Ռիտա Սարգսյան
- Վիքիպեդիայում կան հոդվածներ Սարգսյան ազգանունով այլ մարդկանց մասին։
| Ռիտա Սարգսյան | |
|---|---|
 | |
| Ծնվել է | մարտի 6, 1962 |
| Ծննդավայր | Ստեփանակերտ, Ադրբեջանական ԽՍՀ, ԽՍՀՄ |
| Մահացել է | նոյեմբերի 20, 2020 (58 տարեկան) |
| Մահվան վայր | Երևան, Հայաստան |
| Քաղաքացիություն |  Հայաստան |
| Ազգություն | հայ |
| Մայրենի լեզու | հայերեն |
| Մասնագիտություն | քաղաքական գործիչ և երաժշտության ուսուցիչ |
| Ամուսին | Սերժ Սարգսյան |
| Զբաղեցրած պաշտոններ | Հայաստանի առաջին տիկին |
| Կայք | president.am/en/rita-sargsyan/ |
 Rita Sargsyan Վիքիպահեստում | |
Ռիտա Ալեքսանդրի Սարգսյան (օրիորդական ազգանունը՝ Դադայան, մարտի 6, 1962, Ստեփանակերտ, Ադրբեջանական ԽՍՀ, ԽՍՀՄ - նոյեմբերի 20, 2020, Գերմանիա[1]), Հայաստանի 3-րդ նախագահ Սերժ Սարգսյանի կինը[2]։
Պատանեկություն[խմբագրել | խմբագրել կոդը]
Ծնվել է 1962 թվականի մարտի 6-ին, Ստեփանակերտում։
Կրթություն[խմբագրել | խմբագրել կոդը]
Ավարտել է Ստեփանակերտի Ալեքսանդր Գրիբոյեդովի անվան 3-րդ միջնակարգ դպրոցը՝ ստանալով երաժշտական կրթություն։
Աշխատանքային գործունեություն[խմբագրել | խմբագրել կոդը]
Որոշ ժամանակ աշխատել է մանկապարտեզում որպես երաժշտության ուսուցչուհի։ Ստեփանակերտից Երևան տեղափոխվելուց հետո չի աշխատել։
Հասարակական գործունեությունը[խմբագրել | խմբագրել կոդը]
Ռիտա Սարգսյանը 2010 թվականից «Նվիրիր կյանք» արյան քաղցկեղ և այլ ծանր հիվանդություններ ունեցող երեխաների բարեգործական հիմնադրամի հոգաբարձուների խորհրդի պատվավոր նախագահն էր։ Հիմնադրամը ստեղծվել է 2009 թվականին և 2017 թվականի դրությամբ աջակցում է 495 երեխայի։ Հիմնադրամի և Առաջին տիկնոջ ջանքերով լիովին վերակառուցվել և վերազինվել է ՀՀ ԱՆ «Պրոֆ. Ռ.Յոլյանի անվան արյունաբանական կենտրոնը», որտեղ գործում է տարածաշրջանային նշանակության ոսկրածուծի փոխպատվաստման բաժանմունք և ցողունային բջիջների լաբորատորիա։
Ծրագրի շահառուներից է նաև Պրոֆ. Ռ.Յոլյանի անվան արյունաբանական կենտրոնի ամենածանր հիվանդը, ում, Ռիտա Սարգսյանի խնդրանքով ՌԴ առողջապահության նախարարը հրավիրեց Մոսկվա և հաջողվեց փրկել 10 ամյա երեխայի կյանքը[3]։
2011 թվականին Ռիտա Սարգսյանը ստեղծել է «Արագիլ» հիմնադրամը, որի հոգաբարձուների խորհրդի պատվավոր նախագահն էր։ Հիմնադրամի նպատակն է աջակցել սոցիալապես անապահով զույգերին՝ արհեստական բեղմնավորման միջոցով երեխա ունենալ։ 2018թ. դրությամբ «Արագիլ» հիմնադրամի օգնությամբ աշխարհ է եկել 500 երեխա[4]։
Ռիտա Սարգսյանի ջանքերով 2012 թվականի ապրիլի 2-ին ստեղծվել է «Աուտիզմ» ազգային հիմնադրամը։ Առաջին տիկինը հիմնադրամի հոգաբարձուների խորհրդի պատվավոր նախագահն էր։ «Աուտիզմ» հիմնադրամի միջոցներով կառուցվել է դպրոց, որտեղ հաճախում է աուտիզմ ախտորոշում ունեցող 200 երեխա։
Առաջին տիկնոջ հովանու ներքո անցկացվել են Արամ Խաչատրյանի անվան միջազգային մրցույթները, «Վերադարձ» միջազգային մրցույթ-փառատոնը, «Վերածնունդ» դասական երաժշտության փառատոնը, Հայաստանի պետական ֆիլհարմոնիկ նվագախմբի Երևանյան միջազգային փառատոնը, «Նոր անուններ» մանկական միջազգային մրցույթ-փառատոնը, «ԱրմՄոնո» թատերական միջազգային փառատոնը, «Թումանյանական հեքիաթի օր» տիկնիկային միջազգային փառատոնը և բազմաթիվ այլ միջոցառումներ[2]։
Ընտանիք[խմբագրել | խմբագրել կոդը]
Ռիտա Սարգսյանը ամուսնացած էր Սերժ Սարգսյանի հետ և ուներ երկու դուստր և 5 թոռ[2]։
Մահ[խմբագրել | խմբագրել կոդը]
2020 թվականի նոյեմբերի 16-ին Ռիտա Սարգսյանը ծայրահեղ ծանր վիճակում տեղափոխվել էր «Նաիրի» բժշկական կենտրոն։ Նրա մոտ ախտորոշվել էր COVID-19[5]։ Նոյեմբերի 20-ին երրորդ նախագահի գրասենյակը տեղեկացրեց, որ Ռիտա Սարգսյանը մահացել է[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 https://www.aravot.am/2020/11/20/1153413/
- ↑ 2,0 2,1 2,2 «Ռիտա Սարգսյան Հայաստանի Առաջին տիկին - Արխիվ - Հայաստանի Հանրապետության Նախագահ». president.am. Վերցված է 2023 թ․ նոյեմբերի 27-ին.
- ↑ «ՀՀ առաջին տիկինն արյունաբանական կենտրոնում բուժվող երեխաների օրը տոն դարձրեց». armenpress.am. Վերցված է 2023 թ․ նոյեմբերի 27-ին.
- ↑ Ռիտա Սարգսյան.«Ի սրտե»․Առաջին տիկնոջ հոգածության ոլորտներում աշխատանքի արդյունքն ակնհայտ է նաև այսօր, Վերցված է 2023 թ․ նոյեմբերի 27-ին
- ↑ Ռիտա Սարգսյանն արդեն երկու շաբաթ է գտնվում է ծայրահեղ ծանր վիճակում. նոր մանրամասներ
- ↑ Մահացել է Ռիտա Սարգսյանը
Արտաքին հղումներ[խմբագրել | խմբագրել կոդը]
| ||||||||||||||||||||||||||||||||||||||
 | Վիքիպահեստն ունի նյութեր, որոնք վերաբերում են «Ռիտա Սարգսյան» հոդվածին։ |
|
