Յուրի Լոտման

Վիքիպեդիայից՝ ազատ հանրագիտարանից
Yuri Lotman 1992.png

Յուրի Միխայիլի Լոտման (1922-1993), ռուս նշանագետ, մշակութաբան և բանասեր, «Տարտու-Մոսկովյան նշանագիտական դպրոցի» հիմնադիրներից։

1939 թ. ընդունվել է Լենինգրադի բանասիրության ֆակուլտետ, իսկ 1940 թ. մեկնել ռազմաճակատ։ 1950 թ. տեղափոխվել է Տարտուի համալսարան (Էստոնիա)։ Այստեղ էլ 1951 թ. պաշտպանել թեկնածուականը, իսկ 1961 թ.` դոկտորականը։ Եղել է Բրիտանական ակադեմիայի թղթակից-անդամ, Նորվեգական, Շվեդական և Էստոնական ակադեմիաների ակադեմիկոս։ Ինչպես նաև` Նշանագիտության համաշխարհային ասոցիացիայի վիցե-պրեզիդենտ, «Նշանագիտական համակարգերի աշխատություններ» շարքի կազմակերպիչ («Տարտուի համալսարանի հետազոտական գրությունների» շրջանակում)։ Արժանացել է Պուշկինյան մրցանակի։ Հիմնարար աշխատություններից են՝ «Կառուցքաբանական պոետիկայի դասընթացներ» (1964), «Գեղարվեստական տեքստի կառուցվածքը» (1970), «Պոետական տեքստի վերլուծություն» (1972), «Մշակույթը և պայթյունը» (1992)ևայլն։