Սոհրաբ Սեփեհրի

Սոհրաբ Սեփեհրի; سهراب سپهری‎
Ծնվել է	հոկտեմբերի 7, 1928
Ծննդավայր	Քաշան, Սպահանի նահանգ, Իրան
Վախճանվել է	ապրիլի 21, 1980 (51 տարեկան)
Վախճանի վայր	Թեհրան, Իրան
Գերեզման	Imamzadeh Sultan Ali (Mashhad-e Ardehal)
Մասնագիտություն	նկարիչ, բանաստեղծ և գրող
Քաղաքացիություն	Փահլավիների հարստություն և Interim Government of Iran
Ուշագրավ աշխատանքներ	Hasht Ketab?, Q5707080? և Q25432856?
Կայք	sohrabsepehri.com
	Սոհրաբ Սեփեհրի Վիքիդարանում
	Sohrab Sepehri Վիքիպահեստում

Սոհրաբ Սեփեհրի (պարս.՝ سهراب سپهری, հոկտեմբերի 7, 1928(1928-10-07)^[1], Քաշան, Սպահանի նահանգ, Իրան - ապրիլի 21, 1980(1980-04-21)^[2]^[1], Թեհրան, Իրան), պարսիկ բանաստեղծ, նկարիչ, փիլիսոփա։

Լինելով նաև գեղանկարիչ՝ Ս. Սեփեհրին փնտրում էր բնապաշտական ու սուֆիստական շքեղ երևույթների համադրությունը, որն իր լավագույն դրսևորումն է գտել «Կանաչ ծավալ», «Մենք ոչինչ, մենք հայացք» ժողովածուներում և «Ջրի ոտնաձայնը», «Ճամփորդը» պոեմներում։

Ս. Սեփեհրիի կենդանության օրոք թե՛ պարսկերեն, թե՛ այլ լեզուներով հիսունից ավելի հոդվածներ գրվեցին պոեզիայի բնագավառում նրա ձեռքբերումների մասին։ «Ջրի ոտնաձայնը» գրքով սկսվում է հեղինակի երկրորդ ստեղծագործական շրջանը։ 1977 թվականին «Ութ գիրք» վերտառությամբ լույս են տեսնում Սեփեհրիի ամբողջական ստեղծագործությունները։ «Ջրի ոտեաձանը» և «Ճամփորդը» կազմում են «Ութ գրքի» հինգերորդ և վեցերորդ գրքերը։

Սեփեհրին սիրում էր ճամփորդել։ Եղել է Բրազիլիայում, Ֆրանսիայում, Հնդկաստանում, Աֆղանստանում, Գերմանիայում, Անգլիայում, Իսպանիայում, Հոլանդիայում, Եգիպտոսում և այլուր։ Ֆրանսիայում, Բրազիլիայում, ԱՄՆ-ում, Շվեդիայում և Իրանի տարբեր քաղաքներում ունեցել է անհատական ցուցահանդեսներ։

Խորապես տիրապետելով անգլերենին, ֆրանսերենին, ինչպես նաև որոշ չափով ճապոներենին, նա կարողացավ բնագրով ծանոթանալ համաշխարհային գրականության լավագույն նմուշներին. Ս Սեփեհրիի թարգմանությամբ պարսկերեն լույս է տեսել նորվեգացի բանաստեղծ Ռիշարդ Բիլինգերի, ամերիկացի Վիլյամ Կարլոս Վիլյամզի, ինչպես նաև ճապոնացի և չին բանաստեղծների ստեղծագործությունները։

Ս. Սեփեհրիի բանաստեղծություններն ու պոեմները կենդանության օրոք և հետո բազմիցս թարգմանվել են գերմաներեն, իսպաներեն, անգլերեն, իտալերեն, արաբերեն, ֆրանսերեն, լեհերեն, թուրքերեն և այլ լեզուներով

Վախճանվել է 52 տարեկան հասակում Իրանի «Փարս» հիվանդանոցում^[3]։

Սոհրաբ Սեփեհրին հայերեն

Մշտապես; Ընկեր; Ուղեկիցների այգում; Հասցե; Օազիս պահի մեջ; Կանաչից կանաչ; Կանչ սկզբնական; Դիտումի սուրահ; Խլրտոցը ապրել բառի; Լույսը, ես, ծաղիկը ջուրը; Եվ ինչ-որ պատգամ ճանապարհին; Միայնություն տեսարանի; Եվ տող և ճերմակ; Ջրերից հետո; Մինչ ծաղիկը ոչնչի; Խաղաղության մեր հովանին մենք ենք; Պարզ գույն; Ջուրը; Վարդաստան; Օտարություն; Ձկների պատգամը; Ջրի ոտնաձայնը; Ճամփորդը։ Ոսկե գմբեթ (ժամանակակից իրանական պոեզիա), Ե., Հայաստան, 2004, էջ 23-84։ Պարսկերենից թարգմ.՝ Էդուարդ Հախվերդյան։

Առցանց

Բանաստեղծություններ, «Գարուն», 2001, № 1:

Ծանոթագրություններ

↑ ^1,0 ^1,1 ^1,2 ^1,3 ^1,4 Babelio (ֆր.) — 2007.
↑ ^2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Ոսկե գմբեթ (ժամանակակից իրանական պոեզիա), Ե., Հայաստան, 2004, էջ 21-22։

Վիքիդարանն ունի նյութեր, որոնք վերաբերում են «Սոհրաբ Սեփեհրի» հոդվածին։

Վիքիպահեստն ունի նյութեր, որոնք վերաբերում են «Սոհրաբ Սեփեհրի» հոդվածին։

[_261cd22344fa453f-1] 1,0 ^1,1 ^1,2 ^1,3 ^1,4 Babelio (ֆր.) — 2007.

[_b9ca84e1043e0e0b-2] 2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[3] Ոսկե գմբեթ (ժամանակակից իրանական պոեզիա), Ե., Հայաստան, 2004, էջ 21-22։

[1]

[2]

[3]