Մարիա Ուլյանովա

Մարիա Ուլյանովա;
Ծնվել է	փետրվարի 22 (մարտի 6), 1835
Ծննդավայր	Սանկտ Պետերբուրգ, Ռուսական կայսրություն
Մահացել է	հուլիսի 12 (25), 1916 (81 տարեկան) կամ հուլիսի 25, 1916 (81 տարեկան)
Մահվան վայր	Պետրոգրադ, Ռուսական կայսրություն
Գերեզման	Լիտերատորսկիե մոստկի
Քաղաքացիություն	Ռուսական կայսրություն
Կրոն	ուղղափառություն
Մասնագիտություն	ուսուցչուհի, մանկավարժ և տնային տնտեսուհի
Ամուսին	Իլյա Ուլյանով
Ծնողներ	հայր՝ Alexander Blank?
Երեխաներ	Վլադիմիր Լենին, Մարիա Ուլյանովա, Դմիտրի Ուլյանով, Ալեքսանդր Ուլյանով, Օլգա Ուլյանովա և Աննա Ելիզարովա-Ուլյանովա
	Maria Ulyanova Վիքիպահեստում

Մարիա Ալեքսանդրովնա Ուլյանովա (ռուս.՝ Мария Александровна Ульянова, օրիորդական ազգանունը՝ Բլանկ [Бланк], փետրվարի 22 (մարտի 6), 1835, Սանկտ Պետերբուրգ, Ռուսական կայսրություն^[1] - հուլիսի 12 (25), 1916 կամ հուլիսի 25, 1916(1916-07-25)^[2], Պետրոգրադ, Ռուսական կայսրություն^[1]), Իլյա Ուլյանովի կինը և հեղափոխականներ Վլադիմիր Լենինի և Ալեքսանդր Ուլյանովի մայրը։

Կենսագրություն

Ծնվել է 1835 թվականի փետրվարի 22-ին (մարտի 6) Սանկտ Պետերբուրգում։ Ծնողները եղել են բժիշկ ֆիզիոթերապևտ, արքունի խորհրդական Ալեքսանդր Դմիտրիևիչ Բլանկը (1801 կամ 1804-1870, գերմանական ծագում^[3]^[4]^[5]^[6]) և նրա կինը՝ Աննա Իվանովնա (Յոհաննովնա) Գրոսշոպֆը (1810-1838), որի ծնողներն են եղել գերմանացի Յոգան Գրոսշոպֆը (գերմ.՝ Johann Groschopf) և շվեդուհի Աննա Էստեդտը (շվեդ.՝ Anna Estedt):

Մկրտության ծեսը կատարվել է 1835 թվականի փետրվարի 28-ին (մարտի 12) գլխավոր Սուրբ Սպիրիդոն Տրիմիֆունտսկու եկեղեցում` վարդապետ Ալեքսանդր Ստրատիլատովի կողմից^[7]։

1838 թվականին Աննա Իվանովնան մահացել է՝ թողնելով վեց երեխա՝ մեկ տղա և հինգ աղջիկ։ Հայրը երկրորդ անգամ է ամուսնացել, իսկ երեխաների դաստիարակությամբ զբաղվել է մոր անզավակ քույրը՝ Եկատերինա Իվանովնան։

Մարիայի մանկությունն ու պատանեկությունը անցել է հոր՝ Կոկուշկինո գյուղի (Կազանի նահանգ) կալվածքում, որտեղ մորաքրոջ ղեկավարությամբ նա լավ տնային կրթություն է ստացել։ Նա տիրապետել է գերմաներեն, անգլերեն և ֆրանսերեն լեզուներին։ Նա լավ է իմացել ռուսական և եվրոպական գրականություն, նվագել է դաշնամուր և, որպես ապագա տանտիրուհի, վարժվել է ձեռագործության և տնային տնտեսության մեջ։

1845-1848 թվականներին ապրել է Զլատոուստում։

Նրա տնային կրթության բարձր որակը հաստատվել է ուսուցանելու իրավունքի քննություն հանձնելով և 1863 թվականին տնային ուսուցչի կոչում ստանալով, ինչը համապատասխանել է կանանց գիմնազիայի դասընթացների անցնելուն։

1861 թվականին Մարիա Ուլյանովան մեկնել է Պենզա՝ այցելելու իր ավագ քրոջը՝ Աննային, որտեղ ծանոթացել է իր ամուսնու պաշտոնակցի՝ Ի. Ն. Ուլյանովի հետ։

Մարիայի և Իլյայի հարսանիքը տեղի է ունեցել 1863 թվականի օգոստոսի 25-ին (սեպտեմբերի 6) Կոկուշկինոյում, և նրանք պսակադրվել են Չերեմիշևո գյուղի մոտակա եկեղեցում^[8]։

Ամուսնության ընթացքում Ուլյանովան լույս աշխարհ է բերել ութ երեխայի՝ չորս որդու և չորս դստեր (1873 թվականին ծնված Նիկոլայը և 1868 թվականին ծնված Օլգան մահացել են մանկության տարիներին)։

1886 թվականի հունվարին մահացել է Իլյա Ուլյանովը։ Նրա մահից հետո այրին, մնալով վեց երեխաների հետ, ստիպված է եղել ընտանիքի բոլոր հոգսերը վերցնել իր ուսերին։ Առաջին հերթին, հոգ տանելով երեխաների ապագայի մասին, նա հասել է նրանց համար ժառանգական ազնվականության իրավունք ճանաչմանը։ Նրա խնդրանքով Սիմբիրսկի ազնվական պատգամավորական ժողովը, «…1886 թվականի հունիսի 17-ի որոշմամբ, ընդգրկել է ազնվական տոհմաբանության գրքի երրորդ մասում փաստացի պետական խորհրդական Իլյա Նիկոլաև Ուլյանովի այրի Մարիա Ալեքսանդրովային և նրանց երեխաներին…», այն հաստատվել է կայսեր 1886 թվականի նոյեմբերի 6-ի հրամանագրով։ Ընտանիքի գոյության աղբյուրը դառնում է այրու և երեխաների կենսաթոշակը, ինչպես նաև Կոկուշկինոյի կալվածքի՝ նրան պատկանող մասից ստացված եկամուտները։

1887 թվականին մահապատժի է ենթարկվել Մարիա Ուլյանովայի ավագ որդին՝ Ալեքսանդրը, որը մասնակցել էր կայսր Ալեքսանդր III-ի դեմ մահափորձին։

1891 թվականին Սանկտ Պետերբուրգում որովայնային տիֆից մահացել է նրա 19-ամյա դուստր Օլգան։

Բազմաթիվ ապրումներ կապված էին նրա մյուս երեխաների՝ Վլադիմիրի, Մարիայի, Դմիտրիի և Աննայի հեղափոխական գործունեության և բազմաթիվ ձերբակալությունների ու աքսորի հետ։ Եվ այնուամենայնիվ, նա աջակցել է իր որդուն՝ Վլադիմիրին իր քաղաքական գործունեության մեջ և երկու անգամ այցելել է նրան արտասահմանում (Ֆրանսիայում 1902 թվականի ամռանը և Ստոկհոլմում 1910 թվականի աշնանը)։

Մարիա Ալեքսանդրովնան մահացել է սրտի սկլերոզից 1916 թվականի հուլիսի 12-ին (25), 82 տարեկան հասակում և թաղվել է^[9] Պետրոգրադի Վոլկովսկի գերեզմանատանը։

Հիշատակ

Մ. Ա. Ուլյանովայի հուշարձանները տեղադրված են Սանկտ Պետերբուրգում, Ուլյանովսկում, Ուսուրիյսկում, Զլատոուստում, Ռյազանում, Պենզայում։
1962 թվականին ԽՍՀՄ փոստը թողարկել է Ուլյանովների ընտանիքին նվիրված նամականիշ։
1985 թվականին ԽՍՀՄ կապի նախարարությունը թողարկել է Մ. Ա. Ուլյանովայի 150-ամյակին նվիրված ծրար^[10]։
1985 թվականին ԽՍՀՄ փոստը թողարկել է Մ. Ա. Ուլյանովայի պատկերով նամականիշ։

Մ. Ա. Ուլյանովայի հուշարձանը որդու՝ Վոլոդյայի հետ, 1971 թվական, Ուլյանովսկ
ԽՍՀՄ փոստի ծրար, Մարիա Ալեքսանդրովնա Ուլյանովա, 1985 թվական
ԽՍՀՄ փոստային նամականիշ, 1962 թվական, «Ուլյանովների ընտանիքը»
ԽՍՀՄ փոստ, 1985 թվական

Հասցեները Սանկտ Պետերբուրգում

22.02.1835 - 1897 - Անգլիական առափնյա, տուն 74,
1897 թվական - Սերգիևսկայա փողոց, տուն 13, բնակարան 16։

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 Ульянова Мария Александровна // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^2,0 ^2,1 ^2,2 Find A Grave — 1996.
↑ БЛАНК Александр Дмитриевич в «Златоустовской энциклопедии»
↑ Шагинян М. С. Билет по истории. М., 1938. С. 28.
↑ Ульянова О. Д. Родной Ленин (Владимир Ильич и его семья). — М.: ИТРК. — 2002. — С. 19—20. — ISBN 5-88010-144-4.
↑ [1] Вековая тайна вождя. Архивные материалы по делу Ленина, комментарии Д. Муратова и Д. Быкова. Новая газета
↑ Штейн М. Г. Ульяновы и Ленины : Семейные тайны. СПб.: Изд. дом «Нева», 2004. С. 101.
↑ Метрическая книга Казанской церкви с. Черемышево за 1863 г. (НАРТ Ф. 4, о. 153, д. 146, л. 243об-244).
↑ Похоронена 14 июля 1916 г. (ЦГИА СПб. Ф. 19.— Оп. 127.— Д. 3269.— Л. 143; ЦГИА СПб. Ф. 643.— Оп. 1.— Д. 51.— Л. 180).
↑ «284402 СССР 1985. Репьев. Мария Александровна Ульянова. 150-летие. Ульяновск». meshok.net (ռուսերեն). Վերցված է 2020 թ․ հոկտեմբերի 7-ին.

Գրականություն

Любящий тебя В. Ульянов. Письма В. И. Ленина матери. — 4-е изд. — М.: Молодая гвардия, 1978. — 288 с.
Ульянова-Елизарова А. И. О В. И. Ленине и семье Ульяновых: Воспоминания, очерки, письма, ст. — М.: Политиздат, 1988. — 415 с. — ISBN 5-250-00169-6
Ульянов Д. И. Очерки разных лет: Воспоминания, переписка, ст. — 2-е изд., доп. — М.: Политиздат, 1984. — 335 с.
Ульянова М. И. О Владимире Ильиче Ленине и семье Ульяновых: Воспоминания. Очерки. Письма. — 2-е изд., доп. — М.: Политиздат, 1989. — 384 с. — ISBN 5-250-00661-2
БД Амбургера на немецких уроженцев http://88.217.241.77/amburger/index.php?id=9215(չաշխատող հղում)
Адрес-календарь Российской империи на 1845 часть 1 стр 258
Справочная книга Казанской губ на 1896 с 12
Osteuropa 20, 1970
Канивец, Владимир Васильевич Ульяновы, 1967

Արտաքին հղումներ

Վիքիպահեստն ունի նյութեր, որոնք վերաբերում են «Մարիա Ուլյանովա» հոդվածին։

[_52c39eedb9463a09-1] 1,0 ^1,1 ^1,2 ^1,3 ^1,4 ^1,5 Ульянова Мария Александровна // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_f0ffd90839d53f3d-2] 2,0 ^2,1 ^2,2 Find A Grave — 1996.

[3] БЛАНК Александр Дмитриевич в «Златоустовской энциклопедии»

[4] Шагинян М. С. Билет по истории. М., 1938. С. 28.

[5] Ульянова О. Д. Родной Ленин (Владимир Ильич и его семья). — М.: ИТРК. — 2002. — С. 19—20. — ISBN 5-88010-144-4.

[6] [1] Вековая тайна вождя. Архивные материалы по делу Ленина, комментарии Д. Муратова и Д. Быкова. Новая газета

[7] Штейн М. Г. Ульяновы и Ленины : Семейные тайны. СПб.: Изд. дом «Нева», 2004. С. 101.

[8] Метрическая книга Казанской церкви с. Черемышево за 1863 г. (НАРТ Ф. 4, о. 153, д. 146, л. 243об-244).

[9] Похоронена 14 июля 1916 г. (ЦГИА СПб. Ф. 19.— Оп. 127.— Д. 3269.— Л. 143; ЦГИА СПб. Ф. 643.— Оп. 1.— Д. 51.— Л. 180).

[10] «284402 СССР 1985. Репьев. Мария Александровна Ульянова. 150-летие. Ульяновск». meshok.net (ռուսերեն). Վերցված է 2020 թ․ հոկտեմբերի 7-ին.

[1]

[2]

[3]

[4]

[5]

[6]

[7]

[8]

[9]

[10]