Դավիթ Հալաջյան

Դավիթ Հալաջյան
Դավիթ Հալաջյան, 2012 թվականի մայիս, Երևան
Ծնվել է	փետրվարի 7, 1962(1962-02-07) (62 տարեկան)
Ծննդավայր	ԽՍՀՄ, Երևան
Քաղաքացիություն	Հայաստան, Շվեյցարիա
Ազգություն	հայ
Կրթություն	Երևանի Կոմիտասի անվան պետական կոնսերվատորիա
Մասնագիտություն	կոմպոզիտոր, խմբավար, երաժշտագետ
Պարգևներ և մրցանակներ
Կայք	davidhaladjian.com

Դավիթ Մարատի Հալաջյան (փետրվարի 7, 1962(1962-02-07), Երևան, Հայկական ԽՍՀ, ԽՍՀՄ), հայ կոմպոզիտոր, նվագավար և երաժշտագետ։

Կենսագրություն

Դավիթ Հալաջյանը ծնվել է Երևանում։ Ավարտել է Երևանի Ռոմանոս Մելիքյանի անվան երաժշտական ուսումնարանի դաշնամուրային բաժինը։ 1989 թվականին ավարտել է Երևանի Կոմիտասի անվան կոնսերվատորիայի կոմպոզիցիայի ֆակուլտետը, Էդգար Հովհաննիսյանի ստեղծագործական դասարան, (Ավետ Տերտերյան`գործիքավորում, Հակոբ Ոսկանյան` դիրիժորություն), 1991 թվականին՝ կոնսերվատորիայի ասպիրանտուրան։

Ոуսանելու տարիներին Դավիթ Հալաջյանը աշխատում էր Հայաստանի պետական ռադիոյում որպես երաժշտական խմբագիր։ Իր հիմնած «8։30» հաղորդաշարը սկիզբ դրեց ռադիոհաղորդումների նորաոճ սերնդին։

1991 թվականին Դավիթ Հալաջյանը շարունակել է իր ուսումը էլեկտրաակուստիկ երաժշտության բնագավառում, Բազելի երաժշտական ակադեմիայում և Ցյուրիխի կոնսերվատորիայում, Շվեյցարիա ուր և այժմ բնակվում է։ Դավիթ Հալաջյանը աշխատում է որպես կոմպոզիտոր, երգչախմբի խմբավար, դասավանդում է Ցյուրիխի կոնսերվատորիայում։

Դավիթ Հալաջյանի երաժշտական ստեղծագործությունները ներկայացվել են Հայաստանի, Գերմանիայի, Իսպանիայի, Հոլանդիայի, Իտալիայի, Իսրայելի, ԱՄՆ-ի, Ճապոնիայի, Լիտվայի, Ռուսաստանի և Շվեյցարիայի համերգային տարբեր ծրագրերում և երաժշտական փառատոներում։ Ստեղծագործությունների պատվիրատուներից են Շվեյցարիայի եկեղեցական խորհւրդը, «Dilijan Chamber Music Series» փառատոնը, Schweizer Oktett համույթը և այլք։

Ընտանիք

• Հայրը՝ Մարատ Հալաջյան, ՀԽՍՀ վաստակավոր արտիստ (1968), Հայաստանի Հեռուստատեսության և Ռադիոյի հանրահայտ հաղորդավար։
• Քույրը՝ Կարինե Հալաջյան, Հայաստանի Հեռուստատեսության և Ռադիոյի սիրված խմբագիր և հաղորդավար։
• Եղբայրը՝ Կարեն Հալաջյան, Վեմ Ռադիոյի տնօրեն եւ խմբագիր։

Սկավառակներ

• «Stabat Mater», MEG Recordings, Քեմբրիջ, ԱՄՆ, 1992
• «O Herr, wenn Du…», Art & Electronics, Բոստոն, ԱՄՆ, 1992
• «Songs Of Love And Death», Russian Disc, Մոսկվա, Ռուսաստան, 1993
• «Fuggita, Sparita, Scomparsa…», в «Works from the Swiss Center for Computer Music 1985-95»
• «Mut zum teilen», Sony Շվեյցարիա, 1995
• «Music in the shade», Գերմանիա, 2001
• «Die Austreibung der Menschheit», Գերմանիա, 2005
• «Missa de Lumine», թողարկման փուլում է։

Լավագույն ստեղծագործություններ

• 1983: Սոնատ թավջութակի և դաշնամուրի համար
• 1984: 1. լարային կվարտետ
• 1985: 2. յարային կվարտետ
• 1986: «Մեսրոպ Մաշտոց», կանտատ մեներգիչների, երգչախմբի և նվագախմբի համար
• 2001: Ջութակի կոնցերտ ջութակի, լարային նվագախմբի և հարվածային գործիքների համար,«Շեքսպիրի սոնետները» երգչախմբի համար a cappella
• 2005: «Մարդկության վտարումը» երգչախմբի և դուդուկի համար A.T. Wegner Gesellschaft, «Cohaerentia»-ի պատվերով թավջութակի կվարտետի համար
• 2008: «Շեքսպիրի սոնետ 2» երգչախմբի համար a cappella
• 2008: «Մաշտոցի շարական» սոպրանոյի և լարային նվագախմբի համար, կոմպոզիտոր Ա. Կնյուզելի պատվերով

Պարգևներ

• «Գրիգոր Նարեկացի» շքանշան (2012 թ.)
• ՀՀ մշակույթի նախարարության ոսկե մեդալ (2012 թ.)
• Մովսես Խորենացու մեդալ (2013 թ.)

Սկզբնաղբյուրներ

• «Halajyan, David» // Die Musik in Geschichte und Gegenwart, стр. 298
• Literatur H. Carter, Tuba mirum, in: Harvard Univ. Journal 1993, Nr. 1, 17f
• R. Alfare, Eine neue Kant. von D.Haladjian, in: Singen und Musizieren im Gottesdienst (Zurich) 1999, Nr. 6,231

Արտաքին հղումներ

• Անձնական կայքէջ
• Ակուսմա երգչախմբի կայքէջ Արխիվացված 2016-03-04 Wayback Machine
• Մաուռ երգչախմբի կայքէջ
• Վեմ ռադիոկայանի կայքէջ