Գերսամ Ահարոնյան

Գերսամ Ահարոնյան; արմտ. հայ.՝ Գերսամ Ահարոնեան
Ծնվել է	նոյեմբերի 9, 1916
Ծննդավայր	Մարաշ, Ադանայի վիլայեթ, Օսմանյան կայսրություն
Մահացել է	հունվարի 20, 1981 (64 տարեկան)
Մահվան վայր	Բեյրութ, Լիբանան
Քաղաքացիություն	Լիբանան
Ազգություն	հայ
Կրոն	Հայաստանեայց Աւետարանական Եկեղեցի
Կրթություն	Մելքոնյան կրթական հաստատություն (1937)
Մասնագիտություն	հրապարակախոս, մանկավարժ և հասարակական գործիչ
Աշխատավայր	Մելքոնյան կրթական հաստատություն, Անի, Զարթոնք և Երվանդ հյուսիսային հայագիտական հիմնարկ
Զբաղեցրած պաշտոններ	գլխավոր խմբագիր
Կուսակցություն	ՌԱԿ
Անդամություն	Թեքեյան մշակութային միություն

Վիքիպեդիայում կան հոդվածներ Ահարոնյան ազգանունով այլ մարդկանց մասին։

Գերսամ Փանոսի Ահարոնյան (նոյեմբերի 9, 1916(1916-11-09)^[1], Մարաշ, Ադանայի վիլայեթ, Օսմանյան կայսրություն^[1] - հունվարի 20, 1981(1981-01-20), Բեյրութ, Լիբանան), հայ հրապարակախոս, մանկավարժ, հասարակական գործիչ սփյուռքում, ռամկավար ազատական կուսակցության ղեկավարներից։ Նյու Յորքի ամերիկյան միջազգային ակադեմիայի պատվավոր դոկտոր (1969)։

Կենսագրություն

Ծնվել է նոյեմբերի 9-ին, Մարաշում։ Ավարտել է Կիպրոսի Մելքոնյան կրթական հաստատությունը (1937), ուր այնուհետև աշխատել է որպես ուսուցիչ։ 1948-1981 թվականներին եղել է «Զարթոնք» (Բեյրութ) օրաթերթի գլխավոր խմբագիրը։ Ահարոնյանը «Անի» գրական ամսագրի հիմնադիրներից է։ 1966 թվականից դասավանդել է Բեյրութի Երվանդ Հյուսիսյան հայագիտական հիմնարկում։

Հրատարակել է «Մեծ երազի ճամփուն վրա» (1964) և «Խոհեր հիսնամյակի ավարտին» (1966) գրքերը, ինչպես նաև արաբերեն լեզվով գրքույկ՝ «Հայկական հարցը արաբ ժողովրդի հանրային կարծիքի առջև» խորագրով (1965)։ Խմբագրել ու հրատարակել է «Հուշամատյան Մեծ Եղեռնի, 1915–1965» գիրքը (1965)։ Հայոց պատմություն և Հայաստանի պատմական աշխարհագրություն է դասավանդում Բեյրութի Երվանդ Հյուսիսյանի անվան հայագիտական ուսմանց հիմնարկությունում։

Թեքեյան մշակութային միության հիմնադիրներից և գործուն անդամներից է։

Երկեր

Մեծ երազի ճամբուն վրայ, 1964։
Խոհեր յիսնամյակի ավարտին. 1915-1965, 1966:
Հայկական հարցը արաբ ժողովրդի հանրային կարծիքի առջև, 1965 (արաբերեն)։
Յուշամատեան Մեծ եղեռնի. 1915-1965, 1965 (համահեղինակ)։

Աղբյուրներ

Գառնիկ Ստեփանյան, Կենսագրական բառարան, հատոր 1, Ե., «Հայաստան», 1973, էջ 61-62

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

Վիքիդարանն ունի նյութեր, որոնք վերաբերում են «Գերսամ Ահարոնյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 236)։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_5e5775e65518eefb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[1]