Ալեն Այվերսոն

Վիքիպեդիայից՝ ազատ հանրագիտարանից
Picto infobox baschet.png
Ալեն Այվերսոն
Iverson cards 1.jpg
Դիրքը Խաղարկող / հարձակվող պաշտպան
Համար № 3
Ի ծնե տրված անունը Allen Ezail Iverson
Ալեն Իզեյլ Այվերսոն
Ծննդյան ամսաթիվ հունիսի 7, 1975 (39 տարեկան)
Ծննդավայր Ամերիկայի Միացյալ Նահանգներ Հեմփթոն, Վիրջինիա ԱՄՆ
Ազգություն Ամերիկայի Միացյալ Նահանգներ Ամերիկացի
Հասակ 183 սմ
Քաշ 75 կգ
Դրաֆթի տարի 1996 / ռաունդ` 1 / ռնտր.` 1-ին
Դրաֆթ ակումբ Ֆիլադելֆիա Սեվնթի Սիքսերս
Կարիերայի պատմություն
Ամերիկայի Միացյալ Նահանգներ Ֆիլադելֆիա Սեվնթի Սիքսերս (1996-2006)
Ամերիկայի Միացյալ ՆահանգներԴենվեր Նագեթս (2006-2008)
Ամերիկայի Միացյալ ՆահանգներԴետրոյթ Փիստոնս (2008-2009)
Ամերիկայի Միացյալ ՆահանգներՄեմֆիս Գրիզլիս (2009)
Ամերիկայի Միացյալ ՆահանգներՖիլադելֆիա Սեվնթի Սիքսերս (2009-2010)
Թուրքիա Բեշիկթաշ (Թուրքիա)(2010-2011)

Ալեն Իզեյլ Այվերսոն (անգլ.` Allen Ezail Iverson, ծնվ.` հունիսի 7, 1975թ.), ամերիկացի նախկին բասկետբոլիստ, պաշտպան։ Մինչև Բասկետբոլի ազգային ասոցիացիայում (NBA) հանդես գալը՝ Այվերսոնը հաճախել է Բեթելի ավագ դպրոց, որտեղ ունեցել է երկսպորտային կարիերա՝ խաղալով և՛ բասկետբոլ, և՛ ամերիկյան ֆուտբոլ։ Ընդ որում երկու սպորտաձևում էլ հաղթել է այսպես կոչված «Ասոշիեդ պրեսի տարվա ավագ դպրոցի լավագույն խաղացող» (The Associated Press High School Player of the Year) մրցանակը և Վիրջինիա նահանգի 1-ին դիվիզիայի առաջնությունները։

Ավագ դպրոցից հետո Այվերսոնն ընդունվում է Ջորջթաունի համալսարան, որտեղ սովորում է երկու տարի և այդ ընթացքում գրանցում է համալսարանային առաջնության ռեկորդ՝ 1 խաղում միջին միավորների քանակով (22.9 մ/խ)։ Այդ երկու տարիների ընթացքում Այվերսոնը երկու անգամ արժանանում է Տարվա պաշտպան մրցանակին։ [1]

Հաջող համալսարանային կարիերայից հետո Այվերսոնը ի վիճակի է լինում մուտք գործել NBA-ի դրաֆթ. 1996 թվականի դրաֆթի առաջին ռաունդի ամենաառաջին ընտրությամբ «Ֆիլադելֆիա Սեվնթի Սիքսերսը» ընտրում է հենց նրան։ [2] Նույն տարի (1996–97 խաղաշրջան) Այվեսոնը ճանաչվում է Տարվա նորեկ։ Այվերսոնը 11 անգամ ճանաչվել է աստղ, ընդ որում՝ 2001 և 2005 թվականներին հաղթել է Բոլոր աստղերի խաղի ամենաարժեքավոր խաղացողի մրցանակը (All-Star MVP award)։

Չնայած բասկետբոլիստի համար կարճ հասակին՝ Այվերոնը կանոնավոր առաջնությունների խաղերում միջինում բերում էր 26, 7 միավոր, իսկ փլեյոֆֆների ժամանակ՝ 29.7 միավոր։ 2000–01 խաղաշրջանում Այվերսոնը դառնում է կանոնավոր առաջնության ամենաարժեքավոր խաղացող, ինչպես նաև նույն սեզոնում առաջ է տանում իր թիմը դեպի 2001 թվականի NBA-ի գերեզրափակիչ։ Նաև ներկայացրել է Միացյալ Նահանգները 2004 թվականի Աթենքի ամառային օլիմպիական խաղերում` հաղթելով բրոնզե մեդալ։ Խաղացել է նաև Դետրոյթ Փիստոնսի, «Մեմֆիս Գրիզլիսի» և «Դենվեր Նագեթսի» կազմում։

2008 թվականին Ալեն Այվերսոնը ESPN-ի կողմից ճանաչվել է որպես NBA-ի պատմության 5-րդ մեծագույն պաշտպանը։ [3]

Արտաքին հղումներ[խմբագրել]

Commons-logo.svg

Աղբյուրներ[խմբագրել]