Ռիչարդ Բարթոն

Ռիչարդ Բարթոն; անգլ.՝ Richard Burton
Ծնվել է	նոյեմբերի 10, 1925[…]
Ծննդավայր	Pontrhydyfen, Ուելս
Մահացել է	օգոստոսի 5, 1984[…] (58 տարեկան)
Մահվան վայր	Սելինյի, Շվեյցարիա
Գերեզման	Old Cemetery of Céligny
Կրթություն	Էքսետեր քոլեջ
Քաղաքացիություն	Միացյալ Թագավորություն
Կրոն	աթեիզմ
Մասնագիտություն	կինոդերասան, օրագրի հեղինակ, թատրոնի դերասան, դերասան և կինոռեժիսոր
Ծնողներ	հայր՝ Richard Walter Jenkins?, մայր՝ Edith Mawd Thomas?
Ամուսին(ներ)	Էլիզաբեթ Թեյլոր, Sybil Christopher?, Suzy Miller?, Էլիզաբեթ Թեյլոր և Sally Burton?
Երեխա(ներ)	Ջեսիկա Բարթոն և Քեյթ Բերթոն
Պարգևներ և մրցանակներ	Թատերական համաշխարհային մրցանակ «Թոնի» մրցանակ՝ մյուզիքլում լավագույն տղամարդու դերի համար «Թոնի» հատուկ մրցանակ և Հոլիվուդյան փառքի ծառուղու աստղ
	richardburton.com

Ռիչարդ Բարթոն (անգլ.՝ Richard Burton, ի ծնե՝ Ռիչարդ Ուոլթեր Ջենքինս, նոյեմբերի 10, 1925(1925-11-10)^[1]^[2]^[3]^[…], Pontrhydyfen, Ուելս - օգոստոսի 5, 1984(1984-08-05)^[1]^[2]^[3]^[…], Սելինյի, Շվեյցարիա^[4]), բրիտանացի դերասան, «Օսկարի» յոթակի նոմինանտ, ինչպես նաև «Ոսկե գլոբուս», «Գրեմմի», «Թոնի» և «BAFTA» մրցանակների դափնեկիր։ Իր ճանաչվածության գագաթնակետում՝ 1960-ական թվականներին, Բարթոնը համարվում էր ամենաշատ վարձատրվող դերասաններից մեկը Հոլիվուդում։ Հասարակական գիտակցության մեջ այն մինչ օրս սերտորեն կապում են իր երկրորդ կնոջ՝ Էլիզաբեթ Թեյլորի հետ, որի հետ բուռն հարաբերությունները թերթերի առաջին էջերից չէին իջնում։

2002 թվականին BBC-ի կողմից անցկացրած հարցման արդյունքներով՝ ճանաչվել է պատմության 100 լավագույն բրիտանացիներից մեկը։

Կենսագրություն[խմբագրել | խմբագրել կոդը]

Ռիչարդ Բարթոնը ծնվել է 1925 թվականին, Անգլիայի Պոնտրհիդֆեն քաղաքում (Հարավային Ուելս), տասներեք երեխաներից բաղկացած ածխահատի ընտանիքում։ Օքսֆորդի համալսարանում սովորելիս Բարթոնին հայտնաբերում է անգլիացի դրամատուրգ Էմիլին Ուիլյամսը, որը և խորհուրդ է տալիս նրան իր ուժերը փորձել թատրոնում։ Շեքսպիրյան մի քանի բեմադրություններում հանդես գալուց հետո, Բարթոնը մեկնում է զինվորական ծառայության և որպես օդաչու մասնակցում Համաշխարհային երկրորդ պատերազմին։ 1952 թվականին Միացյալ Նահանգներում նկարահանվում է ռեժիսորներ Հենրի Կոստերի «Իմ զարմուհի Ռաշելը» (1952), Ռոբերտ Ուայզի «Անապատի մկները» (1953), Ռիչարդ Տորպի «Ամեն ինչով օժտված աղջիկը» (1954), Թոնի Ռիչարդսոնի «Վայրագ անձնակազմները» (1959),Կեն Անակինի «Ամենաերկար օրը» (1962), Պիտեր Գլենվիլի «Բեքեր» (1963), Ջոն Հյուսթոնի «Իգուանայի գիշերը» (1964), Մայք Նիկոլսի «Ով է վախենում Վիրջինիա Վուլֆից» (1966), Ստենլի Դոնենի «Աստիճան» (1969), Քրիստիան Մարկոնի «Սենդի» (1970), Կարլո Կոտիի «Վերջավորությունը» (1972), Պիտեր Ուստինովի «Համերսմիթը չքվել է » (1972), Էդուարդ Դմիտրիկի «Կապտամորուսը» (1973), Ստիպե Դելիչի «Հինգերորդ հարձակումը» (1973), Վիտորիո Դե Սիկայի «Շրջագայությունը» (1974), Տերենս Յանգի «Ջեկպոտ» (1975) և այլ կինոնկարներում։

Անձնական կյանք[խմբագրել | խմբագրել կոդը]

Բարթոնն ամուսնացած է եղել հինգ անգամ, երկու անգամ սուպերաստղ Էլիզաբեթ Թեյլորի հետ (1964-1974 թթ., 1975-1976 թթ.), որի հետ խաղացել է տասնմեկ ֆիլմում, ներառյալ՝ հանրահայտ պատմական բլոքբասթեր «Կլեոպատրան» (1963): Այդ հարաբերությունների զարգացման մասին 2013 թվականին նկարահանվել է «Բարթոն և Թեյլոր» / «Burton and Taylor» (Մեծ Բրիտանիա, ռեժիսոր՝ Ռիչարդ Լեքսթոն / Richard Laxton) հեռուստատեսային ֆիլմը։ 1967 թվականին ամուսին դերասանները հիմնեցին իրենց սեփական ստուդիան և էկրանավորեցին «Օսմոս» կինոնկարը։

Բացի Թեյլորից՝ Բարթոնն ամուսնացած է եղել.

դերասանուհի Սիբիլ Ուիլյամսի հետ (1949-1963 թթ., ունեցել են երկու դուստր՝ Քեյթ Բարթոն և Ջեսիկա),
մոդել Սյուզան Հանթի հետ (1976-1982 թթ.),
դիմահարդար Սալի Հեյի հետ (1983 թ.-մինչ մահ)։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Internet Broadway Database — 2000.
↑ ^4,0 ^4,1 ^4,2 http://www.biographyonline.net/actors/richard-burton.html
↑ Alpert H. Burton — G. P. Putnam's Sons, 1986. — P. 40. — ISBN 978-0-399-13093-9
↑ ^6,0 ^6,1 ^6,2 ^6,3 ^6,4 Pas L. v. Genealogics — 2003.
↑ ^7,0 ^7,1 Lundy D. R. The Peerage
↑ http://www.theatreworldawards.org/past-recipients.html

Արտաքին հղումներ[խմբագրել | խմբագրել կոդը]

Official Richard Burton Website

Վիքիպահեստն ունի նյութեր, որոնք վերաբերում են «Ռիչարդ Բարթոն» հոդվածին։

[_41f4546d36bcaf8f-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_744a424c09ba01f2-2] 2,0 ^2,1 ^2,2 ^2,3 ^2,4 Encyclopædia Britannica

[_eebd5d6c86302fdc-3] 3,0 ^3,1 ^3,2 ^3,3 ^3,4 Internet Broadway Database — 2000.

[_5801a36d02e0765b-4] 4,0 ^4,1 ^4,2 http://www.biographyonline.net/actors/richard-burton.html

[_2d4934c737d9b6d4-5] Alpert H. Burton — G. P. Putnam's Sons, 1986. — P. 40. — ISBN 978-0-399-13093-9

[_6d6dcc34e2da5b66-6] 6,0 ^6,1 ^6,2 ^6,3 ^6,4 Pas L. v. Genealogics — 2003.

[_b67ece38e6680d74-7] 7,0 ^7,1 Lundy D. R. The Peerage

[_d73629059895ff41-8] ttp://www.theatreworldawards.org/past-recipients.html

[1]

[2]

[3]

[4]

[5]

[6]

[7]

[8]