Հասմիկ Հարությունյան
| Հասմիկ Հարությունյան | |
|---|---|
 | |
| Ծնվել է | դեկտեմբերի 26, 1960 (63 տարեկան) Երևան, Հայկական ԽՍՀ, ԽՍՀՄ |
| Երկիր |  Հայաստան |
| Ժանրեր | ժողովրդական բանահյուսություն |
| Մասնագիտություն | երգչուհի և երաժիշտ |
| Գործիքներ | վոկալ |
| Աշխատավայր | Շողակն |
| Կրթություն | Առնո Բաբաջանյանի անվան պետական երաժշտամանկավարժական քոլեջ (1982) և Հայկական պետական մանկավարժական համալսարան (1995) |
| Պարգևներ |  |
Հասմիկ Սերյոժայի Հարությունյան (դեկտեմբերի 26, 1960, Երևան, Հայկական ԽՍՀ, ԽՍՀՄ), հայ երգչուհի։ ՀՀ վաստակավոր արտիստ (2011): «Շողակն» ֆոլկ-անսամբլի հիմնադիր[1]։
Կենսագրություն[խմբագրել | խմբագրել կոդը]
Հասմիկ Հարությունյանը ծնվել է 1960 թվականին Երևանում։ 1982 թվականին ավարտել է Երևանի Առնո Բաբաջանյանի անվան երաժշտական ուսումնարանի վոկալի բաժինը, 1995 թվականին՝ Երևանի Խաչատուր Աբովյանի անվան պետական մանկավարժական համալսարանի ֆիզմաթ ֆակուլտետը։ 1983-1996 թվականներին հանդես է եկել Հայաստանի ռադիոյի և հեռուստատեսության պետական կոմիտեի «Ակունք» ազգագրական անսամբլում։ 1995 թվականին հիմնադրել է «Շողակն» ֆոլկ-անսամբլը, որի հետ բազմաթիվ ելույթներով հանդես է եկել Ֆրանսիայում, Գերմանիայում, Էստոնիայում, Ռուսաստանում, Արաբական Միացյալ Էմիրություններում, Կանադայում, ԱՄՆ-ում և այլուր[2]։
Գործունեություն[խմբագրել | խմբագրել կոդը]
1996 թվականից «Հայրիկ Մուրադյան» ավանդական երգի և պարի մանկական անսամբլի հիմնադիրն ու գեղարվեստական ղեկավարն է։ «Շողակն» անսամբլի երաժշտությունը հնչում է Ատոմ Էգոյանի «Արարատ» ֆիլմում։ 2009 թվականին Լեհաստանի Վրոցլավ քաղաքի «Giving Voice» երաժշտական փառատոնում մենահամերգով հանդես է եկել հայկական օրորոցային երգերի կատարմամբ։ Նույն թվականին ԱՄՆ-ում համերգներով հանդես է եկել ամերիկյան «Կիտկա» կանանց վոկալ անսամբլի հետ, որտեղ ներկայացրել է «Կոմիտաս» և հայկական ժողովրդական երգերը, որոնք կատարել է նաև Սան Ֆրանցիսկոյի միջազգային երաժշտության փառատոնի ժամանակ։ 2011թվականին մասնակցել է Թուրքիայի Արդվին քաղաքում կազմակերպված «Green Yayla» փառատոնին։ Նույն թվականին Գերմանիայի Շտուտգարտ քաղաքում մասնակցել է ՀՀ անկախության օրվան նվիրված տոնական համերգին[3]։
Ձայնասկավառակներ[խմբագրել | խմբագրել կոդը]
«Շողակն» անսամբլի հետ
- «Հայկական անթոլոգիա», 2002
- «Հայկական ավանդական պարեր», 2004
- «Հայկական օրորոցայիններ», 2004 («Նյու Յորք Թայմս» պարբերականի կողմից ճանաչվել է «Համաշխարհային երաժշտության լավագույն ձայնասկավառակ», 2004)
- «Երաժշտություն Հայաստանից», 2008
«Կարոտ» անսամբլի հետ
- «Կարոտ 1», 2001
- «Կարոտ 2», 2003
«Հայրիկ Մուրադյան մանկական անսամբլի հետ»
- «Հայ ավանդական մանկական երգեր», 2005
Ալեքսան Հարությունյանի հետ
- «Հայկական հարսանեկան երգեր», 2010
- «Հորովել-Հայ ավանդական աշխատանքային երգեր», 2007
Ծանոթագրություններ[խմբագրել | խմբագրել կոդը]
- ↑ «Shoghaken Folk Ensemble». www.road-to-armenia.com. Արխիվացված է օրիգինալից 2018 թ․ հոկտեմբերի 7-ին. Վերցված է 2016 թ․ դեկտեմբերի 10-ին.
- ↑ Baghdasaryan, Aram. «AV Production - Հասմիկ Հարությունյան». avproduction.am. Արխիվացված է օրիգինալից 2018 թ․ հուլիսի 3-ին. Վերցված է 2016 թ․ դեկտեմբերի 10-ին.
- ↑ «Hasmik Harutyunyan». road-to-armenia.com. Արխիվացված է օրիգինալից 2016 թ․ նոյեմբերի 4-ին. Վերցված է 2016 թ․ դեկտեմբերի 10-ին.
| ||||||||||
