Քսերքսես (օպերա)

Վիքիպեդիայից՝ ազատ հանրագիտարանից
Picto infobox music.png
Քսերքսես
Serse
Կոմպոզիտոր Գեորգ Ֆրիդրիխ Հենդել
Լիբրետտոյի
հեղինակ(ներ)
անհայտ
Լիբրետտոյի
լեզու
իտալերեն
Գործողությունների թիվ 3
Ստեղծման թիվ 1738 թ.
Առաջնախաղ 1738 թ. ապրիլի 15
Առաջնախաղի վայր Լոնդոն

Քսերքսես (իտալ.՝ Serse, HWV 40), գերմանացի երգահան Գեորգ Ֆրիդրիխ Հենդելի օպերա (opera-seria) երեք գործողությամբ։ Իտալերեն լիբրետտոյի հեղինակն անհայտ է, տեքստի հիմքում ընկած է իտալացի երգահան Ջովաննի Բոնոնչինիի համար Սիլվիո Ստամպիլիայի լիբրետտոն (1694 թ.), որն իր հերթին իրենից ներկայացնում է 1654 թ. Ֆրանչեսկո Քավալլիի համար գրված Նիկոլո Մինատոյի լիբրետտոյի ադապտացումը։ Օպերայում պատմվում է Աքեմենյան Պարսկաստանի արքա Քսերքսեսի մասին։ Հենդելի օպերան առաջին անգամ բեմադրվել է 1738 թ ապրիլի 15-ին Լոնդոնի Թագավորական թատրոնում (King's theatre)՝ դիմանալով միայն 5 ներկայացման։ Օպերան համարվում է գերմանացի երգահանի լավագույն գործերից մեկը. հատկապես մեծ հռչակ է ստացել "Ombra mai fù" մեներգը (արիան), որը հաճախ կատարվում է նվագախմբների կողմից և հայտնի է որպես Հենդելի "largo"։