Իրավաբանական անձ

Իրավաբանական անձ է կոչվում այն մարդկային կազմակերպությունը որը օրենքով սահմանված կարգով գրանցված է և իրավահարաբերություններում հանդես է գալիս իր ուրույն անունով:

Կազմակերպությունը կարող է համարվել իրավաբանական անձ եթե այն ունի առանձնացված գույք՝ որպես սեփականություն, լրիվ տնտեսվարող կամ սուբյեկտիվ իրավունքով, իրենց պարտավորություններով պատասխանատու են իրենց առանձնացված գույքով, իրենց անունից կարող են ձեռք բերել գույքային և անձնական ոչ գույքային իրավունքներ և կրել պարտականություններ, դատարանում հանդես գալ որպես հայցվոր և պատասխանող: Բացի քրեական իրավունքից մյուս բոլոր իրավունքի ճյուղերում իրավաբանական անձինք համարվում են իրավունքի սուբյեկտներ:

Իրավաբանական անձինք լինում են երկու տեսակի՝

• Ոչ առևտրային՝ շահույթ չհետապնդող (Հասարակական կազմակերպություններ, հիմնադրամներ)
• Առևտրային՝ շահույթ ստանալու համար ստեղծված (Սահմանափակ պատասխանատվությամբ ընկերություններ, լիարժեք պատասխանատվությամբ ընկերություններ, բաժնետիրական ընկերություններ և այլն)

Որպեսզի կազմակերպությունը կոչվի իրավաբանական անձ այն անհրաժեշտ է որ ունենա որոշակի անհրաժեշտ հատկանիշներ:

1. կազմակերպական միասնություն
2. Գույքային առանացվածություն
3. իր անունից քաղաքացիական շրջանառությունում հանդես գալու իրավունք
4. ինքնուրույն կարողանա կրել գույքային պատասխանատվություն

Աղբյուրներ

Տարիել Բարսեղյան, «Քաղաքացիական իրավունք» 2004թ, հատոր 1, 102-րդ էջ