Ֆրանսուա Պերիե

Ֆրանսուա Պերիե
Ծնվել է	նոյեմբերի 10, 1919[…]
Ծննդավայր	Փարիզի 16-րդ շրջան, Ֆրանսիա
Մահացել է	հունիսի 28, 2002 (82 տարեկան)
Մահվան վայր	Փարիզի 8-րդ շրջան, Ֆրանսիա
Գերեզման	Պասի գերեզմանատուն
Կրթություն	Ռենե Սիմոնի դրամատիկական կուրսեր
Քաղաքացիություն	Ֆրանսիա
Մասնագիտություն	կինոդերասան
Ամուսին(ներ)	Ժակլին Պորել և Marie Daëms?
Երեխա(ներ)	Anne-Marie Périer?, Ժան-Մարի Պերիե և Jean-Pierre Périer?
Պարգևներ և մրցանակներ	Լավագույն դերասանի ԲԱՖՏԱ մրցանակ և Prix du Brigadier

Ֆրանսուա Պերիե (ֆրանս.՝ François Périer, իրական անունը՝ Ֆրանսուա Գաբրիել Մարի Պիյու (François Gabriel Marie Pillu), նոյեմբերի 10, 1919(1919-11-10)^[1]^[2]^[3]^[…], Փարիզի 16-րդ շրջան, Ֆրանսիա^[4] - հունիսի 28, 2002(2002-06-28)^[5]^[4]^[6], Փարիզի 8-րդ շրջան, Ֆրանսիա^[4]), թատրոնի և կինոյի ֆրանսիացի դերասան։

Կենսագրություն

Ֆրանսուա Պերիեն ուսանել է Ռենե Սիմոնի հիմնած դրամատիկական դասընթացներում, այնուհետև ընդունվել է Ազգային դրամատիկ արվեստի բարձրագույն կոնսերվատորիա, որտեղ նրա հետ սովորել են դերասան և ռեժիսոր Ժերար Ուրին և դերասան Բեռնար Բլիեն։ Ֆրանսուա Պերիեի թատրոնում խաղացած դերերից հատկանշական էր Հյուգոյի դերը՝ Ժան Պոլ Սարտրի «Կեղտոտ ձեռքեր» պիեսի առաջին բեմադրությունում (1948 թ.):

1938 թվականից Ֆրանսուա Պերիեն նկարահանվել է կինոյում։ Նրա խաղը մշտապես տարբերվել է իր թեթևությամբ, հնարամտությամբ և արտահայտչականությամբ։ Հետպատերազմյան տարիներին նա ֆրանսիական կինոյի հանրաճանաչ դերասաններից մեկն էր և նկարահանվել էր ավելի քան հարյուր ֆիլմերում։ Դրանց թվում էին Ժան Կոկտոյի «Օրփեոս» (1950 թ.), Ֆեդերիկո Ֆելինիի «Կաբիրիայի գիշերները» (1957 թ.) և այլ ֆիլմերում։ Նա հայտնի էր նաև «Ծովահրեշ» (1984-1987 թթ.) իտալական հեռուստասերիալում փաստաբան Տերազինիի դերով, որտեղ նա փայլուն կերպով կերտել էր մաֆիայի հետ կապի մեջ գտնվող հնարագետ, հաշվենկատ և վանող, ծախու իրավաբանի կերպարը։ Այդ ամենով հանդերձ Պերիեն երբեք էլ չի ունեցել բացասական կերպարների խաղացանկ, սակայն կաշառակեր փաստաբանի կերպարը նա կարողացել էր մարմնավորել և ներկայացնել զարմանալիորեն բնական ու ճշմարտացի։

Անձնական կյանք

1941 թվականին Ֆրանսուա Պերիեն ամուսնացել է դերասանուհի Ժակլին Պորելի հետ, ով հայտնի դերասանուհի Ռեժանի թոռնուհին էր։ Նրանք ունեցել են երկու զավակ, դուստրը՝ լրագրող Աննա-Մարի Պերիեն և որդին՝ ռեժիսորի օգնական Ժան-Պիեռ Պերիեն։ Բացի այդ, Ֆրանսուա Պերիեն ընդունել էր կնոջ նախկին ամուսնությունից ծնված որդու՝ լուսանկարիչ Ժան-Մարի Պերիեի հայրությունը^[8]։

1947 թվականին նրանք ամուսնալուծվեցին, իսկ 1949 թվականին Ֆրանսուա Պերիեն ամուսնացավ դերասանուհի Մարի Դաեմսի հետ, որից բաժանվել է 1959 թվականին։ 1961 թվականին Ֆրանսուա Պերիեն ամուսնացել է երրորդ անգամ։

Ֆրանսուա Պերիեն մահացել է 2002 թվականին՝ սրտի նոպայից և թաղված է Պասսի գերեզմանատանը, առաջին կնոջ տատի՝ Ռեժանի կողքին^[9]։

Մասնակի ֆիլմագրություն

Թվական	Անվանում	Բնօրինակ անվանում	Կերպար
1938	Հյուսիսային հոթել	Hôtel du Nord	Ադրիեն
1941	Մենամարտ	Le duel	Ֆրանսուա
1941	Առաջին պարահանդեսը	Premier bal	Էռնեստ Վիլար
1941	Երջանիկ օրեր	Les jours heureux	Բեռնարդ
1942	Սիրային նամակներ	Lettres d'amour	Ֆրանսուա դը Պորտալ
1942	Հարսանիք՝ սիրով	Mariage d'amour	Պիեռ
1943	Սպիտակ բեռնատարը	Le camion blanc	Ֆրանսուա Լեդրու
1943	Գայլերի ագարակը	La ferme aux loups	Բաստիեն
1944	Բարի երեկո, տիկնայք և պարոնայք	Bonsoir mesdames, bonsoir messieurs	-
1944	Սիրո զավակը	L'enfant de l'amour	Մորիս Օռլանդ
1946	Սիլվիան և ուրվականը	Sylvie et le fantôme	Ռամուր
1946	Սիրո վերադարձը	Un revenant	Ֆրանսուա
1946	Բարբիզոնյան գայթակղություն	La tentation de Barbizon	Սատանա, Բեն Ատկինսոն
1947	Լռությունը ոսկի է	Le silence est d'or	Ժակ
1948	Աղջիկը գիտեր	Une jeune fille savait	Կոկո
1948	Կյանքը վարդագույնի մեջ	La vie en rose	Ֆրանսուա
1948	Կինն առանց անցաթղթի	Femme sans passé	Միշել
1949	Ժանը՝ Լուսնից	Jean de la Lune	-
1949	Վերադարձ կյանքին	Retour à la vie	Անտուան
1950	Մկան թակարդ	La souricière	Միշել
1950	Նախկինները Սեն-Լուից	Les anciens de Saint-Loup	Շառլ Մեռլին
1950	Օրփեոս	Orphée	Էրտեբիզ
1952	Նա և ես	Elle et moi	Ժան
1953	Կանացի գանձ	Un trésor de femme	Ֆրանսուա Դելարոշ
1953	Նորապսակները	Jeunes mariés	Ժակ Դելարոշ
1953	Կապիտան Կոշիկը	Capitaine Pantoufle	Էմմանուել Բոնավան
1954	Կադետ Ռուսելը	Cadet Rousselle	կադետ Ռուսել
1954	Ընտանեկան տեսարան	Scènes de ménage	մսյո Տրիել
1955	Փախստակները	Les évadés	Ֆրանսուա
1956	Ես կվերադառնամ Կանդարա	Je reviendrai à Kandara	Անդրե
1956	Որքան հրեշավոր են տղամարդիկ	Que les hommes sont bêtes	Ռոլանդ Դևեր
1956	Գայլուհիները	Les louves	Բեռնարդ Պրադալ
1956	Ժերվեզա	Gervaise	Անրի Կուպո
1957	Ինձ կարող է սպանել յուրաքանչյուրը	Tous peuvent me tuer	Պոլ
1957	Հրապուրիչ տղաներ	Charmants garçons	Ռոբեր
1957	Կաբիրիայի գիշերները	Le notti di Cabiria	Օսկար Դ՛Օնոֆրիո
1958	Բիգորն, Ֆրանսիայի կապրալը	La Bigorne, caporal de France	Լա Բիգորն
1959	Բոբուս	Bobosse	Տոնի Վարլե, Բոբուս
1959	Դատավորը	Il magistrato	Լուիջի Բոնելլի
1960	Ամուր վզափոկ	La corde raide	Դանիել
1960	Օրփեոսի կտակը	Le Testament d’Orphée	Էրտեբիզ
1960	Ֆրանսուհին և սերը	La française et l'amour	Միշել
1961	Սերը Փարիզում	Les amours de Paris	Մորիս
1961	Սիրեկան՝ հինգ օրով	L'amant de cinq jours	Ժորժ
1963	Հարված մահակով	Le coup de bambou	Լեոն
1963	Պղպեղով կոնֆետ	Dragées au poivre	Լեգրան
1963	Ընկերները	I compagni	վարպետ Դի Միո
1963	Բախտավորները	Les Veinards	Ժերոմ Բուասելյե
1964	Այցելուն	La visita	Ադոլֆո Դի Պալմա
1964	Հանգստյան օրերը օվկիանոսի ափին	Week-end à Zuydcoote	Ալեքսանդր
1967	Սամուրայը	Le samouraï	ոստիկանության կոմիսար
1969	Զեթ	Z	դատախազ
1970	Կարմիր շրջան	Le cercle rouge	Սանտի
1971	Մինչ կիջնի գիշերը	Juste avant la nuit	Ֆրանսուա Տելյե
1971	Մաքսն ու թիթեղագործները	Max et les ferrailleurs	Ռոսինսկի
1972	Բուլղարական գիշեր	La nuit bulgare	Լաֆոն
1973	Ցանկանում ենք գնդապետներ	Vogliamo i colonnelli	Լուիջի դի Կորի
1974	Անտուանն ու Սեբաստիանը	Antoine et Sébastien	Անտուան
1974	Ստավիսկի	Stavisky	Ալբերտ Բորելլի
1975	Սառա	Sara	Ռեստիֆ դե լա Բրետոն
1975	Բժիշկ Ֆրանսուազա Գայյան	Docteur Françoise Gailland	Ժերար Գայյան
1976	Ոստիկանական կոլտ «Պիթոն 357»	Police Python 357	կոմիսար Գանե
1978	Պետության շահերից ելնելով	La raison d'état	պրոֆեսոր Մարրո
1978	Մազարինի	Mazarin	Ջուլիո Մազարինի
1980	Հանցագործները գիշերով	Le bar du téléphone	կոմիսար Կլոդ Ժուանվիլ
1982	Հինգերորդ կինը	La quinta donna	տեսուչ Ալբերտի
1983	Անսանձը	Le battant	Ջինո Ռուջերի
1984	Տարտյուֆ	Le tartuffe	Օրգոն
1984	Ճակատագրապաշտ Ժակը և նրա տերը	Jacques le fataliste et son maître	Դենի Դիդրո
1984	Ծովահրեշ	La piovra	փաստաբան Տերազինի
1985	Ծովահրեշ 2	La piovra 2	փաստաբան Տերազինի
1987	Ծովահրեշ 3	La piovra 3	փաստաբան Տերազինի
1990	Լասներ	Lacenaire	-
1991	Անկարգություն	La pagaille	Գաբրիել
1992	Ուղևորություն դեպի Հռոմ	Voyage à Rome	-

Ծանոթագրություններ

↑ ^1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Discogs — 2000.
↑ ^3,0 ^3,1 Babelio (ֆր.) — 2007.
↑ ^4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 Fichier des personnes décédées mirror
↑ ^5,0 ^5,1 ^5,2 Internet Movie Database — 1990.
↑ ^6,0 ^6,1 ^6,2 Who's Who in France (ֆր.) — Paris: 1953. — ISSN 0083-9531; 2275-0908
↑ https://www.siv.archives-nationales.culture.gouv.fr/siv/rechercheconsultation/consultation/ir/pdfIR.action?irId=FRAN_IR_026438
↑ Jean-Marie Périer, fils de..., L'Express, 18 octobre 2001
↑ «Tombe de Réjane sur Find-a-grave». Արխիվացված է օրիգինալից 2016 թ․ մարտի 7-ին. Վերցված է 2019 թ․ հունիսի 19-ին.

Վիքիպահեստն ունի նյութեր, որոնք վերաբերում են «Ֆրանսուա Պերիե» հոդվածին։

[_ad066e709624f886-1] 1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_18093d1babef61a5-2] 2,0 ^2,1 Discogs — 2000.

[_61f505a9f9abade8-3] 3,0 ^3,1 Babelio (ֆր.) — 2007.

[_64132a52ccd2f031-4] 4,0 ^4,1 ^4,2 ^4,3 ^4,4 ^4,5 ^4,6 ^4,7 ^4,8 Fichier des personnes décédées mirror

[_66dde578f4b860bb-5] 5,0 ^5,1 ^5,2 Internet Movie Database — 1990.

[_5f6f8f08b07b9b67-6] 6,0 ^6,1 ^6,2 Who's Who in France (ֆր.) — Paris: 1953. — ISSN 0083-9531; 2275-0908

[_4b57a0cc3674ee53-7] ttps://www.siv.archives-nationales.culture.gouv.fr/siv/rechercheconsultation/consultation/ir/pdfIR.action?irId=FRAN_IR_026438

[8] Jean-Marie Périer, fils de..., L'Express, 18 octobre 2001

[9] «Tombe de Réjane sur Find-a-grave». Արխիվացված է օրիգինալից 2016 թ․ մարտի 7-ին. Վերցված է 2019 թ․ հունիսի 19-ին.

[1]

[2]

[3]

[4]

[5]

[6]

[7]

[8]

[9]