Գետաձիեր

Գետաձիեր
Գիտական դասակարգում
Թագավորություն: Կենդանիներ Տիպ: Քորդավորներ Ենթատիպ: Ողնաշարավորներ Դաս: Կաթնասուներ Կարգ: Ոչ որոճողներ Ընտանիք: Հիպպոպոտամիդաե
Լատիներեն անվանում
Hippopotamidae
Տեսակներ
Սովորական գետաձի Թզուկ գետաձի
Դասակարգումը Վիքիցեղերում Պատկերներ Վիքիպահեստում ITIS 624917 NCBI 9831

Գետաձիերը (լատիներեն՝ Hippopotamidae) — ոչ որոճողների կարգի զույգ սմբակավոր կաթնասունների ընտանիք, ընդգրկում է երկու սեռ, մեկական ընտանիք. Սովորական գետաձի և Թզուկ գետաձի:

Արտաքին հատկանիշներ

Մարմինը երկարավուն է, մաշկը հաստ, գրեթե մերկ, գորշ: Ոտքերը հաստ են, կարճ, մատները միացած են փոքր լողաթաղանթով, որը կապված է նրանց կիսաջրային ապրելակերպի հետ: Խոզերի նման ունեն չորս սմբակ, սակայն գետաձիերի մոտ բոլորն էլ օգտագործվում են քայլելու ժամանակ: Մարմնի չափսերը սովորական և թզուկ գետաձիերի. երկարություն` 1,5 մ-4,5 մ բարձրություն` 1մ-1,5 մ քաշ` 160 կգ-4,5 տ:

Տարածվածությունը

Ապրում են արևադարձային անտառներում` ջրին մոտ, հոտերով: Ներկայումս հանդիպում են միայն հասարակածային Աֆրիկայում: Պեղումները ցույց են տալիս, որ գետաձիերն ի հայտ են եկել միոցենում: Մինչև պլեյստոցեն նրանք տարածված էին նաև Եվրոպայում և Ասիայում: Գենետիկական հետազոտությունները ցույց են տալիս, որ գետաձիերը կետերի մոտ ազգականներն են, այսինքն եղել են կետերի ցամաքային նախահայրերը:

Սննդառությունը

Սնվում են ջրային բույսերով, բույսերի արմատներով և արմատապտուղներով:

Գետաձիերի բնաջնջված տեսակներ

• Մադագասկարյան գետաձի (Hippopotamus madagascariensis և Hippopotamus lemerlei), երկու գետաձիու տեսակներ, որոնք ապրում էին Մադագասկար կղզում: Գետաձիերը մայրցամաքից հասնում էին կղզի լողալով:. Բնաջնջնվել են XV դարում, բնաջնջման պատճառը` մարդկային գործունեությունը:
• Հսկայական գետաձի (Hippopotamus major), ապրել է Սառցե Դարաշրջանում, որին որսացել է Նեանդերտալյան մարդը:
• Եվրոպական գետաձի (Hippopotamus antiquus), ապրել է Եվրոպայում, պլեյստոցենի դարաշրջանում:
• Ասիական գետաձի (Hippopotamus palaeindicus), ապրել է Հնդկաստանում:
• Կղզային գետաձիեր: ապրել են Միջերկրական ծովի կղզիներում: Չնայած փոքր չափսերին ավելի մոտ են եղել ներկայիս սովորական գետաձիուն, քան թզուկին:
  • Կիպրական գետաձի (Hippopotamus minutus), ապրել է Կիպրոսում
  • Կրետեական գետաձի (Hippopotamus creutzburgi), ապրել է Կրետեյում
  • Մալթայական գետաձի (Hippopotamus melitensis), ապրել է Մալթայում.
  • Սիցիլիական գետաձի (Hippopotamus pentlandi), ապրել է Սիցիլիայում