Արչեր Հանթինգթոն

Արչեր Հանթինգթոն;
Ծնվել է	մարտի 10, 1870
Ծննդավայր	Նյու Յորք, Նյու Յորք, ԱՄՆ
Մահացել է	դեկտեմբերի 11, 1955 (85 տարեկան)
Մահվան վայր	Բեթել կամ Ռեդինգ
Քաղաքացիություն	ԱՄՆ
Մասնագիտություն	ձեռնարկատեր, բիբլիոֆիլ, գրող, բանաստեղծ, հնագետ և արվեստի կոլեկցիոներ
Ամուսին	Anna Hyatt Huntington?
Ծնողներ	հայր՝ Քոլիս Փոթեր Հանթինգթոն, մայր՝ Արաբելա Հանթինգթոն
Պարգևներ և ; մրցանակներ	Մադրիդի Կոմպլուտենսե համալսարանի պատվավոր դոկտոր և Samuel Finley Breese Morse Medal?
Անդամություն	Արվեստների և գիտությունների ամերիկյան ակադեմիա և Արվեստի և գրականության ամերիկյան ակադեմիա
	Archer M. Huntington Վիքիպահեստում

Արչեր Հանթինգթոն (անգլ.՝ Archer Milton Huntington, մարտի 10, 1870(1870-03-10)^[1]^[2], Նյու Յորք, Նյու Յորք, ԱՄՆ - դեկտեմբերի 11, 1955(1955-12-11)^[3]^[2], Բեթել և Ռեդինգ^[2]), ամերիկացի ձեռնարկատեր, արվեստի հովանավոր և բարեգործ։

Կենսագրություն[խմբագրել | խմբագրել կոդը]

Արչեր Հանթինգթոնը ծնվել է 1870 թվականի մարտի 10-ին Նյու Յորքում՝ Արաբել Հանթինգթոնի և Քոլիս Հանթինգթոնի ընտանիքում։

Դեռահաս տարիքում Արչերը հիացած էր իսպանական մշակույթով՝ ծնողների հետ Իսպանիայում և Մեքսիկայում ճանապարհորդելիս։ Նա սովորել է իսպաներեն և արաբերեն՝ այս մշակույթն ավելի լավ ճանաչելու համար։ 1904 թվականին հիմնել է Իսպանական հասարակությունը Ամերիկայում (անգլ.՝ Hispanic Society of America):

Լինելով հարուստ մարդ՝ նա կատարել է մեծ բարեգործական աշխատանքներ։ Եղել է Ամերիկյան արվեստի և գրականության ակադեմիայի և Ամերիկյան դրամագիտության հասարակության (անգլ.՝ American Numismatic Society) գլխավոր բարերարը։ 1932 թվականին նա հիմնադրել է Brookgreen Gardens քանդակագործական այգին Հարավային Կարոլինայի պահպանության տարածքում։ 1930 թվականին Վիրջինիա նահանգի Նյուպորտ Նյուս քաղաքում հիմնել է Ծովային թանգարան, որն աշխարհի ամենամեծ ծովային թանգարաններից մեկն է։ Մասնակցել է 1937 թվականին ԱՄՆ-ի բանաստեղծների համար Poets Laureate der Library of Congress մրցանակի ստեղծմանը։

Տասնամյակներ շարունակ Արչեր Հանթինգթոնը հավաքել է հնագույն մետաղադրամների հավաքածու, որոնց քանակը կազմում է գրեթե 38 հազար ցուցանմուշ և ունի եզակի նմուշներ։ 2012 թվականի փետրվարի 14-ին Sotheby's աճուրդի տունը ներկայացրել է 25-35 մլն դոլարի մասնագետների կողմից գնահատված հավաքածուն^[5]։

Բարեգործություն[խմբագրել | խմբագրել կոդը]

1936 թվականին Հանթինգթոնը հիմնել է հիմնադրամ, որը ամենամյա կրթաթոշակ է սահմանել Կոնգրեսի գրադարանում պոեզիայի գծով խորհրդատուի համար, որն այժմ պաշտոնապես համարվում է Կոնգրեսի գրադարանի պոեզիայի բանաստեղծ դափնեկիր։ 2006 թվականին կրթաթոշակը կազմել է տարեկան 40 000 դոլար, ներառյալ 35 000 դոլար աշխատավարձը և 5000 դոլար ճանապարհածախսը։

Անձնական կյանք[խմբագրել | խմբագրել կոդը]

Արչեր Հանթինգթոնն ամուսնացել է երկու անգամ^[6]․

1895 թվականի օգոստոսի 6-ին ամուսնացել է Հելեն Գեյթսի (անգլ.՝ Helen Manchester Gates)՝ Isaac Gates-ի և գրող Ellen Gates-ի դստեր հետ։ Հելենը նույնպես գրող էր։ Նրանք երեխաներ չունեին և ամուսնալուծվել են 1918 թվականին։
1923 թվականի մարտի 10-ին Արչերն ամուսնացել է քանդակագործ Աննա Հյաթի հետ։ Նրանք նույնպես երեխաներ չունեին։

Մահ[խմբագրել | խմբագրել կոդը]

Արչեր Հանթինգթոնը մահացել է 1955 թվականի դեկտեմբերի 11-ին, Նյու Յորքի Բրոնքս քաղաքում։ Թաղված է Woodlawn Cemetery գերեզմանատանը^[7]։

Ծանոթագրություններ[խմբագրել | խմբագրել կոդը]

↑ ^1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Diccionario biográfico español (իսպ.) — Real Academia de la Historia, 2011.
↑ ^3,0 ^3,1 ^3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ http://dgmweb.net/FGS/H/HuntingtonArcherMilton-HelenMGates-AnnaVHyatt.html
↑ Коллекция монет Арчера Хантингтона
↑ Archer Milton WORSHAM-HUNTINGTON: Helen Manchester GATES & Anna Vaughn HYATT(անգլ.)
↑ Archer Milton Huntington(անգլ.)

Արտաքին հղումներ[խմբագրել | խմբագրել կոդը]

Archer M. Huntington (1870-1955) (անգլ.)
Archer Milton Huntington Papers (անգլ.)

Վիքիպահեստն ունի նյութեր, որոնք վերաբերում են «Արչեր Հանթինգթոն» հոդվածին։

[_a5cc8bd7d73c5199-1] 1,0 ^1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_8722db93b9571b65-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Diccionario biográfico español (իսպ.) — Real Academia de la Historia, 2011.

[_5c080e08926274f5-3] 3,0 ^3,1 ^3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_505022db1be96b3f-4] ttp://dgmweb.net/FGS/H/HuntingtonArcherMilton-HelenMGates-AnnaVHyatt.html

[5] Коллекция монет Арчера Хантингтона

[6] Archer Milton WORSHAM-HUNTINGTON: Helen Manchester GATES & Anna Vaughn HYATT(անգլ.)

[7] Archer Milton Huntington(անգլ.)

[1]

[2]

[3]

[4]

[5]

[6]

[7]