Մորիս Փոցխիշվիլի

Մորիս Փոցխիշվիլի მორის ფოცხიშვილი
Ծննդյան անուն	վրաց.՝ მორის ფოცხიშვილი
Ծնվել է	1930, հունիսի 11
Ծննդավայր	Թիֆլիս, Վրացական ԽՍՀ, ԽՍՀՄ
Վախճանվել է	1997
Գերեզման	Սամտավրոյի վանք
Մասնագիտություն	բանաստեղծ
Լեզու	վրացերեն
Ազգություն	վրացի
Քաղաքացիություն	ԽՍՀՄ և Վրաստան
Կրթություն	Թբիլիսիի պետական համալսարան
Moris Potskhishvili Վիքիպահեստում

Մորիս Թովմայի Փոցխիշվիլի (վրաց.՝ მორის ფოცხიშვილი, հունիսի 11, 1930(1930-06-11), Թիֆլիս, Վրացական ԽՍՀ, ԽՍՀՄ - 1997), վրացի բանաստեղծ։ ԽՄԿԿ անդամ 1962 թվականից։

Կենսագրություն

Ավարտել է Թբիլիսիի պետական համալսարանի բանասիրական ֆակուլտետը (1954)։ 1982 թվականից եղել է «Նակադուլի» մանկապատանեկան հրատարակչության տնօրենը։ Հրատարակվել են Փոցխիշվիլիի «Բալենիները անձրևի տակ» (1957), «Սիրտը փնտրում է սիրտ», «Երջանկության ծիածանը» (1976), «Բացվի՛ր, երկինք» և այլ ժողովածուներ։ Գրել է նաև մանուկների համար։ Նրա բազմաթիվ գործեր վերածվել են երգի։

Մորից Փոցխիշվիլու գերեզմանը

Փոցխիշվիլին նշանակալից ավանդ ունի հայ գրականության լավագույն նմուշները վրացի ընթերցողին ներկայացնելու գործում։ Նրա թարգմանությամբ լույս են տեսել Հովհաննես Շիրազի («Աստղերը Սևանում», 1959, Շ․ Նիշնիանիձեի հետ) և Վահան Տերյանի («Սիրտ-ծաղիկ», 1983) ժողովածուները։ Թարգմանել է նաև Հովհաննես Թումանյանի, Ավետիք Իսահակյանի, Եղիշե Չարենցի, Համո Սահյանի, Վահագն Դավթյանի և այլ բանաստեղծների գործերից։

Արժանացել է Հովհաննես Թումանյանի անվան գրական մրցանակի (1982)։ Պարգևատրվել է «Պատվո նշան» շքանշանով, Ալբերտ Շվայցերի անվան խաղաղության միջազգային մեդալով։

Մորիս Փոցխիշվիլին հայերեն

• Աքիլեսյան գարշապար; Իմ սերը; Ներկած խիղճ; Երկնագույն մակագրություն։ Վրացական պոեզիա, Ե., «Արմավ», 2017, էջ 14-16։ Թարգմ.՝ Գագիկ Դավթյան։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։

Վիքիպահեստն ունի նյութեր, որոնք վերաբերում են «Մորիս Փոցխիշվիլի» հոդվածին։