Իվան Յանկովսկի

Իվան Յանկովսկի
Ծննդյան թիվ՝	հոկտեմբերի 30, 1990(1990-10-30) (33 տարեկան)
Ծննդավայր՝	Մոսկվա, ԽՍՀՄ
Քաղաքացիություն՝	Ռուսաստան
Մասնագիտություն՝	դերասան և հեռուստատեսային դերասան
Պարգևներ՝	Ոսկե արծիվ
IMDb։	ID 0946159

Իվան Ֆիլիպի Յանկովսկի (ռուս.՝ Ива́н Фили́ппович Янко́вский, հոկտեմբերի 30, 1990(1990-10-30), Մոսկվա, ԽՍՀՄ), թատրոնի և կինոյի ռուս դերասան։ «Ոսկե արծիվ» մրցանակի քառակի դափնեկիր, երկու անգամ՝ «Լավագույն դերասան» անվանակարգում («Տիկին ագռավ» (2017) և «Աշխարհի չեմպիոն» (2021) ֆիլմերում) և երկու անգամ՝ «Երկրորդ պլանի լավագույն դերասան» անվանակարգում («Տեքստ» (2020) և «Կրակ» (2022) ֆիլմերում)։

ԽՍՀՄ ժողովրդական արտիստ Օլեգ Յանկովսկի թոռը՝ Ֆիլիպ Յանկովսկու և Օքսանա Ֆանդերայի որդին։

Կենսագրություն

Ծնվել է 1990 թվականի հոկտեմբերի 30-ին Մոսկվայում։ Հայրը դերասան և ռեժիսոր Ֆիլիպ Յանկովսկին է, մայրը՝ դերասանուհի Օքսանա Ֆանդերան։ Պապը դերասան Օլեգ Յանկովսկին է, տատիկը՝ դերասանուհի Լյուդմիլա Զորինան։ Իվանն ունի կրտսեր քույր՝ Էլիզաբեթը, որը նույնպես դերասանուհի է։

Մանուկ հասակում զբաղվել է սպորտով։ Կինոյում առաջին անգամ նկարահանվել է 10 տարեկանում՝ փոքր դեր խաղալով «Արի ինձ տեսնելու» ֆիլմում, որի համառեժիսորն էր նրա պապը՝ Օլեգ Յանկովսկին։

8-րդ դասարանից սովորել է Մոսկվայի միջազգային կինոդպրոցում, որն ավարտելուց հետո ընդունվել է Ռուսաստանի թատերական արվեստի ինստիտուտ։ Ավարտել է դերասանա-ռեժիսորական ֆակուլտետը։

Առաջին գլխավոր դերը խաղացել է 2008 թվականին Ռոման Պրեպպունովի «Ինդիգո» ֆանտաստիկ թրիլերում։

2013 թվականից համարվում է Թատերական արվեստի ստուդիայի դերասան։ Որպես հյուր արտիստ նա զբաղված է Էրմոլովայի թատրոնի ներկայացումներով։

Անձնական կյանք

2014 թվականի վերջից հանդիպել է դերասանուհի Վերա Պանֆիլովայի՝ «Ալիսա» ռոք խմբի առաջնորդ Կոնստանտին Կինչևի դստեր հետ։ 2020 թվականին զույգը բաժանվել է։

Ամուսնացած է դերասանուհի Դիանա Պոժարսկայայի հետ։ Զույգը պաշտոնապես հաստատել է իրենց հարաբերությունները 2021 թվականի մարտին։ 2021 թվականի հունիսի 26-ին զույգը որդի է ունեցել, որին անվանել են Օլեգ։

Ֆիլմագրություն

Տարի		Հայերեն անվանում	Բնօրինակ անվանում	Դեր
2000	ֆ	Արի ինձ տեսնելու	Վանյա, տղա-հրեշտակ
2008	ֆ	Ինդիգո	Անդրեյ Կալև
2014	ֆ	Յանկովսկի	ինքն իր դերում
2015	ֆ	Լաթերի միություն	Անդրեյ
2015	ֆ	Առանց սահմանների	Արտյոմ
2016	ֆ	Գիշերային պահապաններ	Պավել
2016	ֆ	Տիկին ագռավ	Անդրեյ, օպերայի երգիչ
2016	ֆ	Աղբյուր	Իվան
2018	ֆ	Գործարան	Վովկա
2019	ֆ	Տեքստ	Պյոտր Հազին
2019	ֆ	Փրկման միություն	Միխայիր Բեստուժև-Րյումին
2020	ֆ	Կրակ	Ռոման Իլին
2021	ս	Տոպի	Դենիս Տիտով
2021	ֆ	Աշխարհի չեմպիոն	Անատոլի Կարպով
2021	ֆ	Մի բուժիր ինձ	Իլյա, խիրուրգ-տրավմատոլոգ
2022	ս	Փրկման միություն։ Զայրույթի ժամանակ	Միխայիր Բեստուժև-Րյումին
2022	ս	Տնային դաշտ	Ֆիլ Նիկիտին
2022	ֆ	Լաց լինել չի կարելի	Ալեքսեյ
2023	ս	Ֆիշեր	Եվգենիյ Բոկով
2023	ս	Կամավորի երգացանկը	Շտապիչ
2023	ֆ	Իկարիա	Անտոն
2023	ֆ	Քամի	Իվան
2023	ս	Տղայի խոսքը։ Արյուն ասֆալտի վրա	Վովա Ադիդաս
2024	ս	Ոճիր և պատիժ	Ռոդիոն Ռասկոլնիկով