Airbnb
| Airbnb | |
|---|---|
 | |
 | |
| Տեսակ | բիզնես ձեռնարկություն, կայք, ձեռնարկություն և հանրային ընկերություն |
| Երկիր |  ԱՄՆ[1] |
| Հիմնադրված | 2008[2] |
| Գլխադասային գրասենյակ | Նյու Յորք, ԱՄՆ և Սան Ֆրանցիսկո, Կալիֆոռնիա, ԱՄՆ[3] |
| Անձնակազմ | 5597 մարդ (դեկտեմբերի 31, 2020)[4] |
| Հիմնադիր | Բրայան Չեսքի, Joe Gebbia? և Nathan Blecharczyk? |
| Կայք | airbnb.com airbnb.com.tr |
Airbnb (հայերեն՝ «Էյրբիէնբի»[5]), օնլայն հարթակ` ամբողջ աշխարհում կարճաժամկետ վարձակալության, մասնավոր բնակարաններ առաջարկելու և գտնելու համար։
Կոնցեպցիա[խմբագրել | խմբագրել կոդը]
Airbnb-ից օգտվողները հնարավորություն ունեն ճանապարհորդներին վարձակալությամբ տրամադրել իրենց բնակարանն ամբողջությամբ կամ մասնակի։ Կայքը հարթակ է տրամադրում տանտիրոջ ու հյուրի միջև կապի հաստատման համար, ինչպես նաև` պատասխանատու է փոխհամաձայնության համար։ Airbnb-ն կացարան է առաջարկում աշխարհի 65.000 քաղաքներում 191 երկրից։ 2008 թվականի օգոստոսին հիմնադրումից հետո[6] մինչև 2017 թվականի ապրիլ Airbnb կայքի միջոցով կացարան է գտել ավելի քան 150 միլիոն մարդ։ Իր գործունեության համար կայքը վերցնում է որոշակի տոկոս` տանտիրոջից գումարի 3 տոկոսը, իսկ պատվիրողից` 6-12 տոկոսը (ըստ 2017 թվականի ապրիլի տվյալների)[7]։
Պատմություն[խմբագրել | խմբագրել կոդը]
Airbnb-ն (ի սկզբանե` AirBed&Breakfast[8], «փչած ներքնակ և նախաճաշ») հիմնադրվել է 2008 թվականի օգոստոսին, Սան Ֆրանցիսկոյում։ Դրա հիմնադիրները Բրայան Չեսքին, Ջո Գեբբիան և Նեյթան Բլեչարզիկն են։ Ի սկզբանե ֆինանսավորումն ստացվում էր Y Combinator բիզնես-ինկուբատորից։ Ավելի ուշ Greylock Partners-ը, Sequoia Capital-ն և Էշթոն Քաթչերը նույնպես ներդրում են կատարել ընկերությունում[9][10]։
Հիմնադրումից մինչև 2017 թվականի ապրիլ նախագծում կատարվել է մոտ 3.4 միլիարդ դոլար ներդրում։ Ներդրողներից մեկը դարձել է ռուս գործարար Յուրի Միլների DST Global հիմնադրամը[7]։
Բացի Սան Ֆրանցիսկոյի գլխամասից, ընկերությունն ունի 10 տարածաշրջանային գրասենյակներ Բարսելոնայում, Բեռլինում, Համբուրգում, Կոպենհագենում, Լոնդոնում, Միլանում, Փարիզում, Սան Պաուլոյում, Սինգապուրում և Սիդնեյում[11]։
Անվտանգություն[խմբագրել | խմբագրել կոդը]
Airbnb-ի օգտագործողների պրոֆիլները (ինչպես հյուրերինը, այնպես էլ` հյուրընկալներինը) պարունակում են վարկանիշ, խորհուրդներ և ակնարկներ, որոնք թողնում են այլ օգտատերեր։ Օգտատերերի անձը կարող է հաստատվել սոցիալական ցանցերում պրոֆիլների միջոցով։ Կայքը հնարավոորություն է տալիս տանտիրոջն ու պոտենցիալ հյուրին առանձին շփվել` պատվերն իրականացնելուց առաջ[12]։
Պատվիրման համար վճարումը կատարվում է Airbnb կայքի միջոցով, գումարը պահվում է ընկերության կողմից 24 ժամ` հնարավորություն տալով հյուրին համոզվել, որ կացարանը համապատասխանում է նկարագրությանն ու լուսանկարներներին, որից հետո միայն գումարը փոխանցվում է տանտիրոջը[13]։
Այցելությունն ավարտելուց հետո հյուրն ու տանտերը կարծիք են թողնում միմյանց մասին և գնահատում են իրար` ըստ որոշակի չափանիշների, ինչն արդյունքում ձևավորում է նրանց երկուսի վարկանիշը։ Առցանց վարկանիշի կառավարման նմանատիպ համակարգ է օգտաործում նաև Իբէյ ինտերնետ աճուրդը։
Ծանոթագրություններ[խմբագրել | խմբագրել կոդը]
- ↑ CrunchBase — 2007.
- ↑ https://www.airbnb.com/about/about-us
- ↑ Fortune.com unicorn list — 2016.
- ↑ Airbnb Annual Report 2020 10-K
- ↑ «ОКПО 38337959 ООО "ЭЙРБИЭНБИ РАША"»։ Արխիվացված է օրիգինալից 2020-06-26-ին։ Վերցված է 2020-06-23
- ↑ Об Airbnb
- ↑ 7,0 7,1 Роман Рожков. Airbnb отказалась от российской прописки // Коммерсантъ, № 62 (6056), 11 апреля 2017
- ↑ «AirBed And Breakfast Takes Pad Crashing To A Whole New Level» (անգլերեն)։ techcrunch.com։ Aug 11, 2008
- ↑ blog.airbnb.com: No, We’re Not Punking You – Ashton Joins the Airbnb Team!
- ↑ crunchbase.com: Airbnb
- ↑ Locations | Jobs at Airbnb
- ↑ airbnb.ru: Доверие и безопасность на Airbnb
- ↑ airbnb.ru: Как работает платежная система Airbnb?
| ||||||||||||||
