Ջեսսի Վենտուրա
| Ջեսսի Վենտուրա Jesse Ventura | |||
| |||
| Վենտուրան 2016 թվականին | |||
| |||
|---|---|---|---|
| Հունվարի 4, 1999 - Հունվարի 6, 2003 | |||
| Նախորդող | Արն Կարլսոն | ||
| Հաջորդող | Թիմ Փոուլենտի | ||
| |||
| Հունվարի 11, 1991 - Հունվարի 13, 1995 | |||
| Կուսակցություն՝ | Անկուսակցական (1991–1995, 2003–այժմ) | ||
| Կրթություն՝ | Ռուզվելտի ավագ դպրոց Հյուսիսային Հելեպինի քոլեջ | ||
| Մասնագիտություն՝ | կինոդերասան, ռադիոհաղորդավար, գրող, քաղաքական գործիչ, պրոֆեսիոնալ ըմբշամարտիկ (ռեստլեր), հակապատերազմային ակտիվիստ, մարզական մեկնաբան, ըմբիշ և ռադիոհաղորդավար | ||
| Դավանանք | աթեիզմ | ||
| Ծննդյան օր | հուլիսի 15, 1951 (72 տարեկան) | ||
| Ծննդավայր |  Մինեապոլիս, Մինեսոտա, ԱՄՆ
| ||
| Քաղաքացիություն | ԱՄՆ
| ||
| Հայր | Էլայաս Սանդերս | ||
| Մայր | Դորոթի Սանդերս | ||
| Ամուսին | Թերեզա Մաստերս (1975–այժմ) | ||
| Զավակներ | 2 | ||
| Ինքնագիր | 
| ||
| Պարգևներ |
| ||
Ջեսսի Վենտուրա (անգլ.՝ Jesse Ventura, ի ծնե՝ Ջեյմս Ջորջ Ջանոս [James George Janos], հուլիսի 15, 1951[1], Մինեապոլիս, Մինեսոտա, ԱՄՆ[2]), ամերիկացի նախկին պրոֆեսիոնալ ըմբիշ (ռեստլեր), դերասան, քաղաքական մեկնաբան, գրքերի հեղինակ, ռազմածովային վետերան, Վիետնամի պատերազմի մասնակից, հեռուստահաղորդավար և քաղաքական գործիչ, ԱՄՆ Մինեսոտա նահանգի 38-րդ նահագապետը 1999-2003 թվականներին։
Վիետնամի պատերազմի ժամանակ ծառայել է ԱՄՆ ռազմածովային ուժերում[3]։ Ռազմական կարիերայից հեռանալուց հետո Ջեսսի «Մարմին» Վենտուրա (Jesse 'The Body' Ventura) ռինգային անվան ներքո[4][5] 1975-1986 թվականներին զբաղվել է պրոֆեսիոնալ ըմբշամարտով (ռեստլինգ)։ «World Wrestling Federation» (WWF, այժմ՝ WWE) կազմակերպությունում որպես մարզիկ և մեկնաբան հանդես գալու համար 2004 թվականին դարձել է WWE փառքի սրահի անդամ։ Նկարահանվել է նաև «Գիշատիչ» և «Վազող մարդը» (երկուսն էլ՝ 1987 թ․, գլխավոր դերերում՝ Առնոլդ Շվարցենեգեր) կինոնկարներում։
Մարզական կարիերայից հետո 1991 թվականին մուտք է գործել քաղաքական ասպարեզ։ 1991-1995 թվականներին եղել է Բրուքլին Պարկի (Մինեսոտա) քաղաքապետը։ Որպես ԱՄՆ բարեփոխումների կուսակցության անդամ, 1998 թվականին մասնակցել է Մինեսոտայի նահանգապետի ընտրություններին, որում կարողացել է առավելության հասնել թե՛ հանրապետական և թե՛ դեմոկրատ թեկնածուների նկատմամբ։ Պաշտոնը ստանձնելուց մեկ տարի անց, Բարեփոխումների կուսակցության ներսում վերահսկողություն սահմանելու ներքին պայքարի պայմաններում, Վենտուրան պաշտոնը շարունակել է վարել որպես Մինեսոտայի անկախության կուսակցության անդամ։ Որպես նահանգապետ, ակտիվ մասնակցություն է ունեցել Մինեսոտայի գույքահարկային բարեփոխումներին, ինչպես նաև նահանգում վաճառքի հարկի նվազեցմանը։ Վենտուրայի նախաձեռնություններից էին նաև Մինեապոլիս-Սենթ Փոլ ագլոմերացիայում մետրոպոլիտենի կապույտ գծի կառուցումը և եկամտահարկի կրճատմանն ուղղված նախագծերը[6][7]։
2003 թվականին պաշտոնից հեռանալուց հետո դարձել է Հարվարդի համալսարանի Ջոն Ֆ. Քենեդու անվան կառավարման դպրոցի հրավիրյալ դասախոս։ Հետագայում վարել է մի շարք հեռուստահաղորդումներ և հեղինակել գրքեր։ «RT America» և «Ora TV» հեռուստաալիքներով վարել է քաղաքական հաղորդումներ[8] և բազմիցս հանդես է եկել նախագահական ընտրություններում անկախ թեկնածու ինքնառաջադրվելու օգտին[9]։
Ծանոթագրություններ[խմբագրել | խմբագրել կոդը]
- ↑ Encyclopædia Britannica
- ↑ 2,0 2,1 http://news.bbc.co.uk/2/hi/special_report/1998/09/98/us_midterms/207582.stm
- ↑ «More than Military». MilitaryHub.com. Արխիվացված է օրիգինալից 2018 թ․ դեկտեմբերի 24-ին. Վերցված է 2022 թ․ մայիսի 1-ին.
- ↑ «OWOW profile». Online World of Wrestling. Վերցված է 2022 թ․ մայիսի 1-ին.
- ↑ «Jesse Ventura " Wrestlers Database " CAGEMATCH – The Internet Wrestling Database». www.cagematch.net. Վերցված է 2022 թ․ մայիսի 1-ին.
- ↑ McCallum, Laura. «The political legacy of Jesse Ventura». minnesota.publicradio.org. Վերցված է 2022 թ․ մայիսի 1-ին.
- ↑ Khoo, Michael. «The days of Jesse». minnesota.publicradio.org. Վերցված է 2022 թ․ մայիսի 1-ին.
- ↑ Mettler, Katie (2017 թ․ հունիսի 8). «Jesse Ventura's new Russian state TV show: 'I am working for the enemy of mainstream media now'». The Washington Post. Վերցված է 2022 թ․ մայիսի 1-ին.
- ↑ «Jesse Ventura Considering Running For President, 'Trump will not Have a Chance!'». TMZ. Վերցված է 2022 թ․ մայիսի 1-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Ջեսսի Վենտուրա» հոդվածին։ |
| ||||||||||||||||||||
- Ապրող անձինք
- 1951 ծնունդներ
- Հուլիսի 15 ծնունդներ
- Անձինք այբբենական կարգով
- ԱՄՆ-ում ծնվածներ
- 20-րդ դարի ամերիկացի տղամարդ գրողներ
- 20-րդ դարի ամերիկացի տղամարդ դերասաններ
- 21-րդ դարի ամերիկացի տղամարդ գրողներ
- 21-րդ դարի ամերիկացի տղամարդ դերասաններ
- Ամերիկացի պետական գործիչներ
- Ամերիկացի պրոֆեսիոնալ ըմբշամարտիկներ
- Ամերիկացի տղամարդ կինոդերասաններ
- Կրոնների քննադատներ