Ատոմ Էգոյան

Վիքիպեդիայից՝ ազատ հանրագիտարանից
Ատոմ Էգոյան

Ատոմ Էգոյանը (ծն. 1960, Կահիրե, Եգիպտոս), կանադահայ կինոռեժիսոր։

Կենսագրություն[խմբագրել]

Ծնվել է 1960-ին, Կահիրեում, մեծացել՝ Արևմտյան Կանադայում։ Միջազգային հարաբերություններ և երաժշտություն է ուսանել Տորոնտոյի համալսարանում, որտեղ էլ սկսել է ֆիլմեր նկարահանել։ Նրա վաղ շրջանի գործերն աչքի են ընկել Սանդենսի անկախ կինոյի փառատոնում, իսկ «Լուսավոր գալիք» ֆիլմով ճանաչման է հասել և քննադատների և հանդիսատեսների շրջանում։ Կաննի կինոփառատոնի եռակի մրցանակակիր է, ներկայացվել է «Օսկարի» և Տորոնտոյի միջազգային կինոփառատոնում՝ քառիցս մրցանակի արժանացե։ Կանադայի բարձրագույն կինոպարգևի՝ «Ջինի» յոթնակի դափնեկիր է, ներկայիս անկախ կինոյի երևելի դեմքերից մեկը։ «Օրացույցը» (1993) նկարահանելիս վերադարձել է նախնիների հայրենիք։ 2004-ին «Ոսկե ծիրան» Գլխավոր մրցանակին է արժանացել Երևանի 1-ին միջազգային կինոփառատոնում։ 2010-ին եղել է Կաննի ԿՓ-ի «Սինեֆոնդասիոն» և կարճամետրաժ ֆիլմերի ժյուրիի նախագահը։

Ամենահայտնի ֆիլմերից է Արարատը (2002)։

Նրա կինը դերասանուհի Արսինե Խանջյանն է։

Ֆիլմադարան[խմբագրել]

  • Ներքինու տարփանքը (1977)
  • Մասնավորապես Հաուարդը (1979)
  • Այսուհետ՝ հայրիկի հետ (1980)
  • Փիփ շոու (1981)
  • Բաց տուն (1982)
  • Հարազատներ(1984)
  • Այս անկյունում (1985) հ/ֆ
  • Տղամարդիկ. կրքի խաղադաշտ (1985)
  • Ընտանեկան դիտում (1987)
  • Կուպիդոնի կապարճը (1987) հ/ֆ
  • Վերջին ցնցումը (1987) հ/ֆ
  • Ոչինչ փնտրելով (1988)
  • Մի աղջնակ կար (1988) հ/ֆ
  • Խոսուն դերեր (1989)
  • Պատը(1989) հ/ֆ
  • Ապահովագրական գործակալը (1991)
  • Մոնրեալը՝ տարբեր աչքերով, վեց վարիացիա նույն թեմայով («Անցնելով» նովելը), (1993)
  • Օրացույց(1993)
  • Բիրտ պահվածք (1993) հ/ֆ
  • Էկզոտիկա(1994)
  • Արշիլի դիմանկարը (1995)
  • Լուսավոր գալիք (1997)
  • Բախի թավջութակի սյուիտ թիվ 4. Սարաբանդա (1997) հ/ֆ
  • Ֆելիսիայի ուղևորությունը (1999)
  • Շարք (2000)
  • Քրափի վերջին ժապավենը (2000)
  • Սփյուռք (2001)
  • Արարատ (2002)
  • Որտե՞ղ է թաքնված է ճշմարտությունը (2005)
  • Միջնաբերդ (2006)
  • Յուրաքանչյուրին՝ իր կինոն մաս՝ Արտո Կրկնակի հաշիվ (2007)
  • Երկրպագություն (2008)
  • Քլոե (2009)

Արտաքին հղումներ[խմբագրել]