Քերոլ Շիլդս

Քերոլ Շիլդս;
Ծնվել է	հունիսի 2, 1935[…]
Ծննդավայր	Օուկ պարկ, Կուկ շրջան, Իլինոյս, ԱՄՆ
Մահացել է	հուլիսի 16, 2003[…] (68 տարեկան)
Մահվան վայր	Վիկտորիա, Կանադա
Քաղաքացիություն	Կանադա և ԱՄՆ
Կրթություն	Էքստերի համալսարան, Օտտավայի համալսարան, Հանովերի քոլեջ և Օք Պարկի River Forest ավագ դպրոց
Երկեր	Քարե օրագրեր, Եթե և Լարիի երեկույթ
Մասնագիտություն	բանաստեղծուհի, վիպասան, վիպասան, գրող, համալսարանի դասախոս և կենսագիր
Աշխատավայր	Բրիտանական Կոլումբիայի համալսարան, Վինիպեգի համալսարան և Մանիտոբայի համալսարան
Պարգևներ և ; մրցանակներ	Գուգենհայմի կրթաթոշակ Պուլիտցերյան մրցանակ գեղարվեստական արձակի բնագավառում Կանադայի թագավորական ընկերության անդամ Գեներալ-նահանգապետի մրցանակ՝ լավագույն անգլալեզու գեղարվեստական ստեղծագործության համար Գրական քննադատների ազգային մրցանակ գեղարվեստական գրականության ոլորտում և Օրանժ մրցանակ
Անդամություն	Կանադայի թագավորական ընկերություն
Երեխաներ	Էն Ջիրարդինի

Քերոլ Շիլդս (անգլ.՝ Carol Ann Shields, հունիսի 2, 1935(1935-06-02)^[1]^[2]^[3]^[…], Օուկ պարկ, Կուկ շրջան, Իլինոյս, ԱՄՆ - հուլիսի 16, 2003(2003-07-16)^[1]^[2]^[3]^[…], Վիկտորիա, Կանադա), կանադացի գրող և բանաստեղծուհի, Պուլիցերյան մրցանակի դափնեկիր։

Կենսագրություն

Քերոլ Շիլդսը ծնվել է 1935 թվականի հունիսի 2-ին ԱՄՆ Իլինոյս նահանգի Օք Պարկ քաղաքում։ 1955 թվականին Բրիտանական խորհրդի կրթաթոշակի շնորհիվ Քերոլը մեկ շաբաթ անցկացրել է Շոտլանդիայում, որտեղ հանդիպել է կանադացի ճարտարագիտության ուսանող Դոնալդ Շիլդսին։ Նրանք ամուսնացել են 1957 թվականին և Քերոլը տեղափոխվել է ամուսնու հետ Կանադա, որտեղ նրանք ունեցել են որդի և չորս դուստր։ 1971 թվականին Շիլդսը ստացել է Կանադայի քաղաքացիություն։

Հանովերի քոլեջում 1957 թվականին Քերոլ Շիլդսը ստացել է բակալավրի աստիճան։ Շիլդսը գրական վարպետություն է սովորել Տորոնտոյի համալսարանում, 1965 թվականին հաղթել է կանադական ռադիոյի կողմից հիմնադրված երիտասարդ գրողների մրցույթում։ 1968 թվականից Քերոլի ընտանիքը 10 տարի ապրել է Օտտավայում։ 1973 թվականին Քերոլը աշխատել է «Canadian Slavonic Papers» ամսագրում որպես խմբագրի օգնական։ 1975 թվականին Օտտավայի համալսարանում ստացել է անգլիական գրականության մագիստրոսի կոչում։ 1976 թվականին նա հրատարակել է ատենախոսություն 19-րդ դարի կանադացի բանաստեղծուհի և գրող Սյուզան Մուդիի մասին։ 1978 թվականից Քերոլն ապրել է Վանկուվերում, 1980 թվականին ընտանիքի հետ տեղափոխվել է Վինիպեգ, որտեղ պրոֆեսորադասախոսական պաշտոններ է զբաղեցրել Մանիտոբայի համալսարանում։

Շիլդսը մահացել է 2003 թվականի հուլիսի 16-ին Վիկտորիայում, կրծքագեղձի քաղցկեղի բարդություններից, որը նրա մոտ ախտորոշվել է 1998 թվականին^[6]։

Աշխատություններ

1972-«Ուրիշներ» բանաստեղծությունների ժողովածու
1974 - «Բաժանել» բանաստեղծությունների ժողովածու
1976 - «Փոքր ձևականություններ» վեպ, Կանադացի գրողների ասոցիացիայի մրցանակ լավագույն վեպի համար 1977 թ․
1977 - «Արմավենու այգի» վեպ
1977 - «Պատահականություն», վեպ
1982 - «Սովորական պարկեշտ կին» վեպ
1985 - «Տարբեր հրաշքներ» պատմվածքների ժողովածու
1987-«Կարապի առեղծված» վեպ, 1977 Արթուր Էլլիս մրցանակ՝ դետեկտիվ ժանրի լավագույն վեպի համար
1988 - «Նարնջագույն ձուկը» պատմվածքների ժողովածու
1993 - «Քարե օրագրեր» վեպ

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Babelio (ֆր.) — 2007.
↑ http://www.gf.org/fellows/all-fellows/carol-shields/
↑ http://www.pulitzer.org/citation/1995-Fiction
↑ Christopher Lehmann-Haupt Carol Shields, Pulitzer-Prize Winning Novelist, Dies at 68 Արխիվացված 2016-03-06 Wayback Machine The New York Times, July 18, 2003. (անգլ.)

Արտաքին հղումներ

The Carol Shields Literary Trust
"Carol Shields" in Canadian Writers: an examination of archival manuscripts, typescripts, correspondence, journals and notebooks at Library and Archives Canada
Carol Shields's entry in The Canadian Encyclopedia
CBC Obituary
Observer Interview with Carol Shields
Profile in the Manitoba Author Publication Index
The Carol Shields Memorial Labyrinth
The archives of Carol Shields (Carol Shields fonds, R11805) are held at Library and Archives Canada

[_e234bc5d8adb4069-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_b96d3101ad97d5d4-2] 2,0 ^2,1 ^2,2 ^2,3 ^2,4 Encyclopædia Britannica

[_da833679cbad3a7c-3] 3,0 ^3,1 ^3,2 ^3,3 ^3,4 Babelio (ֆր.) — 2007.

[_9c5462e846000c4b-4] ttp://www.gf.org/fellows/all-fellows/carol-shields/

[_e9f2c19b719541e7-5] ttp://www.pulitzer.org/citation/1995-Fiction

[NY1-6] Christopher Lehmann-Haupt Carol Shields, Pulitzer-Prize Winning Novelist, Dies at 68 Արխիվացված 2016-03-06 Wayback Machine The New York Times, July 18, 2003. (անգլ.)

[1]

[2]

[3]

[4]

[5]

[6]