Ասատուր Բալջյան

Ասատուր Բալջյան
Ծնվել է	օգոստոսի 10, 1982(1982-08-10) (42 տարեկան) Վաղարշապատ, Հայկական ԽՍՀ, ԽՍՀՄ
Մասնագիտություն	օպերային երգիչ
Երգչաձայն	բարիտոն
Գործիքներ	վոկալ
Կրթություն	Երևանի Կոմիտասի անվան պետական կոնսերվատորիա
Պարգևներ	Հայաստանի նախագահի երիտասարդական մրցանակ

Ասատուր Հարությունի Բալջյան (օգոստոսի 10, 1982(1982-08-10), Վաղարշապատ, Հայկական ԽՍՀ, ԽՍՀՄ), հայ օպերային երգիչ, բարիտոն։ Հայաստանի Նախագահի երիտասարդական մրցանակակիր (2008)։

Կենսագրություն

Ասատուր Բալջյանը ծնվել է 1982 թվականի օգոստոսի 10-ին, Էջմիածնում։ Սովորել է Երևանի Կոմիտասի անվան պետական կոնսերվատորիայում (պրոֆեսոր Վալերի Հարությունյանի դասարան), այնուհետև ուսումը շարունակել է Թել Ավիվի Buchmann-Mehta School of Music-ում (պրոֆեսոր Թամար Ռախումի դասարան)։ Ուսման նպատակով տեղափոխվել է Գերմանիա և վերապատրաստվել Lotte Lehmann Akademie-ում (Քարան Ամսթրոնգի դասարան)։ Բեռլինում նաև երկու տարի վոկալ պատրաստություն է անցել պրոֆեսոր Լավինյա Քերեքեշի դասարանում։ Գերմանիայից իր հետ Հայաստան է բերել գերմանացի կոմպոզիտոր Յոհան Ադոլֆ Հասսեի "Տիգրան Մեծ" և "Զենոբիա" օպերաների անտիպ պարտիտուրաները և աշխարհահռչակ մեցցո֊սոպրանո և կոմպոզիտոր Քեթրի Բերբերյանի արխիվը։

2006-2008 թվականներին եղել է Մայր Աթոռ Սուրբ Էջմիածնի երգչախմբի անդամ, 2007-2008 թվականներին` Կամերային երաժշտական թատրոնի դերասան, 2007-2009 թվականներին՝ Օպերային թատրոնի մեներգիչ, 2009-2012 թվականներին` Երուսաղեմի հայոց պատրիարքարանի Սուրբ Հակոբյանց մայրավանքի դպրապետ, ժառանգավորաց վարժարանի եկեղեցական երաժշտության ուսուցիչ, 2012-2017 թվականներին՝ Գերմանիայի հայոց թեմի երաժշտապետ, սարկավագ (Սաքսոն-Անհալտ երկրամաս)։ 2018-2021 թվականներին` Հայաստանի պետական ֆիլհարմոնիայի գեղարվեստական ծրագրերի ղեկավար։ 2022 թվականից ապրում և ստեղծագործում է Բոստոնում։ Հանդիսանում է Ուոթերթաունի (ԱՄՆ) Ս. Հակոբ հայկական եկեղեցու դպրապետն ու ավագ սարկավագը։ Համերգներով հանդես է եկել Շվեյցարիայում, Բելգիայում, Հոլանդիայում, Իսրայելում , Ռուսաստանի դաշնությունում , Հնդկաստանում, Միացյալ Արաբական Էմիրություններում, Ղազախստանում, Գերմանիայի Դեմոկրատական Հանրապետությունում, Այժմ համերգային ակտիվ գործունեություն է իրականացնում ԱՄՆում։

Դերերգեր

Հեղինակ	Բեմադրիչ	Ստեղծագործություն	Դերերգ
Ալեքսանդր Սպենդիարյան	Գեորգի Իսահակյան	«Ալմաստ օպերա»	Թաթուլ
Լեհար		«Ուրախ այրին» օպերետ	Կոմս Դանիլո
Էդուարդ Սադոյան	Դավիդ Հակոբյան	Հեյ, ո՞վ կա այդտեղ	տղա
Հիմնվելով Անլռելի Զանգակատուն պոեմի և Կոմիտասյան մեղեդիների վրա	Մարիամ Պիվազյան	Կոմիտասյան պատարագ	Կոմիտաս

Պարգևներ, մրցանակներ

• Վիթենբերգ քաղաքի ամենամյա երաժշտական խաղերի հաղթող, Գերմանիա, 2012
• Տարվա լավագույն արտիստ, Չելյաբինսկ, ՌԴ, 2008
• ՀՀ Նախագահի երիտասարդական մրցանակ, 2008

Աղբյուրներ

1. https://boghossianprize.am/hy/379 Արխիվացված 2022-07-16 Wayback Machine
2. https://www.panorama.am/am/news/2008/05/26/mrcanak1/1325727
3. https://www.aravot.am/2018/06/15/964087/
4. https://zarkfoundation.com/library/%d5%a1%d5%bd%d5%a1%d5%bf%d5%b8%d6%82%d6%80-%d5%a2%d5%a1%d5%ac%d5%bb%d5%b5%d5%a1%d5%b6/

Արտաքին հղումներ

• Von Haydn bis zur Gegenwart, ein Konzert mit Artak Kirakosyan und Asatur Baljyanin in der jüdischen Gemeinde zu Berlin
• Lotte Lehmann Woche ganz international: Start am Freitag
• Ասատուր Բալջյանի կատարումներից youtube.com կայքում
• Ասատուր Բալջյան, 2008 թ., Բարձր կատարողական արվեստի համար Արխիվացված 2022-07-16 Wayback Machine