Ռուբեն Յոլյանի անվան արյունաբանական կենտրոն

Ռուբեն Յոլյանի անվան արյունաբանական կենտրոն;
Տեսակ	հիվանդանոց և գիտահետազոտական ինստիտուտ
Երկիր	Հայաստան
Հիմնադրված	1947թ. մարտի 17
Գլխադասային գրասենյակ	Հրաչյա Ներսիսյան 7, Երևան, Հայաստան
Ղեկավար	Սամվել Դանելյան
Անվանված է	Ռուբեն Յոլյան
Կայք	blood.am

ՀՀ ԱՆ պրոֆ. Ռ. Հ. Յոլյանի անվան արյունաբանական կենտրոն, արյունաբանության և փոխներարկաբանության ոլորտում խոշոր գիտա-հետազոտական կենտրոն Երևանում։

Պատմություն

1930-ական թվականներին պրոֆեսոր Ա. Ա. Բաղդասարովի առաջարկով և ղեկավարությամբ մասնագետների հատուկ խումբ է ժամանում Երևան դոնորության քարոզչության և արյան ծառայության կազմակերպման նպատակով և Երևանում ստեղծվում է Արյան փոխներարկման կոմիտեն, որը 1933 թվականին վերափոխվում է Մոսկվայի Արյունաբանության և արյան փոխներարկման գիտահետազոտական կենտրոնական ինստիտուտի մասնաճյուղի, որի ղեկավար է նշանակվում Ռուբեն Յոլյանը։ Արյունաբանության և արյան փոխներարկման այս կառույցը սերտորեն առնչվում է 1926 թվականին հիմնադրված Մոսկվայի Արյունաբանության և արյան փոխներարկման կենտրոնական գիտահետազոտական ինստիտուտի հետ։

1939 թվականից Մոսկվայի Արյան փոխներարկման ինստիտուտի հայկական մասնաճյուղը գործում է որպես Արյան փոխներարկման Հայաստանի հանրապետական կայան, բացվում են արյան փոխներարկման բաժանմունքներ Ս. Թովմասյանի ղեկավարությամբ՝ Լենինականում և Ե. Ասլանյանի ղեկավարությամբ՝ Կիրովականում։

Երևանում, 1947 թվականի մարտի 17-ին, Մինիստրների Խորհրդի հատուկ որոշմամբ Արյան փոխներարկման կայանի հիման վրա ստեղծվում է Արյունաբանության և արյան փոխներարկման գիտահետազոտական ինստիտուտը, ներկայումս՝ Հայաստանի Հանրապետության Առողջապահության նախարարության պրոֆեսոր Ռ. Հ. Յոլյանի անվան Արյունաբանական կենտրոն (ԱԿ), որը Խորհրդային Միությունում գործող նմանատիպ հինգ մասնագիտացված բուժհաստատություններից մեկն էր։ Ինստիտուտն արյունաբանության և փոխներարկաբանության ոլորտում խոշոր գիտահետազոտական կենտրոն է, հանդիսանալով գիտական, գիտամեթոդական և համակարգող համալիր բուժհաստատություն ամբողջ հանրապետության արյան ծառայության համար^[1]^[2]։

Կենտրոնի ղեկավարներ

1947-1955 թթ. -Արյունաբանության և արյան փոխներարկման գիտահետազոտական ինստիտուտի առաջին տնօրենը եղել է անվանի վիրաբույժ և հասարակական գործիչ Ռուբեն Հովսեփի Յոլյանը, որի անունով էլ կոչվում է ինստիտուտը, ներկայումս՝ Արյունաբանական կենտրոնը։
1956-1972 թթ.- Քամեր Անտոնի Անտոնյան
1973-1988 թթ.- Արմիկ Մելիքսեթի Եղիկյան
1988-1990 թթ.- Միհրան Կոնստանտինի Նազարեթյան
1990-1992 թթ.- Արմեն Իսահակի Իսահակյան
1992-2001 թթ.-Արմեն Ռոմանի Երեմյանց
2001-2018 թթ. - Սմբատ Սարգսի Դաղբաշյան
2018 թվականից Սամվել Հովհաննեսի Դանիելյան

Կենտրոնի ղեկավար կազմ

Կենտրոնի տնօրեն - Ս. Հ. Դանելյան
Կենտրոնի բուժական գժով փոխտնօրեն - Կ. Հ. Մելիքսեթյան
Ընդհանուր հարցերով փոխտնօրեն - Ն. Ա. Մելքիկյան
Կենտրոնի արյան գծով փոխտնօրեն - Մ. Լ. Հակոբյան
Հայաստանի մանկական քաղցկեղի և արյան հիվանդությունների կենտրոնի ղեկավար - Գ. Ն. Թամամյան
Մեծահասակների արյան հիվանդությունների կենտրոնի ղեկավար - Ա. Ա. Ոսկանյան
Մեծահասակների սոլիդ ուռուցքների քիմիաթերապիայի կենտրոնի ղեկավար - Դ. Գ. Զոհրաբյան
Հեմոֆիլիայի և թրոմբոզների կենտրոնի ղեկավար - Հ. Ս. Խաչատրյան
Կենտրոնի գիտության գծով փոխտնօրեն - Ն. Ա. Ղազարյան
Կենտրոնի ֆինանսատնտեսական գծով փոխտնօրեն - Ս. Գ. Պապիկյան

Հայաստանի Մանկական քաղցկեղի և արյան հիվանդությունների կենտրոն

Հայաստանի մանկական քաղցկեղի և արյան հիվանդությունների կենտրոնը ստեղծվել է 2019թ-ի փետրվարին՝ ՀՀ ԱՆ պրոֆ. Ռ.Հ.Յոլյանի անվան Արյունաբանական կենտրոնի և ԵՊԲՀ Մուրացան հիվանդանոցային համալիրի քիմիաթերապիայի կլինիկայի մանկական արյունաբանական և ուռուցքաբանական ծառայությունների միացման արդյունքում։

2019թ ապրիլին Կենտրոնը՝ առաջինն աշխարհում, միացել է աշխարհահռչակ Սուրբ Հուդայի մանկական հետազոտական հիվանդանոցի Գլոբալ ալյանսին։

Ծանոթագրություններ

↑ ԱՐՅՈՒՆԱԲԱՆԱԿԱՆ ԿԵՆՏՐՈՆ պրոֆ. Ռ.Հ. Յոլյանի անվան
↑ «ՀՀ ԱՆ պրոֆ. Ռ.Հ. Յոլյանի անվան արյունաբանական կենտրոն». Արխիվացված է օրիգինալից 2015 թ․ ապրիլի 29-ին. Վերցված է 2015 թ․ սեպտեմբերի 16-ին.

Արտաքին հղումներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 349)։

[1] ԱՐՅՈՒՆԱԲԱՆԱԿԱՆ ԿԵՆՏՐՈՆ պրոֆ. Ռ.Հ. Յոլյանի անվան

[2] «ՀՀ ԱՆ պրոֆ. Ռ.Հ. Յոլյանի անվան արյունաբանական կենտրոն». Արխիվացված է օրիգինալից 2015 թ․ ապրիլի 29-ին. Վերցված է 2015 թ․ սեպտեմբերի 16-ին.

[1]

[2]