Լուի Վալտա

Վիքիպեդիայից՝ ազատ հանրագիտարանից
Լուի Վալտա
ֆր.՝ Louis Valtat
Ծնվել էօգոստոսի 8, 1869(1869-08-08)[1][2][3][…]
ԾննդավայրԴյեպ[4]
Վախճանվել էհունվարի 2, 1952(1952-01-02)[1][5][3][…] (82 տարեկան)
Մահվան վայրՓարիզ
Քաղաքացիություն Ֆրանսիա[6]
ԿրթությունՓարիզի Գեղեցիկ արվեստների ազգային բարձրագույն դպրոց, Ժյուլիանի ակադեմիա և Հոշ լիցեյ
Մասնագիտություննկարիչ, փորագրիչ և գծանկարիչ
Ոճֆովիզմ
Ժանրդիմապատկեր
Ուշագրավ աշխատանքներQ17491428?, Q17491595? և Q17493777?
ՈւսուցիչԺյուլ Լեֆևր
Պարգևներ
Կայքvaltat.com​(ֆր.)​(անգլ.)
 Louis Valtat Վիքիպահեստում

Լուի Վալտա (ֆր.՝ Louis Valtat, օգոստոսի 8, 1869(1869-08-08)[1][2][3][…], Դյեպ[4] - հունվարի 2, 1952(1952-01-02)[1][5][3][…], Փարիզ), ֆրանսիացի նկարիչ և փորագրիչ։ Պոստիմպրեսիոնիզմի ներկայացուցիչ, ֆովիզմի հիմնադիրներից մեկը։

Կենսագրություն[խմբագրել | խմբագրել կոդը]

Եղել է հարուստ նավատերի որդի։ Նրա ծնունդից հետո ընտանիքը մեկնել է Փարիզի արվարձան` Վերսալի պալատ, որը հնում ֆրանսիական թագավորների նստավայր է եղել։ Վերսալ քաղաքում Լուին կրթություն է ստացել Գոշի լիցեյում, իսկ հետո` Փարիզի Գեղեցիկ արվեստների դպրոցում, որտեղ ծանոթացել է Գուստավ Բուլանժեյի, Ժան Ժոզեֆ Բենժամեն Կոնստանի և Ժյուլ Լեֆեվրեի հետ։ 1887 թվականին շարունակել է ուսումը Ժուլիանի ակադեմիայում, եղել է Ժյուլ Դյուպրեի աշակերտը։ Նրա համակուրսեցին է եղել Ալբերտ Անդրեն (1869-1954 թթ.), ով հետագայում դարձել է նրա ամենամտերիմ ընկերը։ 1890 թվականին հիմնել է իր սեփական ստուդյան անգլ.՝ Rue La Glaciere Փարիզում։ 1893 թվականին Լուի Վալտան առաջին անգամ ներկայացել է Անկախների սալոնում և Անրի դը Տուլուզ-Լոտրեկի հետ միասին աշխատել է Փարիզյան L’Oeuvre թատրոնի դեկորների վրա։ Այդ տարիներին նրա պատկերած նկարներում գերակշռում էին հետագայում ֆովիզմ անվանումն ստացած ուղղության տարրերը։ Ֆովիզմի փառքի գագաթնակետն է եղել 1905 թվականին Աշնանային սալոնում կազմակերպված երիտասարդ նկարիչների ցուցահանդեսը, որին մասնակցել է և Լուի Վալտան։ Ցուցահանդեսը մեծ քննադատության և դժգոհության է արժանացել ֆրանսիական հասարակության կողմից։

Իր նկարները ցուցադրել է ոչ միայն Ֆրանսիայում, այլ նաև 1900 թվականին Բրյուսելում, 1903 թվականին՝ Վիեննայում, 1906 թվականին՝ Դրեզդենում, ինչպես նաև` Բեռլինում, Բուդապեշտում, Պրահայում և 1908 թվականին Մոսկվայում` Տրետյակովյան պատկերասրահում։

Երկար տարիներ Լուի Վալտան տառապել է թոքախտով և գլաուկոմայով, որը նրան պարփակել է Շեվրեզ հովտում գտնվող իր տանը և դարձել է նրա սահմանափակ կյանքի պատճառ։ Գեղանկարչական բնապատկերները, որոնք նրան ոգեշնչել են, ստեղծել է բազմաթիվ գլուխգործոցներ։ Աշնանը և ձմռանը Լուի Վալտան իր հանգիստը նախընտրել է անց կացնել Միջերկրական ծովի ափին, Սան Տրոպում։ 1914 թվականին նկարիչը աշխատել է Ռուանայի և Վերսալյան պալատի մոտակայքում։ Նրա նկարների սյուժեները պատկերվել են գունային համադրությամբ, նկարել է նաև բնանկարներ և կենցաղային դրվագներ։ Հասուն տարիքում Վալտան շատ հազվադեպ էր բացակայում իր ստուդիայից, որը գտնվում էր Փարիզի դե Վագրամ պողոտայում, որտեղ և նկարված են եղել իր վերջին աշխատանքները` թվագրված 1948 թվականին, երբ գլաուկոման վերջնականապես զրկել է նրան տեսողությունից։

Մահացել է 1952 թվականին Փարիզում։

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 Louis Valtat (ֆր.) — ministère de la Culture.
  3. ↑ 3,0 3,1 3,2 3,3 3,4 Benezit Dictionary of Artists — OUP, 2006. — ISBN 978-0-19-977378-7
  4. ↑ 4,0 4,1 4,2 http://archives.yvelines.fr/ark:/36937/s005c77a6882be7f
  5. ↑ 5,0 5,1 5,2 Louis Valtat (նիդերլ.)
  6. ↑ Ժամանակակից արվեստի թանգարանի առցանց հավաքածու
  7. ↑ http://www2.culture.gouv.fr/public/mistral/leonore_fr?ACTION=CHERCHER&FIELD_1=COTE&VALUE_1=LH/2668/26

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Լուի Վալտա» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Լուի_Վալտա&oldid=9134313» էջից