Խաչատուր Աբովյանի անվան թիվ 2 դպրոց

Վիքիպեդիայից՝ ազատ հանրագիտարանից
(Վերահղված է Աբովյանի անվան դպրոցից)
Jump to navigation Jump to search
Խաչատուր Աբովյանի անվան թիվ 2 դպրոց
Աբովյանի անվան դպրոց (4).JPG
Տեսակդպրոց
Հիմնադրված էհունվարի 14, 1832
Անվանված էԽաչատուր Աբովյան
ՏնօրենԻրա Հակոբյան
Աշակերտներ581
ԵրկիրFlag of Armenia.svg Հայաստան
ՏեղագրությունԵրևան
ՀասցեԵրևան, Կենտրոն վարչական շրջան, Իսահակյան փողոց 30
Կայքyerevan2abovyan.schoolsite.am
Խաչատուր Աբովյանի անվան թիվ 2 դպրոցը գտնվում է Հայաստանում
Խաչատուր Աբովյանի անվան թիվ 2 դպրոց

Խաչատուր Աբովյանի անվան թիվ 2 դպրոց, հանրակրթական դպրոց Երևանի Կենտրոն վարչական շրջանում։

Պատմություն[խմբագրել | խմբագրել կոդը]

Դպրոցի հիմնադրում[խմբագրել | խմբագրել կոդը]

հիմնադրվել է Երևանում, 1832 թ.-ի հունվարի 14-ին, որպես գավառական դպրոց (3 դասարան), 1868 թ.-ին դարձել է պրոգիմնազիա (4 դասարան), 1881 թ.-ին՝ գիմնազիա (8 դասարան և 2 նախապատրաստական)։ 1843–1848 թթ.-ին դպրոցում որպես տեսուչ և ուսուցիչ աշխատել է Խաչատուր Աբովյանը (դպրոցի 6-րդ տնօրեն)։ Նրա տեսչության երկրորդ տարում աշակերտների թիվը 90-ից հասնում է 190-ի։ Մեծամասնությունը հայեր էին, կային նաև ռուսներ, ադրբեջանցիներ և այլ ազգության երեխաներ։

Դպրոցի շենքը եղել է Գայի անվան սպայի տուն։ Գավառական դպրոցի հիմքի վրա 1868 թվականին բացվել է լրիվ տարրական՝ չորսդասյա դպրոց (պրոգիմնազիա)։ 1881 թվականին չորսդասյա հիմքի վրա դպրոցը դառնում է միջնակարգ՝ արական դասական գիմնազիա, որի շրջանավարտները իրավունք ունեին ընդունվել բուհ։ Գիմնազիան ուներ գիշերօթիկ, նախապատրաստական դասարան և գործում էր հաստատված կանոնադրության համաձայն։ Գիմնազիայում դասավանդել են նաև հայեր։ Դասավանդվում էր՝ լատիներեն, հունարեն, հայերի համար՝ հայերեն։

Դասավանդումը ռուսերեն էր։ Գլխավոր առարկաներն էին՝ թվաբանություն, ռուսաց լեզու, կրոն, հայերի համար՝ հայոց լեզու, ադրբեջանցիների համար՝ ադրբեջաներեն։ Պրոգիմնազիայում ավելանում են լատիներեն, ֆրանսերեն, պատմություն, աշխարհագրություն, վայելչագրություն, գիմնազիայում՝ հունարեն, ֆիզիկա և այլն։ Գիմնազիան (արական դասական գիմնազիա) լրիվ միջնակարգ հանրակրթական դպրոց էր։ Ուներ գիշերօթիկ, գրադարան, արհեստանոց։

1913 թվականին գիմնազիան ուներ 707 սան։ Ուսումը վճարովի էր և միայն 10% կազմում էր աշխատավորական խավի երեխաները։

1918 թվականին անկախ Հայաստանում գիմնազիան վերանվանվում է հայկական դասական գիմնազիա։ 1920 թվականի դեկտեմբերին Խորհրդային Հայաստանում արմատապես փոխվում է 2-րդ աստիճանի դպրոցի հիմքը և դպրոցը կոչվում է 2-րդ աստիճանի համար 2 դպրոց։ 1925 թվականին Երևանի քաղխորհրդի որոշմամբ № 2 դպրոցը ճանաչվում Է գավառական դպրոցի ժառանգորդ և անվանակոչվում է Խաչատուր Աբովյանի անվան։

1973 թ.-ին Աբովյանի անվան դպրոցն ուներ 24 դասարան՝ 711 աշակերտով, 46 ուսուցիչ-ուսուցչուհիներով։

Տնօրեններ[խմբագրել | խմբագրել կոդը]

Պրոֆեսոր Հայրապետ Հովհաննիսյան, գրականագետ, պրոֆեսոր՝ Սիմոն Հակոբյան, Միհրան Մանուկյան, Սամվել Խաչատրյան, Արմենակ Վարդապետյան, Ա. Յախշիբեկյան, Մելիթոս Կարապետյան, 1953-1963 թթ.՝ Գեղեց Տիտանյան, Հ. Գասպարյան, Գուրգեն Մկրտչյան, Սարգիս Հովսեփյան, Իրա Հակոբյան-Սարգսյան[1]

Շրջանավարտներ[խմբագրել | խմբագրել կոդը]

Տարբեր ժամանակներում դպրոցում դասավանդել են Հովհաննես Հովհաննիսյանը, Վրթանես Փափազյանը, Ա. Տերտերյանը, Գ. Ղափանցյանը, Կ. Մելիք-Օհանջանյանը, Վահան Թոթովենցը, Ս. Հակոբյանը, Ա. Շավարշյանը, Ս. Մելիքյանը, Ս. Դեմուրյանը, Ս. Առաբելյանը և ուրիշներ։

Պարգևներ[խմբագրել | խմբագրել կոդը]

  • ԽՍՀՄ գերագույն խորհրդի հուշամեդալ, պատվոգրեր
  • 2007 թ ՀՀ ԿԳՆ ոսկե մեդալ
  • «Երևանի քաղաքապետարանի զինանշան» մեդալ

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 34 CC BY-SA icon 80x15.png