Նիկոլայ Ռիմսկի-Կորսակով

Վիքիպեդիայից՝ ազատ հանրագիտարանից
NARK.jpg

Նիկոլայ Ռիմսկի-Կորսակով (6 (18) մարտի 1844, Տիխվին, Նովգորոդի գուբերնիա - 8 (21) հունիս 1908, Լյուբենսկ կալվածք, Սանկտ Պետերբուրգի գուբերնիա), նշանավոր ռուս երգահան, մանկավարժ, դիրիժոր, հասարակական գործիչ, երաժշտական քննադատ, «Հզոր խմբակի» անդամ։ Գրել է 15 օպերա, որոնցից առավել հայտնի են «Ձյունանուշիկը», «Սադկոն», «Ցարի հարսնացուն», «Ասք անտեսանելի քաղաք Կիտեժի և կույս Ֆևրոնիայի մասին», «Ոսկե աքաղաղը», 3 սիմֆոնիա, սիմֆոնիկ ստեղծագործություններ, գործիքային համերգներ, կանտատներ, կամերային, վոկալ և հոգևոր ստեղծագործություններ։ Ն. Ա. Ռիմսկի-Կորսակովը ռուսական դասական երաժշտական արվեստի խոշորագույն ներկայացուցիչներից մեկն է։ «Հզոր խմբակի» մյուս կոմպոզիտորների նման Ռիմսկի-Կորսակովը պայքարում էր հանուն առաջավոր ժողովրդական ու ռեալիստական արվեստի։ Ժողովրդական երգը այն աղբյուրն է, որը սնել է կոմպոզիտորի երաժշտական լեզուն։ Իր բազմաբեղուն կոմպոզիտորական գործունեության հետ մեկտեղ Ռիմսկի-Կորսակովը հսկայական մանկավարժական աշխատանք է կատարել։ Նա դաստիրակել է մեծ թվով խոշորագույն կոմպոզիտորների, ինչպիսիք են՝ Ալեքսանդր Գլազունովը, Ա. Լյադովը և ուրիշներ։

Կյանքը[խմբագրել]

Մանկություն և պատանեկության տարիներ[խմբագրել]

Ն. Ա. Ռիմսկի-Կորսակովը ծնվել է 1844 թ. մարտի 18-ին Նովգորոդի Տիխվին քաղաքում։ Ռիմսկի-Կորսակովի բացառիկ երաժշտական ընդունակություններն ի հայտ են գալիս վաղ հասակից։ Վեց տարեկան հասակում նա սկսում է երաժշտություն սովորել։ 1856 թ. Ռիմսկի-Կորսակովը ընդունվում է Պետերբուրգի ծովային կորպուս։ Երիտասարդ երաժշտի համար կարևոր նշանակություն ունեցավ պարամունքները երաժիշտ-մանկավարժ Ֆ.Ա. Կանիլլեի մոտ, որը բարձր էր գնահատում ռուսական ազգային երաժշտությունը։ Ֆ.Ա. Կանիլլեն դրական դեր խաղաց ապագա կոմպոզիտորի երաժշտական պատկերացումների ամրապնդման գործում։

Օպերաներ[խմբագրել]

  • Պսկովիտյանկա (Псковитянка)
  • Մայիսյան գիշեր (Майская ночь)
  • Ձյունանուշիկ (Снегурочка)
  • Մլադա (Млада)
  • Սուրբ Ծննդյան գիշեր (Ночь перед Рождеством)
  • Սադկո (Садко)
  • Մոցարտ և Սալիերի (Моцарт и Сальери)
  • Բոյարուհի Վերա Շելոգա (Боярыня Вера Шелога (пролог к Псковитянке))
  • Ցարի հարսնացուն (Царская невеста)
  • Հեքիաթ Սալթան թագավորի մասին (Сказка о царе Салтане)
  • Սերվիլիա (Сервилия)
  • Անմահ Կաշչեյ (Кащей Бессмертный)
  • Պան Վոևոդա (Пан воевода)
  • Ասք անտեսանելի քաղաք Կիտեժի և կույս Ֆևրոնիայի մասին (Сказание о невидимом граде Китеже и деве Февронии)
  • Ոսկի աքլորիկը (Золотой петушок)