Գաբրովո

Գաբրովո
բուլղար․՝ Габрово
Դրոշ Զինանշան
Երկիր	Բուլղարիա
Երկրամաս	ԳաբրովոԳաբրովո
Շրջան	հյուսիս-կենտրոնական
Կմետ	Նիկոլայ Սիրակով
Հիմնադրված է	1477 թ.
Մակերես	233 817 000 քառակուսի մետր
ԲԾՄ	392±1 մետր
Բնակչություն	58․367 (2012) մարդ
Տեղաբնականուն	га́бровец, га́бровка, га́бровцы; габровча́нин, габровча́нка, габровча́не
Ժամային գոտի	UTC+2
Հեռախոսային կոդ	(+359) 66
Փոստային ինդեքս	5300
Փոստային դասիչ	5300
Պաշտոնական կայք	gabrovo.bg
Գաբրովո (Բուլղարիա)
Գաբրովո Վիքիպահեստում

Գաբրովո (բուլղար․՝ Габрово), քաղաք կենտրոնական Բուլղարիայում՝ երկրի աշխարհագրական կենտրոնին մոտ։ Գաբրովոյի մարզի վարչական կենտրոնն է և ամենախոշոր բնակավայրը։ Տեղակայված է Ստարա Պլանինա լեռան հյուսիսային լանջին՝ Շիպկա լեռնանցքի մոտ՝ Յանտրա գետի երկու ափերին։

Քաղաքի բնակչությունը 58.4 հազար մարդ է (2012)։

Պատմություն

Գաբրովոն տնտեսական նշանակություն ձեռք բերեց Բուլղարական երկրորդ թագավորության շրջանում (1187-1393), որի մայրաքաղաքը Վելիկո Տիռնովոյից մի փոքր էր հեռու։

Բալկանյան թերակղզու օսմանյան բռնազավթումից հետո Գաբրովոյի բնակչությունն աճում է նախկին մայրաքաղաքից և գրավված այլ ամրոցներից բնակչության հոսքից։ 1860 թվականին Գաբրովան ստանում է քաղաքի կարգավիճակ։ Բուլղարիայի ազատագրումից հետո (1878) Գաբրովոն զարգանում է իբրև արդյունաբերական կենտրոն և նույնիսկ ստանում է «բուլղարական Մանչեստր» մականունը։ Այժմ քաղաքում զարգացած են թեթև արդյունաբերությունն ու մեքենաշինությունը։

Գաբրովոյի պատվին է անվանվել ապրիլի 1-ին հայտնաբերված աստերոիդ 2206-ը։ Պաշտոնական հաղորդագրությունում ասվում է.

Այս փոքրիկ մոլորակը, հայտնաբերված լինելով Ծիծաղի օրը, անվանվում է բուլղարական Գաբրովո քաղաքի պատվին, որը հայտնի է իր հումորով և ուրախ ոգով։

Բնօրինակ տեքստ (անգլ.)  

Discovered on All Fools' Day, this minor planet is named for the Bulgarian town known for its humor and high-spirited merriment.

Գաբրովոյի՝ Հումորի և սատիրայի տան ցուցանմուշներում պահվում է 2206-րդ աստերոիդի անվանակոչման պաշտոնական տեղեկագիրը, որը տրված է ԽՍՀՄ Թեորետիկ աստղագիտության ինստիտուտի կողմից։

Բնակչություն

Ստորև բերվում է քաղաքի բնակչության քանակի վիճակագրությունը.

Տարի Բնակչություն 1985 81 250 1992 76 522 2000 70 071 2005 63 864 2010 60 281

Գաբրովյան հումոր

Քաղաքը Օդեսայի նման հումորի մայրաքաղաք է։ Ամեն տարի այնտեղ անց է կացվում հումորի փառատոն։ Գաբրովցիները հաճախ հանդես են գալիս իբրև անեկդոտների կերպարներ (այսպես կոչված՝ գաբրովյան հումոր), որտեղ սովորաբար ներկայացվում են իբրև չափազանց ժլատ, ամեն ինչ տնտեսելու ձգտող մարդիկ։ Գաբրովոյում է գտնվում իր տեսակի մեջ յուրօրինակ Հումորի ու սատիրայի տունը (բուլղար․՝  Дом на хумора и сатирата), որը պարբերաբար կազմակերպում է հումորային մրցույթներ։

Քույր քաղաքներ

•  Panevėžys City Municipality?, Լիտվա (մայիսի 17, 2004)
•  Աալստ, Բելգիա (մայիսի 14, 2010)
•  Թուն, Շվեյցարիա (մայիս 1998)
•  Կավալա, Հունաստան
•  Կումանովո, Հյուսիսային Մակեդոնիա (փետրվարի 27, 2009)
•  Միտիշչի, Ռուսաստան (2002)
•  Միտվայդա, Գերմանիա (մարտի 16, 2000)
•  Մոգիլյով, Բելառուս (1967)
•  Նովի-Սոնչ, Լեհաստան (մայիսի 21, 2005)
•  Շաքի, Ադրբեջան (2004)
•  Չեռնիգով, Ուկրաինա (սեպտեմբեր 2007)
•  Պանևեժիս, Լիտվա (մայիսի 17, 2004)
•  Պետահ Տիկվա, Իսրայել (2016)
•  Պրեշով, Սլովակիա (2004)
•  Սիսակ, Խորվաթիա (մայիսի 14, 2004)

Քաղաքական իրավիճակ

Գաբրովոյի կմետը (քաղաքապետ) Տանյա Խրիստովան է։

Հանրահայտ մարդիկ

1900 թվականին Գաբրովոյում է ծնվել Պյոտր Ստեֆանով Ռուսևը՝ Բրազիլիայի առաջին կին նախագահ Դիլմա Ռուսևի հայրը։

Գաբրովոյում է ծնվել բուլղար բանաստեղծ և հրապարակախոս Կրասիմիր Եդրևը։

Քարտեզներ

• Տեղակայումը bgmaps.com քարտեզով(չաշխատող հղում)
• Տեղակայումը emaps.bg քարտեզով(չաշխատող հղում)
• Տեղակայումը Google քարտեզով

Արտաքին հղումներ

• Բնակչության վիճակագրություն

Վիքիպահեստն ունի նյութեր, որոնք վերաբերում են «Գաբրովո» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 636)։