Ֆիլիպ Յանկովսկի

Ֆիլիպ Յանկովսկի; ռուս.՝ Филипп Олегович Янковский
Ծնվել է	հոկտեմբերի 10, 1968 (56 տարեկան)
Ծննդավայր	Սարատով, ՌԽՖՍՀ, ԽՍՀՄ
Կրթություն	ՄԳԱԹ-ի դպրոց-ստուդիա (1990) և Մոսկվայի Գերասիմովի անվան կինեմատոգրաֆիայի ինստիտուտ
Քաղաքացիություն	ԽՍՀՄ և Ռուսաստան
Մասնագիտություն	դերասան, կինոռեժիսոր, կինոդերասան և կինոպրոդյուսեր
Ծնողներ	հայր՝ Օլեգ Յանկովսկի, մայր՝ Lyudmila Zorina?
Ամուսին(ներ)	Օքսանա Ֆանդերա
Երեխա(ներ)	Իվան Յանկովսկի և Ելիզավետա Յանկովսկայա
Պարգևներ և մրցանակներ	Նիկա և Ոսկե արծիվ

Ֆիլիպ Օլեգովիչ Յանկովսկի (ռուս.՝ Филипп Олегович Янковский, հոկտեմբերի 10, 1968(1968-10-10), Սարատով, ՌԽՖՍՀ, ԽՍՀՄ), թատրոնի և կինոյի ռուս դերասան, կինոռեժիսոր։

Կենսագրություն

Ֆիլիպ Յանկովսկին ծնվել է 1968 թվականի հոկտեմբերի 10-ին Սարատովում, դերասաններ Օլեգ Յանկովսկու և Լյուդմիլա Զորինայի ընտանիքում։

Կինոյում առաջին դերը կատարել է 1974 թվականին՝ նկարահանվելով Անդրեյ Տարկովսկու «Հայելի» ֆիլմում։ Առաջին հասուն դերը կատարել է «Սենտիմենտալ ճանապարհորդություն կարտոֆիլ հավաքելու» (ռուս.՝ «Сентиментальное путешествие на картошку», 1968) ֆիլմում։

1990 թվականին ավարտել է Մոսկվայի գեղարվեստական ակադեմիական թատրոնի դպրոց-ստուդիան (Օլեգ Տաբակովի կուրս)։ Այդ ժամանակ էլ ընդունվել է Մոսկվայի Գերասիմովի անվան կինեմատոգրաֆիայի համառուսական պետական ինստիտուտի ռեժիսորական ֆակուլտետ (Վլադիմիր Նաումովի կուրս)։

Նկարահանել է շուրջ 150 տեսահոլովակ։ 1997 թվականին ներկայացվել է «Овация» մրցանակի որպես երաժշտական տեսահոլովակի լավագույն ռեժիսոր։

Խաղարկային կինոյում իր նորամուտը կատարել է «Շարժման մեջ» (ռուս.՝ «В движении») ֆիլմով, որի համար արժանացել է «Նիկա» մրցանակի «Տարվա բացահայտում» անվանակարգում 2003 թվականին։ Նրա հաջորդ ռեժիսորական աշխատանքը դարձել է Բորիս Ակունինի «Պետական խորհրդական» (ռուս.՝ «Статский советник») վեպի էկրանավորումը, որում նկարահանվել են բազմաթիվ հայտնի ռուս դերասաններ։

Անձնական կյանք

Կինը՝ Օքսանա Ֆանդերա, դերասանուհի, երեխաները՝
- Որդին՝ Իվան Յանկովսկի (ծնվել է 1990 թվականի հոկտեմբերի 30-ին), ավարտել է Միջազգային կինոդպրոց, 2013 թվականին ավարտել է Ռուսաստանի թատերական արվեստի համալսարանը (Սերգեյ Ժենովաչի կուրս)։ Նկարահանվել է «Արի ինձ տեսնելու» (ռուս.՝ «Приходи на меня посмотреть», Հրեշտակ), «Ինդիգո» (Անդրեյ Կալյաև), «Дама пик» (Անդրեյ, գլխավոր դեր) ֆիլմերում։
- Դուստր՝ Ելիզավետա Յանկովսկայա (ծնվել է 1995 թվականի մայիսի 1-ին^[1])։

Արվեստ

Թատերական աշխատանքներ

Մոսկվայի Անտոն Չեխովի անվան գեղարվեստական թատրոն^[2].

«Կարամազովներ» (ռեժիսոր Կոնստանտին Բոգոմոլովի ֆանտազիաներն Ֆեոդոր Դոստոևսկու վեպի թեմայով, պրեմիերան՝ 26 նոյեմբերի, 2013 թվական) – Դմիտրի Կարամազով
«Dreamworks* *Мечтасбывается» (ըստ Իվան Վիրիպաևի պիեսի, ռեժիսոր՝ Վիկտոր Ռիժակով, պրեմիերան՝ 10 մայիսի, 2016 թվական) – Դևիդ

Ֆիլմագրություն

Դերասանական աշխատանքներ

1974 – Հայելի (ռուս.՝ «Зеркало») – Ալյոշա (5 տարեկան)
1974 - Քարե երկնքի ներքո (ռուս.՝ Под каменным небом) - Աստրիդի որդին
1986 – Սենտիմենտալ ճանապարհորդություն՝ կարտոֆիլ հավաքելու (ռուս.՝ Сентиментальное путешествие на картошку) – Պյոտր Կարտաշով
1987 – Филёр – էպիզոդ
1991 – Աֆղանական բեկում (ռուս.՝ Афганский излом) – Նիկիտա Ստեկլով, ավագ լեյտենանտ
1994 – Зона Любэ – Վլադիկ
1997 – Լիալուսնի օր (ռուս.՝ День полнолуния) – վանական
2000 – Բրեմենյան երաժիշտներ & Co (ռուս.՝ Бременские музыканты & Co) – Տրուբադուր-կրտսեր
2001 – Ժամացույց առանց սլաքների (ռուս.՝ Часы без стрелок) - բաճկոնով երիտասարդ
2002 – Արյան միայնություն (ռուս.՝ Одиночество крови) – երիտասարդ
2011 – Ռասպուտին (ռուս.՝ Распутин) – Ֆելիքս Յուսուպով, իշխան
2012 – Սեր ակցենտով (ռուս.՝ Любовь с акцентом) – Մոսկվայից ռեժիսոր Արտյոմ
2013 – Երեք հրացանակիրներ (ռուս.՝ Три мушкетёра) – Լյուդովիկոս XIII
2013 – Մայոր Սոկոլովի հետերաները (ռուս.՝ Гетеры майора Соколова) – Սեմյոնով
2014 – Գլուխների որսորդները(ռուս.՝ Охотники за головами) – Թիմուր Գրոմով
2014 – Հրաշագործը (ռուս.՝ Чудотворец) – Նիկոլայ Արբենին
2016 - Խորհրդավոր կիրք (ռուս.՝ Таинственная страсть) – Յան Տուշինսկի
2018 - Վկաներ (ռուս.՝ Свидетели) (նովել «Բրուտոս») - Խորստ
2019 - Աղանդ (ռուս.՝ Секта) – Բերկ
2020 - Իվան Դենիսովիչի մեկ օրը (ռուս.՝ Один день Ивана Денисовича) - Իվան Շուխով

Ռեժիսորական աշխատանքներ

2002 – Շարժման մեջ (ռուս.՝ В движении)
2005 – Պետական խորհրդական (ռուս.՝ «Статский советник»)
2006 – Սուսերակիրը (ռուս.՝ Меченосец)
2008 – Քարե գլուխ (ռուս.՝ Каменная башка)

Ծանոթագրություններ

↑ Победительница самого первого в советском союзе конкурса красоты актриса оксана фандера: "мою… - Газета «ФАКТЫ и комментарии»
↑ «МХТ им. А. П. Чехова: Филипп Янковский». www.mxat.ru. Վերցված է 2017 թ․ փետրվարի 20-ին.

Արտաքին հղումներ

Վիքիպահեստն ունի նյութեր, որոնք վերաբերում են «Ֆիլիպ Յանկովսկի» հոդվածին։

[1] Победительница самого первого в советском союзе конкурса красоты актриса оксана фандера: "мою… - Газета «ФАКТЫ и комментарии»

[2] «МХТ им. А. П. Чехова: Филипп Янковский». www.mxat.ru. Վերցված է 2017 թ․ փետրվարի 20-ին.

[1]

[2]