Լարս ֆոն Թրիեր

Լարս ֆոն Թրիեր
ռեժիսոր, սցենարիստ
Բնագիր ԱԱՀ՝	Lars von Trier
Ծննդյան օր՝	ապրիլի 30, 1956
Ծննդավայր՝	Կոպենհագեն, Դանիա
Ազգություն	Դանիա
Աշխատանք՝	1969-ից սկսած
Կայք՝	IMDb-ում էջ

Լարս ֆոն Թրիեր (դան. Lars von Trier, ապրիլի 30, 1956, Կոպենհագեն, Դանիա), դանիացի ռեժիսոր, սցենարիստ, պրոդյուսեր, դերասան, մոնտաժող, օպերատոր և կոմպոզիտոր, մեր ժամանակների նշանավոր կինոդեմքերից մեկը:

Կինեմատոգրաֆիայում «Դոգմա 95» ուղղության հիմնադիր: Նրա ֆիլմերը աչքի են ընկնում օպերատորական հատուկ աշխատանքով, դեկորացիների յուրօրինակ ձևավորումով, ինքնատիպ սյուժեներով, որոնցից «Դոգվիլ», «Եվրոպա», «Խավարում պարողը» և «Ճեղքելով ալիքները» ֆիլմերը նրա կինեմատոգրաֆիական ձեռագրի լավագույն արտահայտումներն են:

Կենսագրություն և կարիերա

Լարս ֆոն Թրիերը ծնվել է 1956 թվականի ապրիլի 30-ին Դանիայի մայրաքաղաք Կոպենհագենում: Ավարտել է Դանիայի Ազգային դպրոցը 1983 թվականին: Իր առաջին աշխատանքը կինոյում 1976 թվականին նկարահանված Orchideengärtnereien կարճամետրաժ ֆիլմն էր: Նրա դիպլոմային աշխատանքը «Ազատագրման նկարներ» (Befrielsesbilleder) ֆիլմը 1984 թվականի Մյունխենի կինոփառատոնում արժանանում է գլխավոր մրցանակի:

Թրերի առաջին մեծ աշխատանքը կինոյում «Հանցագործության տարրեր» (1984) ֆիլմն էր, որը ստացել է Կաննի, Չիկագոյի և Մանհեյմի կինոփառատոնների մրցանակ: Այս ֆիլմում, ինչպես և իր հետագա ֆիլմերից շատերում Լարս ֆոն Թրիերը հանդես է եկել որպես ռեժիսոր, սցենարիստ, օպերատոր և դերասան:

Ֆիլմագրություն

Ընդհանուր թվով նկարահանել է 33 ֆիլմ, 34 ֆիլմի սցենարի հեղինակ է, 11 ֆիլմի պրոդյուսեր, 9-ական ֆիլմի օպերատոր և մոնտաժող, խաղացել է 12 ֆիլմում:
Առավել նշանավոր ռեժիսորական ֆիլմերն են.

տարի	ֆիլմ	բնօրինակ անվանում	դերասաններ
1984	«Հանցագործության տարրեր»	Forbrydelsens element
1987	«Համաճարակ»	Epidemic	Լարս ֆոն Թրիեր Ուդո Կիր
1988	«Մեդեա»	Medea	Ուդո Կիր
1991	«Եվրոպա»	Europa	Ժան-Մարկ Բար Ուդո Կիր Բարբարա Զուկովա Մաքս ֆոն Սյուդով ֆիլմի պատմող
1996	«Ճեղքելով ալիքները»	Breaking the Waves	Էմիլի Ուոթսոն Ստելլան Սկարսգարդ Ժան-Մարկ Բար Ուդո Կիր
1998	«Ապուշները»	Idioterne
2000	«Խավարում պարողը»	Dancer in the Dark	Բյորք Կատրին Դընյով Դևիդ Մորս Ստելլան Սկարսգարդ Ժան-Մարկ Բար Ուդո Կիր
2003	«Դոգվիլ»	Dogville	Նիկոլ Քիդման Լորեն Բեքոլ Ստելլան Սկարսգարդ Ջեյմս Կան Պատրիսիա Կլարկսոն Բեն Գազզարա Պոլ Բեթանի Ժան-Մարկ Բար Ուդո Կիր Ջոն Հյորտ
2005	«Մանդերլեյ»	Manderlay	Ուիլյամ Դեֆո Դեննի Գլովեր Լորեն Բեքոլ Ժան-Մարկ Բար Ուդո Կիր
2006	«Ամենագլխավոր բոսսը»	Direktøren for det Hele	Ժան-Մարկ Բար Լարս ֆոն Թրիեր
2009	«Նեռը»	Antichrist	Ուիլյամ Դեֆո Շառլոտա Գենսբուր
2011	«Մելանխոլիա»	Melancholia	Քիրստեն Դանստ Կիֆեր Սազերլենդ Շառլոտա Գենսբուր Ստելլան Սկարսգարդ Ուդո Կիր Ջոն Հյորտ

Մրցանակներ

Մոտ 80 կինոմրցանակի դափնեկիր է:

• ներկայացվել է Օսկարի և Ոսկե Գլոբուսի
• 8 անգամ արժանացել է Դանիական «Բոդիլ» կինոմրցանակի
• 14 անգամ ներկայացվել է Կաննի կինոփառատոնի տարբեր մրցանակի, ստացել է 6 մրցանակ
• 1 անգամ ստացել է Սեզար, 1 Գոյա, 1 Դավիթ դի Դոնատելլի անվան մրցանակ ևայլն