Ամալի Մատերնա
| Ամալի Մատերնա | |
|---|---|
 | |
| Ի ծնե անուն | ֆր.՝ Amalie Friedrich-Materna |
| Ծնվել է | հուլիսի 10, 1844[1] Sankt Georgen an der Stiefing, Լայբնից, Շտիրիա |
| Երկիր |  Ավստրո-Հունգարիա |
| Մահացել է | հունվարի 18, 1918[1] (73 տարեկան) Վիեննա, Ավստրո-Հունգարիա[2] |
| Գերեզման | Վիենայի կենտրոնական գերեզմանատուն |
| Ժանրեր | օպերա |
| Մասնագիտություն | օպերային երգչուհի |
| Երգչաձայն | սոպրանո |
| Գործիքներ | վոկալ |
| Աշխատավայր | Վիեննայի պետական օպերա |
 Amalie Materna Վիքիպահեստում | |
Ամալի Մատերնա (անգլ.՝ Amalie Materna, ի ծնե` Ամալիա, ավելի ուշ` Ամալի Ֆրիդրիխ-Մատերնա, հուլիսի 10, 1844[1], Sankt Georgen an der Stiefing, Լայբնից, Շտիրիա - հունվարի 18, 1918[1], Վիեննա, Ավստրո-Հունգարիա[2]), օպերայի ավստրիացի սոպրանո։ Երեք տասնամյակ տևած իր կարիերայի ընթացքում նա աչքի է ընկել իր հայտնի հզոր ձայնով։ Նա լավագույնս հիշվում է Ռիչարդ Վագների մի քանի օպերաներում մարմնավորած իր կերպարների համար։
Կարիերա
[խմբագրել | խմբագրել կոդը]Օպերայում իր պրոֆեսիոնալ դեբյուտը Մատերնան սկսել է 1865 թվականին, Գրացի Թալիա թատրոնում։ Հետո նա ամուսնացել է դերասան Կառլ Ֆրիդրիխի հետ և նրա հետ Վիեննայի մոտ գտնվող արվարձանների թատրոններում և Վիեննայի Կարլի թատրոնում մասնակցել է օպերետների բեմադրությունների։ Վիեննայի պետական օպերայում իր իր դեբյուտն է նշել 1869 թվականին՝ L'Africaine օպերայում երգելով Սելիկայի դերը։ Լայնորեն ընդունվելով` Մատերնան հաջորդ 25 տարիների ընթացքում պարբերաբար հանդես է եկել Վիեննայում։ Նրա նշանակալի դերերից են 1874 թվականին Աիդա օպերայի առաջին բեմադրության մեջ Ամներիսի դերը և Կարլ Գոլդմարկի Die Königin von Saba օպերայում գլխավոր դերը (1875 թվական, մարտի 10)։
Մատերնան ամենալայն ընդունելություն է գտել Վագների օպերաներում իր խաղացած դերերի համար։ Նա կատարել է Բրունհիլդայի դերը Նիբելունգի մատանին օպերայի 1876 թվականին բայրոյթյան բեմադրությունում, Վիեննայում մասնակցել է նաև Վալկիրիայի (1877) և Զիգֆրիդ (1878) օպերաների պրեմիերաներին, ինչպես նաև` Նիբելունգի մատանին օպերայի բեռլինյան առաջնախաղին (1881)։ 1882 թվականին նա Բայրոյթում Քանդրիի դերն է մարմնավորել Պարսիֆալ օպերայում` կրկնելով այս դերն ամեն տարի մինչև 1891 թվականը։
1884 թվականին Մատերնան Հերման Վինկելմաննի ու Էմիլ Սկարիայի հետ ճամփորդել է դեպի ԱՄՆ։ 1885 թվականի հունվարի 5-ին Մետրոպոլիտեն օպերայում իր դեբյուտն է նշել` Տանհոյզեր օպերայում խաղալով Էլիզաբեթի դերը։ Այս թատրոնում նրա խաղացած այլ դերերից են Վալենտինայի դերը Հուգենոտներ օպերայում, Ռաքելի դերը La juive-ում և Բրունհիլդայի դերը Վալկիրայում։ The New York Times-ի հեղինակը գրելով երգչուհու մասին` նրա Բրունհիլդայի դերը բնութագրել է որպես «համաշխարհային հռչակ բերող դեր` նրա խորը զգացմունքներով, արտահայտիչ երանգներով և մոգական արտաքինով...»[3]:
Երգչուհին Վիեննա է վերադարձել 1885 թվականին և հաջորդ ինը տարիների ընթացքում հանդես է եկել մի շարք բեմադրություններում։ Նրա վերջին բեմադրությունը Վիեննայում եղել է 1894 թվականի դեկտեմբերի 31-ին։ Աշխատանքից հեռանալուց հետո նա երգեցողություն է դասավանդել Վիեննայում, որտեղ իր վերջին հանրային ելույթն է ունեցել 1913 թվականին՝ Քանդրիի դերը երգելով Վագների ծննդյան օրվա հիշատակի միջոցառմանը։
Խաղացած դերերի պատկերասրահ
[խմբագրել | խմբագրել կոդը] |
 |
_IL.jpg) |
 |
 |
 |
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 Deutsche Nationalbibliothek Record #116824174 // Gemeinsame Normdatei (գերմ.) — 2012—2016.
- ↑ Henderson, W. J. «Met Performance CID:3450 – Die Walküre {1} Metropolitan Opera House: 01/30/1885». MetOpera Database.
Աղբյուրներ
[խմբագրել | խմբագրել կոդը]- Elizabeth Forbes: "Amalie Materna", Grove Music Online ed. L. Macy (Accessed October 20, 2008), (subscription access)Արխիվացված 2008-05-16 Wayback Machine
- Bio at Great Singers of the Past
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Ամալի Մատերնա» հոդվածին։ |
| ||||||||||
