Արցախի 7-րդ գումարման Ազգային ժողովի ընտրություններ
2020 թվականի մարտի 31-ին Արցախում անցկացվեցին յոթերորդ գումարման խորհրդարանի ընտրությունները[1]։ 1991 թվականի անկախությունից հետո սրանք Արցախի Հանրապետությունում անցկացվող խորհրդարանական յոթերորդ ընտրություններն են։
Ընտրողների թիվ[խմբագրել | խմբագրել կոդը]
Արցախի ԿԸՀ նախագահ Սրբուհի Արզումանյանի հաղորդած տվյալների համաձայն ընտրողների ընդհանուր թվից՝ 104 350 քաղաքացիներից, 2020 թվականի մարտի 31-ին կայացած խորհրդարանական ընտրություններին մասնակցել է 76 712 մարդ։ Դա կազմում է ընտրողների ընդհանուր թվի 72.7 %-ը[2]։
Կորոնավիրուս և միջազգային դիտորդներ[խմբագրել | խմբագրել կոդը]
Կորոնավիրուսի տարածման սպառնալիքը նկատի ունենալով՝ իշխանությունները ձեռնարկել են կանխարգելիչ միջոցառումներ։ Մասնավորապես՝ հատուկ հեղուկով ախտահանում էին ընտրատեղամասերը, ընտրություններին մասնակցող բոլոր քաղաքացիներին, դիտորդներին, լրագրողներին և ընտրատեղամասերում ներկա գտնվող այլ անձանց բաժանվեցին անհատական բժշկական պաշտպանիչ միջոցներ։
Ընտրություններին ներկա գտնվելու համար հրավեր էին ստացել 38 երկրներից 140 դիտորդներ և 40 լրատվամիջոցների ներկայացուցիչներ, սակայն դիտորդական առաքելություն իրականացնելու համար Կենտրոնական ընտրական հանձնաժողովում հավատարմագրվել է տեղի և հայաստանյան 963 դիտորդ, լրատվամիջոցների 231 ներկայացուցիչ։
Միջազգային արձագանք[խմբագրել | խմբագրել կոդը]
ԵԱՀԿ Մինսկի խումբ[խմբագրել | խմբագրել կոդը]
Արցախում ընթացող ընտրություններին արձագանքել են ԵԱՀԿ Մինսկի խմբի համանախագահները նշելով, որ գիտություն են ընդունում այսպես կոչված «ընտրությունները», բայց նաև ընդգծում են, որ Լեռնային Ղարաբաղը չի ճանաչվել որպես անկախ և ինքնիշխան պետություն ո՛չ համանախագահ երկրների, ո՛չ էլ որևէ այլ պետության կողմից։ Հետևաբար համախագահները չեն ընդունում այդ «ընտրությունների» արդյունքները որպես Ղարաբաղի օրինական կարգավիճակի վրա ազդող գործոն, և ընդգծում են, որ արդյունքները չեն կարող որևէ կերպ կանխորոշել Ղարաբաղի վերջնական կարգավիճակը կամ ղարաբաղյան հակամարտության երկարատև և խաղաղ կարգավորման համար ընթացող բանակցությունների ելքը[3]։
Եվրամիություն[խմբագրել | խմբագրել կոդը]
Եվրամիության Արտաքին հարաբերությունների ծառայության խոսնակի թվիթթերյան պաշտոնական հայտարարությունում նշված էր «Այս քվեարկությունը չի կարող կանխորոշել Լեռնային Ղարաբաղի ապագա կարգավիճակի որոշումը կամ ազդել բանակցային գործընթացի արդյունքների վրա»[4]։ Պետք է նշել, որ ժամեր անց նշված գրառումը հեռացվեց Թվիթթերից։
Այլ պետություններ[խմբագրել | խմբագրել կոդը]
Արցախում կայացած նախագահական և խորհրդարանական ընտրությունների օրինականությունը չճանաչելու մասին հայտարարություններով հանդես են եկել Մոլդովան, Վրաստանը, Ուկրաինան, Ռումինիան, Մեծ Բրիտանիան, Գերմանիան, Կանադան, Իրանը, Թուրքիան, ինչպես նաև Եվրամիությունը, Եվրոպական խորհրդարանը, ՆԱՏՕ-ն, Թյուրքալեզու պետությունների համագործակցության խորհուրդը, Իսլամական համագործակցության կազմակերպությունը[5]։ Նշենք, որ այս երկրների մեծ մասը նմանատիպ հայտարարությամբ հանդես է եկել նաև 2012 թվականին Արցախում կայացած նախագահական ընտրությունների կապակցությամբ։ 2015 թվականի խորհրդարանական ընտրություններին միջազգային արձագանքն ավելի պասիվ էր (Եվրամիություն, ԱՄՆ և Թուրքիա)։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Յոթերորդ գումարման Խորհրդարանում ընդգրկված կլինեն քաղաքական 5 ուժեր». artsakhpress.am. 1 ապրիլի, 2020.
- ↑ ««Ժողովուրդ». Ինչ պատկեր է Արցախի ընտրություններում. նախնական արդյունքներ». NEWS.am. 01.04.2020.
- ↑ «Արցախում ընտրություններին մասնակցել է ընտրողների 72.7 տոկոսը». www.azatutyun.am. 2020 թ․ մարտի 31.
- ↑ «ԵՄ-ն չի ճանաչում Արցախի ընտրությունների «իրավական շրջանակը»». mediamax.am. 2020 թ․ մարտի 31.
- ↑ «Արցախում ընտրություններին միջազգային արձագանքը». armedia.am. 02.04.2020.
| ||||||||||||||||||
