԱՄՆ - հունիսի 9, 2017(2017-06-09)^[3]^[1], Լոս Անջելես, Կալիֆոռնիա, ԱՄՆ), ամերիկացի կինոդերասան, որն առավել հայտնի է 1960-ական թվականիններին Բեթմենի դերով, որը խաղացել է համանուն հեռուստասերիալում^[5]։ 2000 թվականից նա հնչյունավորել է «Գրիֆինների ընտանիքը» մուլտսերիալի քաղաքապետ Ադամ Վեսթի դերը. այս կերպարը նրա ծաղրանկարների տարբերակն է^[5]։

Վաղ տարիներ[խմբագրել | խմբագրել կոդը]

Ադամ Ուեսթի իսկական անունը Ուիլյամ Ուեսթ Անդերսոն է։ Նա ծնվել է Վաշինգտոն նահանգի Ուոլլա-Ուոլլա քաղաքում՝ Օթթո Ուեսթ Անդերսոնի և Օդրի Սթիրի ընտանիքում^[6]։ Նա մանկուց եղել է կոմիքսների սիրահար, իսկ Բեթմենը եղել է իր սիրած հերոսներից մեկը։ Դեռահասության տարիքում Ադամը իր եղբայր Ջոնի և մոր հետ, որը երկու անգամ ամուսնացել է, տեղափոխվել է Սիեթլ, որտեղ նա գնացել է Լեյքսայդի մասնավոր դպրոց։ Դպրոցն ավարտելուց հետո Ուոլլա-Ուոլլայի Ուիթմանի քոլեջում ուսումնասիրել է գրականություն և հոգեբանություն, այնուհետև ուսումը շարունակել է Սթենֆորդի համալսարանում^[7]։

Լինելով տպավորիչ ձայնի տեր՝ Ուեսթը դեռ քոլեջում սկսել է ռադիոյում աշխատել որպես դիջեյ։ 1950-ական թվականների սկզբին նա զորակոչվել է բանակ և երկու տարի ծառայել։ Գործից ազատվելուց հետո Ուեսթը իրեն սկսել է փորձել դերասանության մեջ։ Նրա առաջին դերը անչափահաս կերպարն է «Շոու Քինի Պոպո» մանկական հեռուստատեսական ծրագրում, որը նկարահանվել է Հավայան կղզիներում։ Ժամանակի ընթացքում Ուեսթը դարձել է այս հեռուստաշոուի գլխավոր հերոսը^[7]։

1959 թվականին՝ միջանցիկ պատկերներում մի շարք փոքր դերերից հետո, Ուեսթը ընտանիքի հետ տեղափոխվել է Հոլիվուդ, որտեղ հույս ուներ ստեղծել հաջող դերասանական կարիերա։ Իր իրական անվան փոխարեն նա սկսել է օգտագործել Ադամ Ուեսթ բեմական կեղծանունը։ Շուտով նա պայմանագիր է կնքել Warner Bros. ստուդիայի հետ։ Ուեսթի առաջին դերը խոշոր ֆիլմում «Երիտասարդ ֆիլադելֆիացիները» ֆիլմում խաղացած դերն է (գլխավոր դերերում՝ Փոլ Նյուման և Բարբարա Ռաշ)։ 1960-ականների սկզբին Ադամը հաճախ նկարահանվել է մեծ թվով վեստերն ժանրի հեռուստատեսային սերիալների էպիզոդիկ դերերում։ Այսպիսով, նա Դոք Հոլիդեյի դերը ABC ալիքով միանգամից խաղացել է երեք վեստերներում։ Ուեսթը նկարահանվել է նաև «Խուզարկուներ» ոստիկանական դրամայի 30 սերիաներում՝ գլխավոր դերը խաղալով Ռոբերտ Թեյլորի հետ։ Հետագայում նրա կարիերայում հաջորդել է Բ-կարգի ֆիլմերում գլխավոր դերերի շարքը, ինչպիսիք են «Տեմին և բժիշկը» (1963), «Ռոբինզոն Կրուզոն Մարսի վրա» (1964), «Բանդիտները գնում են» (1965) և «Չորս անորսալիները» (1965) սպագետի վեստերնը^[7]։

Բեթմենի դերը[խմբագրել | խմբագրել կոդը]

Ուեսթը Բեթմենի զգեստով. 1965 թվական

ABC ալիքի «Բեթմեն» նոր սերիալում Ուեսթը հայտնվել է Nesquik խմիչքի գովազդին մասնակցելու շնորհիվ։ Գովազդային հոլովակում Ջեյմս Բոնդի ոճով նա ներկայացրել է լրտեսի կերպարը։ Այս դերում Ուեսթը հանդիպել է ապագա շոուի պրոդյուսեր Ուիլյամ Դոզերին, որը նրան առաջարկել է գլխավոր՝ հանցագործության դեմ պայքարող Բեթմենի դերը։ 1966 թվականին էկրան բարձրանալուց անմիջապես հետո սերիալը հայտնի է դարձել ինչպես մանկական, այնպես էլ մեծահասակ լսարանի համար։ Այն դարձել է 1960-ականների ամերիկյան փոփ մշակույթի կարևոր մասը. նույնիսկ հոլիվուդյան դերասանները չէին հրաժարվում դրա մեջ էպիզոդիկ դերերում հայտնվելուց։ Ինքը՝ Ուեսթը, արագորեն հասել է մինչև հեռուստաաստղի կարգավիճակի։ Սակայն երրորդ եթերաշրջանին, որը սկսվել է 1968 թվականին, վարկանիշները սկսել են արագորեն նվազել, սյուժեները դարձել են միօրինակ, իսկ «Բեթմեն»-ի բնօրինակ ոճը ձանձրացրել է հանդիսատեսին։ Պրոդյուսերները փորձել են փոփոխություններ կատարել իրավիճակը շտկելու համար, մասնավորապես, Բեթմենին օգնական են տվել՝ ի դեմս Բեթհյորլի, որը պետք է ավելի շատ կանացի լսարաններ գրավեր, բայց այս ամենը չի կարողացել փրկել սերիալը^[7]։

Բեթմենից հետո[խմբագրել | խմբագրել կոդը]

«Բեթմեն»-ի փակվելուց հետո ինչպես և սերիալի մնացած մյուս առաջատար դերասանների, այնպես էլ Ուեսթի կարիերան սկսել է տապալվել։ Նա մի երկրորդական հեռուստասերիալից անցում էր կատարում մյուսին, նկարահանվում անցողիկ ֆիլմերում և չէր կարող գտնել իր դերը, քանի որ պրոդյուսերների կարծիքով, հանդիսատեսը չափազանց շատ էր կապվել Բեթմենի կերպարի հետ։ Չնայած 1970 թվականին Ուեսթը «Ադամանդները հավերժ են» ֆիլմում դիտարկվել է որպես Ջեյմս Բոնդի դերի թեկնածուներից մեկը, սակայն ինքն անձամբ հրաժարվել է մասնակցել, քանի որ կարծել է, որ բրիտանացի հայտնի սուպեր լրտեսը չպետք է խաղա որպես ամերիկացի^[8]^[9]։

1970-ականների վերջին և 1980-ականների սկզբին Ուեսթը շատ է աշխատել սուպերհերոսական թեմաներով մուլտսերիալների հնչեցման վրա։ Նա նույնիսկ վերադարձել է 1977 թվականի «Բեթմենի նոր արկածները» մուլտսերիալում իր ամենահայտնի դերին, որտեղ վերամիավորվել է Բերտ Ուորդի հետ, որը խաղացել է Ռոբինի բնօրինակ սերիալում։ 1989 թվականին Բեթմենի նկատմամբ հետաքրրության նոր թռիչքը, որը հրահրվել է Թիմ Բարթոնի «Բեթմեն» չղջիկի զգեստով հերոսի արկածների մասին ֆիլմով, դրական ազդեցություն է ունեցել Ուեսթի վրա։ Չնայած ինքը՝ դերասանը, վշտացել է, որ Բարթոնը իրեն չի հրավիրել գլխավոր դերի համար։ 1991 թվականին պլանավորվել էր NBC-ով թողարկել «Լուկվել» կատակերգական սերիալը, որտեղ Ուեսթը պետք է խաղար նախկին դերասանի հեռուստատեսային խուզարկույի ինքնահավան դերը, որը որոշում է ինքնուրույն հետաքննել հանցագործությունները։ Պիլոտային շարքի նկարահանումներից հետո ալիքի ղեկավարները սերիալին «կանաչ լույս» չեն տվել^[7]։

Սեթ Մաքֆարլեյնը՝ «Գրիֆինների ընտանիքը» մուլտսերիալի ստեղծողը, իր շոուի մեջ օգտագործել է Ուեսթի կերպարը՝ վերջինս դերասանից վերածելով հորինված Կուահոգ քաղաքի տարօրինակ քաղաքապետի։ 2000 թվականից Ադամ Ուեսթը ինքն էր հնչյունավորում այդ կերպարին։ Ուեսթը որպես հնչյունավորող դերասան աշխատել է նաև «Սիմփսոնները», «Կախարդական ծնողները», «Կիմ հինգից բարձր» (անգլ.՝ Kim Possible), «Բեթմեն» և մի շարք մուլտսերիալների վրա^[7]։

Անձնական կյանք[խմբագրել | խմբագրել կոդը]

Քոլեջի չորրորդ կուրսում Ուեսթն ամուսնացել է Բիլի Լու Իյիգերի հետ։

Հավայան կղզիներ տեղափոխվելուց կարճ ժամանակ անց Ուեսթը բաժանվել է իր առաջին կնոջից և ամուսնացել տեղացի աղջկա՝ Ֆրիսբի Դոուսոնի հետ, որն ունեցել է աղջիկ՝ Ջոնելը (ծնվ. 1957 թվականին), և որդի՝ Հանթերը (ծնվ. 1958 թվականին)։ 1972 թվականին Ուեսթն ամուսնացել է երրորդ անգամ՝ Մարսելա Թագարդ Լիրի հետ։ Այս ամուսնությունից նա ունեցել է չորս երեխա^[6]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 GeneaStar
↑ ^3,0 ^3,1 ^3,2 Adam West, TV’s ‘Batman,’ Dies at 88
↑ https://www.comic-con.org/awards/inkpot
↑ ^5,0 ^5,1 ‘Family Guy’ honors Adam West — and takes shot at ‘political troll’ James Woods
↑ ^6,0 ^6,1 Lisa Fillers (17 октября 2007)։ «Biography: Adam West» (անգլերեն)։ Helium։ Արխիվացված է օրիգինալից 2010-02-06-ին։ Վերցված է 2013-02-17
↑ ^7,0 ^7,1 ^7,2 ^7,3 ^7,4 ^7,5 «Adam West- Biography» (անգլերեն)։ Yahoo! Movies։ Արխիվացված օրիգինալից 2013-02-18-ին։ Վերցված է 2013-02-14
↑ Todd Van Luling (5 августа 2011)։ «10 Actors Who Turned Down James Bond» (անգլերեն)։ BuzzFeed։ Արխիվացված օրիգինալից 2013-02-18-ին։ Վերցված է 2013-02-17
↑ «The Men Who Were Nearly Bond» (անգլերեն)։ Empire։ Արխիվացված օրիգինալից 2013-02-18-ին։ Վերցված է 2013-02-17

Արտաքին հղումներ[խմբագրել | խմբագրել կոդը]

Պաշտոնական կայք

[_78f19fb48f4c302e-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_7320983388381ac9-2] 2,0 ^2,1 GeneaStar

[_9515ecba0585665d-3] 3,0 ^3,1 ^3,2 Adam West, TV’s ‘Batman,’ Dies at 88

[_254003036043e5d3-4] ttps://www.comic-con.org/awards/inkpot

[nydailynews.com-5] 5,0 ^5,1 ‘Family Guy’ honors Adam West — and takes shot at ‘political troll’ James Woods

[hel-6] 6,0 ^6,1 Lisa Fillers (17 октября 2007)։ «Biography: Adam West» (անգլերեն)։ Helium։ Արխիվացված է օրիգինալից 2010-02-06-ին։ Վերցված է 2013-02-17

[ym-7] 7,0 ^7,1 ^7,2 ^7,3 ^7,4 ^7,5 «Adam West- Biography» (անգլերեն)։ Yahoo! Movies։ Արխիվացված օրիգինալից 2013-02-18-ին։ Վերցված է 2013-02-14

[8] Todd Van Luling (5 августа 2011)։ «10 Actors Who Turned Down James Bond» (անգլերեն)։ BuzzFeed։ Արխիվացված օրիգինալից 2013-02-18-ին։ Վերցված է 2013-02-17

[9] «The Men Who Were Nearly Bond» (անգլերեն)։ Empire։ Արխիվացված օրիգինալից 2013-02-18-ին։ Վերցված է 2013-02-17

[1]

[2]

[3]

[4]

[5]

[6]

[7]

[8]

[9]