Էդուարդ Հախվերդյան

Էդուարդ Հախվերդյան
Ծնվել է	1952 կամ ապրիլի 4, 1952(1952-04-04) (72 տարեկան)
Ծննդավայր	Թեհրան, Իրան
Մասնագիտություն	բանաստեղծ, թարգմանիչ, լրագրող և նկարիչ
Քաղաքացիություն	Հայաստան
Անդամակցություն	ՀԳՄ
Աշխատավայր	Հայֆիլմ, Նոր դար և Աղբյուր ամսագիր
Պարգևներ	Հայաստանի մշակույթի նախարարության ոսկե մեդալ
Էդուարդ Հախվերդյան Վիքիքաղվածքում

Էդուարդ Հախվերդյան (1952 կամ ապրիլի 4, 1952(1952-04-04), Թեհրան, Իրան), հայ բանաստեղծ, թարգմանիչ, գեղանկարիչ։

Կենսագրություն

Սովորել է Թեհրանի հայկական և պարսկական դպրոցներում։ 1970 թվականին հայրենադարձել է և հաստատվել Էջմիածին քաղաքում։ Ավարտել է Երևանի Մարտիրոս Սարյանի անվան գեղարվեստի ուսումնարանը։ Աշխատել է «Հայֆիլմ» կինոստուդիայում, ապա՝ Հայաստանում Իրանի Իսլամական Հանրապետության դեսպանատանը, «Նոր դար» հանդեսում։ 1991 թվականից աշխատում է «Աղբյուր» մանկապատանեկան ամսագրում։ 1995 թվականից Հայաստանի Գրողների միության անդամ է։ 1999 թվականից հայ-իրանական «Միհր» մշակութային-հասարակական հանդեսի գրական բաժնի վարիչն է, Էջմիածնի քաղաքապետարանի «Մշակույթ» միացյալ տնօրինության տնօրենը։

Ստեղծագործություններ

Հայերեն է թարգմանել պարսից ժամանակակից գրականության հեղինակների գործեր։ Պարսկերենից հայերեն է թարգմանել Ղուրանը, ինչը Ղուրանի երրորդ թարգմանությունն է հայ իրականության մեջ։ Նրա բանաստեղծությունները և թարգմանությունները տպագրվել են հանրապետական գրական մամուլում։ Գրական գործունեությանը զուգահեռ զբաղվում է գեղանկարչությամբ։

Երկեր

• 4-ը ապրիլի (բանաստեղծությունների ժողովածու)․- Երևան։ «Տապան», 1992։
• Անառակ որդի (բանաստեղծությունների ժողովածու)․- Լոս Անջելես։ «Այբ-բեն», 1996։
• Իմ սիրտը լեռներում չէ (բանաստեղծությունների ժողովածու)․- Լոս Անջելես։ «Այբ-բեն», 2002։
• Գնում եմ էտյուդի (բանաստեղծությունների ժողովածու)․- Երևան։ Անտարես, 2012։
• Spin…» Բանաստեղծություն․- Լոս Անջելես։ «Այբ- Բեն», 2015։
• «Հինգ գիրք»Բանաստեղծություններ․- Լոս Անջելես։ «Այբ- Բեն», 2015։
• «Բառի աղջիկը»։ Հեքիաթ մեծահասակների համար․- Երևան։ Էդիթ Պրինտ, 2018։

Թարգմանություններ

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Քոռ բու (իրանական պատմվածք և վիպակ)․- Երևան։ «Տապան», 1992։
• Ֆորուղ Ֆարրոխզադ։ Մի այլ ծնունդ (բանաստեղծությունների ժողովածու)․- Լոս Անջելես։ «Այբ-բեն», 1996։
• Սոհրաբ Սեփեհրի։ Կանաչ ծավալ (բանաստեղծությունների ժողովածու)․- Երևան։ «Վան Արյան», 2000։
• Փոքրիկ սիրտս ու՞մ նվիրեմ (իրանական ժամանակակից հեքիաթներ)․- Երևան։ «Վան Արյան», 2000։
• Զահակ (իրանական ժամանակակից դրամատրուրգիա)․- Երևան։ «Աղբյուր», 2003։
• Սուրբ Ղուրան, (29, 30 մաս)․- Երևան։ «Հայաստան», 2004։
• Ոսկե գմբեթ (ժամանակակից իրանական պոեզիա)․- Երևան։ «Հայաստան», 2005։
• Սուրբ Ղուրան (24,25, 26, 27 և 28 մասեր)․- Երևան։ «Հայաստան», 2005։
• Մարգարեի արևածագը (իրանական ժամանակակից պոեզիան իսլամական հեղափոխությունից հետո)․- Երևան։ «Հայաստան», 2006։
• Սուրբ Ղուրան (հայերեն ամբողջական թարգմանությունը)․- Երևան։ «Հայաստան», 2006-2007։
• Մոլավի։ Մասնավիի պատումներ․- Երևան։ «Հայաստան», 2007։
• Ղեյսար Ամինփուր (բանաստեղծությունների ընտրանի)․- Երևան։ «Հայաստան», 2008։
• «Նազելի նոճին»։ Իրանական հեքիաթներ․- Երևան։ «Հայաստան», 2008։
• Ահմադ Շամլու։ Թարմ օդ (բանաստեղծությունների ընտրանի)․- Երևան։ «Հայաստան», 2008։
• Վահե Արմեն։ Թևերը թողեց բանաստեղծությանս կողքին ու հեռացավ (բանաստեղծություններ)․- Երևան։ «Ծիծեռնակ», 2011։
• Շամս Լանգյարուդի։ Փողոցների նավաստին․- Երևան, «Հայաստան», 2011։
• Ալի Մուսավի Գյարմարուդի։ «Քարի այգի»․ բանաստեղծությունների ընտրանի․-Երևան։ Էդիթ պրինտ, 2016։
• Քիանա Ռաշիդի։ «Սովորական ծնոտներով մի մարդ»․ , բանաստեղծությունների ժողովածու․-Երևան։ Հայաստան, 2016։
• Վահե Արմեն։ «Կռունկների թռիչքից հետո»․ բանաստեղծությունների ժողովածու․-Երևան։ Հայաստան, 2017։
• «Ավեստա»։ Իրանցիների հնագույն երգերը և տեքստերը․- Երևան։ Անտարես, 2022։

Մրցանակներ

• 2012 թ. արժանացել է ՀԳՄ «Գրական վաստակի համար» մեդալի։
• 2012 թ. արժանացել է ՀՀ մշակույթի նախարարության Ոսկե մեդալի։
• 2009 թ. արժանացել է Մայր Աթոռ Սուրբ Էջմիածնի և ՀԳՄ համատեղ «Կանթեղ» թարգմանական մրցանակի։
• 2001 թվականին պարսկական լեզուն և գրականությունը պրոպագանդելու համար իրանի «Էրշադի» և մշակույթի նախարարի կողմից արժանացել է արծաթե գավաթի ու վկայագրի։

Արտաքին հղումներ

• Էդուարդ Հախվերդյանի ստեղծագործությունները Գրական կամուրջում

Վիքիքաղվածքն ունի նյութեր, որոնք վերաբերում են «Էդուարդ Հախվերդյան» հոդվածին։