Յոթ սամուրայներ

Յոթ սամուրայներ 七人の侍
Կինոնկարի պաստառը
Ժանր	Դրամա
Երկիր	Ճապոնիա
Թվական	1954
Լեզու	Ճապոներեն
Ռեժիսոր	Ակիրա Կուրոսավա Սինոբու Հասիմոտո Հիդզո Օգունի
Պրոդյուսեր	Մոտոկի Սադիրո
Սցենարիստ(ներ)	Ակիրա Կուրասավա
Դերակատարներ	Տոսիրո Միֆունե Տակասի Սիմուրա
Օպերատոր	Ասակաձու Նակայի
Երաժշտություն	Ֆումիո Հայասակա
Ընկերություն	Toho
Տևողություն	203 րոպե
Բյուջե	2 մլն ԱՄՆ $
IMDb	ID 0047478
description

«Յոթ սամուրայներ» (ճապոներեն՝ 七人の侍, 1954 թ.), ճապոնական գեղարվեստական ֆիլմ։ Հռչակավոր Ակիրա Կուրոսավայի դասական դարձած փիլիսոփայական դրաման։

Սյուժե

XVI դարի երկրորդ կես։ Ճապոնական գյուղերից մեկի բնակիչները պատահմամբ տեղեկանում են, որ թափառական բանդիտները պատրաստվում են հարձակվել իրենց գյուղի վրա և խլել բերքը։ Գյուղացիներն իրենցից երեք հոգու ուղարկում են քաղաք, որպեսզի նրանք մարդիկ վարձեն գյուղը պաշտպանելու և որ վերջիններս համաձայնեն աշխատել միայն ուտելիքի դիմաց, որովհետև գյուղացիները նրանց առաջարկելու ուրիշ բան չունեն։ Գյուղացիները ականատես են դառնում, թե ինչպես է փորձառու մարտիկ Կամբեյը անզեն ձեռքերով վնասազերծում և սպանում մի երեխայի պատանդ վերցրած ավազակին։ Նրանք սամուրային պատմում են իրենց դժբախտության մասին, և Կամբեյը համաձայնում է օգնել գյուղացիներին։

Կամաց-կամաց Կամբեյը հավաքում է փորձառու մարտիկներից կազմված մի փոքր ջոկատ, նրանց են միանում նաև երիտասարդ սամուրայ Կացուսիրոն, ով ուզում է դառնալ Կամբեյի աշակերտը, և Կիկուտիյոն, ով իրեն ներկայացնում է որպես սամուրայ, բայց իրականում մի սովորական թափառաշրջիկ է։

Ջոկատը ժամանում է գյուղ, որի բնակիչները վախով ու զգուշությամբ են դիմավորում սամուրայներին։ Սակայն Կիկուտիյոն, ով շատ լավ էր ճանաչում գյուղացիներին, կարողանում է համոզել գյուղացիներին, որ սամուրայներն իրականում եկել են գյուղը պաշտպանելու, այլ ոչ թե թալանելու։ Սամուրայները սկսում են գյուղացիների հետ միասին կազմակերպել գյուղի պաշտպանությունը։

Երբ բանդիտները հարձակվում են, գյուղացիները նրանց փոքր խմբերին ներս են թողնում գյուղի տարածք և ոչնչացնում: Վերջին հարձակման ժամանակ գյուղի տարածք են թողնում բանդիտների վերջին ու ամենամեծ խմբին և ոչնչացնում նրանց: Սակայն կռիվների ժամանակ զոհվում են նաև սամուրայներ: Ողջ են մնում միայն Կամբեյը, Սիտիրոձին և Կացուսիրոն:

Կամբեյը, Սիտիրոձին և Կացուսիրոն լքում են գյուղը, նրանք արդեն պետք չեն գյուղացիներին, ովքեր սկսում են իրենց խաղաղ կյանքը:

Դերերում

Դերակատար	Դեր
Տակասի Սիմուրա	Կամբեյ Սիմադա Կամբեյ Սիմադա սամուրայների ղեկավար
Յոսիո Ինաբա	Կատայամա Գորոբեյ Կատայամա Գորոբեյ երկրորդ սամուրայ
Դայսուկե Կատո	Սիտիրոձի Սիտիրոձի երրորդ սամուրայ
Մինորու Տիակի	Հեյհատի Հայսիդայ Հեյհատի Հայսիդայ չորրորդ սամուրայ
Իսաո Կիմուրա	Կացուսիրո Օկամոտո Կացուսիրո Օկամոտո երիտասարդ սամուրայ
Տոսիրո Միֆունե	Կիկուտիյո Կիկուտիյո յոթերորդ սամուրայ

Պարգևներ

Ֆիլմը ստացել է 5 մրցանակ, ներկյացաված է եղել ևս 4-ի, որոնց թվում`

• ներկայացվել է 2 Օսկարի
• 250 լավագույն ֆիլմեր (ըստ IMDb վարկածի)ի ցանկում ֆիլմը զբաղեցնում է 13-րդ տեղը (2011 թվականի օգոստոսի 4-ի դրությամբ)
• Վենետիկի Կինոփառատոն (1954), Արծաթե առյուծ — Ակիրա Կուրոսավա
• Ներկայացվել է 3 BAFTA-ի
• Empire թերթի կողմից 2010 թվականին կազմված «100 լավագույն ոչ անգլալեզու ֆիլմերի» ցանկում 1-ին տեղում է.