Տոսիրո Միֆունե

Տոսիրո Միֆունե
Բնագիր ԱԱՀ	三船 敏郎
Ծնվել է`	ապրիլի 1, 1920
Ծնվելու վայր`	Ցինդաո, Չինաստան
Վախճանվել է`	Տոկիո, Ճապոնիա
Վախճանի օր`	դեկտեմբերի 24, 1997
Ակտիվ շրջան	1948-1995
Ամուսին(ներ)	Սատիկո Յոսիմինե
էջ IMDb-ում	ID 0001536
Վեբկայք	պաշտոնական կայք

Տոսիրո Միֆունե (ճապոներեն 三船 敏郎 , ապրիլի 1, 1920, Չինաստան — դեկտեմբերի 24, 1997, Ճապոնիա), ճապոնացի դերասան, հայտնի է առավելապես Ակիրա Կուրոսավայի ֆիլմերից:

Կենսագրություն

Տոսիրո Միֆունեն ծնվել է Չինաստանի Ցինդաո քաղաքում, ճապոնացու ընտանիքում, ունեցել է 2 եղբայր: Հայրը` Տոկուձո Միֆունեն գործարար էր և ուներ սեփական ֆոտո խանութ: Ապա ընտանիքով տեղափոխվել են Դալյան քաղաք, ուր անցել է նրա մանկությունը:

Երիտասարդ տարիքում աշխատել է հոր խանութում: Չնայած նրան, որ բնակվում էր Չինաստանում, սակայն որպես Ճապոնիայի քաղաքացի կանչվում է զինվորական ծառայության Ճապոնիայում` ծառայելով Հակաօդային պաշտպանության զորքերում:

Զորացրվելուց հետո 1946 թվականին տեղափոխվում է Տոկիո և ընդունվում է աշխատանքի «Տոխո» կինոընկերությունում որպես օպերատորի օգնական: Այդ ժամանակ կինոընկերությունից գործադուլի հետևանքով հեռանում են շատ դերասաններ և ընկերությունը կազմակերպում է «նոր դեմքերի» հայտնաբերման մրցույթ, որին մասնակցում են մոտ 4000 հոգի: Հենց այդ ժամանակ էլ Տոսիրո Միֆունեին նկատում է ռեժիսոր Կաձիրո Յամամոտոն: Այս նույն մրցույթի ժամանակ էլ նա ծանոթանում է իր ապագա կնոջ` Սատիկո Յոսիմինեի հետ, ում հետ էլ ամուսնանում է 1950 թվականին:

1992 թվականին բժիշկները նրա մոտ հայտնաբերում են սրտի հետ կապված հիվանդություն, որից հետո դերասանը դադարում է նկարահանվել: Մահացել է 1997 թվականին: Նրա հուղարկավորությունը կազմակերպվում է «Տոխո», Mifune Production и Kurosawa Production կինոընկերությունների կողմից:

Կարիերան

Տոսիրո Միֆունեի հերոսը Ռասյոմոն ֆիլմում

Առաջին դերերը կինոյում դառնում է ռեժիսոր Կաձիրո Յամամոտոյի «Նոր հիմարների ժամանակը» ֆիլմը, իսկ Սենգիտի Տանիգուտի «Արծաթե լեռնաշղթայի մյուս կողմում» ֆիլմի նկարահանումների ժամանակ ծանոթանում է Ակիրա Կուրոսավայի հետ: 1948 թվականին նկարահանվում է Կուրոսավայի «Հարբած հրեշտակը» ֆիլմում, որտեղ մարմնավորում է երիտասարդ գանգստեր Մացունագուին: Հենց այս ֆիլմով էլ սկսվում է նրա ու Կուրոսավայի երկարատև համագործակցության սկիզբը:

Մեծ ճանաչում է նրան բերում ավազակ Տաձեմարուի դերը Կուրոսավայի 1950 թվականին նկարահանված «Ռասյոմոն» ֆիլմում: Կուրոսավայի և Միֆունեի մեկ այլ համատեղ աշխատանք` «Յոթ սամուրայներ» մեծ հաջողություն է ունենում և լայն արձագանք ստանալավ ամբողջ աշխարհում, և հետագայում մեծ ազդեցություն է ունենում արևմտյան կինոարվեստի պատմության վրա: Նշված 2 ֆիլմերն էլ ստանում են Օսկար մրցանակ, Օսկար լավագույն օտարերկրյա ֆիլմի համար անվանակարգում:

Նրանց վերջին համատեղ աշխատանքը դառնում է «Կարմիր մորուքը» (1965) դրաման: Դրանից հետո նրանց միջև տարաձայնություններ են սկսվում և նրանց ստեղծագործական ճանապարհները բաժանվում են:

Սկսած 1960-ական թթ. Միֆունեն ակտիվորեն նկարահանվում է եվրոպական և արևմտյան կինոյում: Հիշարժան են նրա խաղացած դերերը ռեժիսոր Թերենս Յանգի «Կարմիր արև» վեստեռնում, ուր նրա խաղընկերներն էին հայտնի դերասաններ Ալեն Դելոնը և Չառլզ Բրոնսոնը, Սթիվեն Սփիլբերգի «1941» ֆիլմում և «Սյոգուն» հինգ սերիա ունեցող ֆիլմաշարում:

Մրցանակներ և ճանաչումներ

Ընդհանուր թվով նկարահանվել է մոտ 180 գեղարվեստական և հեռուստատեսային ֆիլմերում, արժանացել 14 տարբեր կինոմրցանակների, այդ թվում Վենետիկի և Մոնրեալի կինոփառատոնների մրցանակի:

Բրիտանական կինոյի ինստիտուտը Տոսիրո Միֆունեին անվանել է «ամենահայտնի ճապոնացի դերասանը արևմտյան երկրներում».

1997 թվականին Empire ամսագիրը նրան ներառել է «Բոլոր ժամանակների 100 լավագույն կինոդերասանների» ցանկում, իսկ 2006 թվականին «Թիկնապահը» ֆիլմում խաղացած դերը ընդգրկվել է Premiere ամսագրի կողմից կազմված «Բոլոր ժամանակների ամենամեծ դերերի» ցանկում.

Տոսիրե Միֆունեին իրավամբ կարելի համարել ոչ միայն ճապոնայի, այլ Ասիայի ամենանշանավոր դերասաններից մեկը:

Գրականություն

• Генс И. Ю. Тосиро Мифунэ. — М.: Искусство, 1974. — 128 с., 23 л. ил. с. — (Мастера зарубежного киноискусства)
• Galbraith, Stuart, IV (2002). The Emperor and the Wolf: The Lives and Films of Akira Kurosawa and Toshiro Mifune. Faber & Faber. ISBN 0-571-19982-8.

Արտաքին հղումներ

Մեդիաֆայլեր այստեղ՝ Տոսիրո Միֆունե

• պաշտոնական կայք (ճապ.) (անգ.)
• Internet Movie Database կայքում
• Japanese Movie Database կայքում
• kinopoisk կայքում
• shinema.ru կայքում