Քրիստիան Ռոլֆս
Քրիստիան Ռոլֆս գերմ.՝ Christian Rohlfs | |
|---|---|
 | |
| Ծնվել է | դեկտեմբերի 22, 1849[1][2][3][…] |
| Ծննդավայր | Groß Niendorf, Segeberg, Շլեզվիգ-Հոլշտայն, Գերմանիա |
| Վախճանվել է | հունվարի 8, 1938[1][2][3][…] (88 տարեկան) |
| Մահվան վայր | Հագեն, Առնսբերգ, Province of Westphalia, Պրուսիա[4] |
| Քաղաքացիություն | .svg){kind=small} Գերմանական ռայխ |
| Մասնագիտություն | նկարիչ, գծանկարիչ, քանդակագործ և գծանկարիչ |
| Ոճ | էքսպրեսիոնիզմ |
| Թեմաներ | գեղանկարչություն |
| Ուսուցիչ | Alexandre Struys? |
 Christian Rohlfs Վիքիպահեստում | |
Քրիստիան Ռոլֆս (գերմ.՝ Christian Rohlfs, դեկտեմբերի 22, 1849[1][2][3][…], Groß Niendorf, Segeberg, Շլեզվիգ-Հոլշտայն, Գերմանիա - հունվարի 8, 1938[1][2][3][…], Հագեն, Առնսբերգ, Province of Westphalia, Պրուսիա[4]), գերմանացի նկարիչ, գերմանական էքսպրեսիոնիզմի վառ ներկայացուցիչ։
Կյանքը և ստեղծագործությունը[խմբագրել | խմբագրել կոդը]
Քրիստիան Ռոլֆսը ծնվել է 1849 թվականին գյուղական ընտանիքում։ 1863 թվականին ծանր վնասվածքի հետևանքով անդամահատել են ոտքը։ Հաջորդ երկու տարիներին գամվել է անկողնուն։ Հենց այդ ժամանակ էլ սկսել է նկարել։ 1870 - 1881 թվականներին սովորել է Վայմարի գեղարվեստի ակադեմիայում։ Ուսումնառությունը բազմիցս ընդհատվել է հիվանդության պատճառով։ Այս շրջանում ստեղծել է առաջին կտավները իմպրեսիոնիզմի ոճով։
1901 թվականին տեղափոխվել է Հագեն, որտեղ Ֆոլկվանգ թանգարանին կից ստեղծում է նկարչական արվեստանոց։ 1902 թվականին Վայմարի ակադեմիան Ռոլֆսին տալիս է գեղանկարչության պրոֆեսորի կոչում։ 1905-1906 թվականների ամառային շրջանը անցկացնում է Գերմանիայի հարավում գտնվող Զոստ քաղաքում, որտեղ ծանոթանում է նկարիչ էքսպրեսիոնիստ Էմիլ Նոլդեի և Էդվարդ Մունկի հետ։ Ոգեշնչվելով նրանց, ինչպես նաև Վան Գոգի ստեղծագործությություններով՝ Ռալֆսը սկսում է ստեղծագործել էքսպրեսիոնիզմի ոճով՝մինչև կյանքի վերջը հավատարիմ մնալով այդ ուղղությանը[5]։ 1910-1912 թվականներին ապրում է Մյունխենում և Տիրոլում։
1919 թվականին 70 տարեկան հասակում ամուսնանում է, ինչից հետո շատ ճանապարհորդում է և նկարում։ 1922 թվականին Աախենի բարձրագույն տեխնիկական դպրոցի կողմից ստանում է արվեստի պատվավոր դոկտորի կոչում։ 1929 թվականի Հագենում բացվում է Քրիստիան Ռոլֆսի թանգարանը։ 1937 թվականին՝ նացիոնալ-սոցիալիստների` իշխանության գալուց հետո, Ռոլֆսի 412 աշխատանք հանվում են գերմանական թանգարաններից` բարձր արվեստի գործերի համարում չստանալով։
Լավագույն կտավներ[խմբագրել | խմբագրել կոդը]
- «Արևածաղիկներ», 1903, Դորտմունդ, Օստվալ ամ թանգարան
- «Մրգերով նատյուրմորտ», 1926, Էսսեն, Ֆոլկվանգ թանգարան
- «Ծաղրածուների զրույցը», 1912, Դորտմունդ, Օստվալ ամ թանգարան
- «Պարող մերկ կին», 1927, Դորտմունդ, Օստվալ ամ թանգարան
- «Սուրբ Պետրոսի տաճարի աշտարակը Զոստում», 1918, Մանհեյմ, քաղաքային պատկերասրահ
Պատկերասրահ[խմբագրել | խմբագրել կոդը]
-
«Կակաչ-թութակներ» (1917) -
«Ստահակ» (1918) -
«Մագնոլիան ծաղկամանում» (1920) -
«Ֆանտաստիկ խճանկար» (1921)
Գրականություն[խմբագրել | խմբագրել կոդը]
- D.Elger: Expressionismus, Köln 2007
- Die Welt der Malerei, Köln 1990
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Christian Rohlfs (նիդերլ.)
- ↑ 3,0 3,1 3,2 3,3 3,4 Christian Rohlfs — 2006.
- ↑ 4,0 4,1 4,2 Deutsche Nationalbibliothek Record #118602217 // Gemeinsame Normdatei (գերմ.) — 2012—2016.
- ↑ "Christian Rohlfs (German, 1849–1938)". Museum of Modern Art, New York. Retrieved 14 December 2013