Ֆերենց Հելբինգ

Ֆերենց Հելբինգ; հունգ.՝ Helbing Ferenc
Ծնվել է	դեկտեմբերի 25, 1870
Ծննդավայր	Նովե Զամկի, Սլովակիա
Վախճանվել է	հունվարի 28, 1958 (87 տարեկան)
Մահվան վայր	Բուդապեշտ, Հունգարական Ժողովրդական Հանրապետություն
Քաղաքացիություն	Հունգարիա
Մասնագիտություն	գրաֆիկական դիզայներ, նկարիչ և վիմագրող
	Ferenc Helbing Վիքիպահեստում

Ֆերենց Հելբինգ (հունգ.՝ Helbing Ferenc, դեկտեմբերի 25, 1870(1870-12-25)^[1], Նովե Զամկի, Սլովակիա - հունվարի 28, 1958(1958-01-28)^[1], Բուդապեշտ, Հունգարական Ժողովրդական Հանրապետություն), հունգարացի գրաֆիկական նկարիչ, վիմագիր, գեղանկարիչ, պատկերազարդող, մանկավարժ։

Կենսագրություն

Ֆերենց Հելբինգի որմնանկարը Միշկոլցի հյուրանոցում

1892 թվականին Ֆերենցը սկսել է գեղարվեստական գործունեությունը։ Սկզբում զբաղվել է վիմագրությամբ, այնուհետև ուսումնասիրել է գրաֆիկան և կիրառական արվեստ, աշխատել է տպարանում^[2]^[3]։

Հետագայում նա զբաղվել է գրաֆիկական ձևավորմամբ և պատրաստել մի քանի խոշոր պաստառ կլասիցիզմի և էկլեկտիզմի ոճով՝ օգտագործելով պլաստմասսա, դասական ձևավորում և ոսկյա կամ ներկված ֆոներ։

1906 թվականից Հելբինգը դասավանդել է գրաֆիկայի դպրոցում, այնուհետև կիրառական արվեստի դպրոցում (1910 թվականից) և Գեղարվեստի ակադեմիայում (մինչև 1936 թվականը)^[4]։ 1927-1936 թվականներին ղեկավարել է կերպարվեստի դպրոցը։

Ժամանակի ընթացքում մշակել է սեփական գրաֆիկական ոճը, ինչի շնորհիվ դարձել է հունգարական կերպարվեստի առավել հայտնի ներկայացուցիչներից մեկը, եղել է հունգարական առևտրային գրաֆիկայի առաջնամարտիկը։

Եղել է նաև գրքի նկարազարդող, գեղանկարիչ, բազմաթիվ պաստառների, փոստային նամականիշների հեղինակ։ Նա ստեղծել է վիտրաժներ և ֆրեսկոներ (օրինակ՝ Լիլաֆյուրեդի Palace Hotel-ում, Միշկոլցի հյուրանոցում)։

Նրա հեքիաթային, մոդեռն ոճի խորհրդանշական ստեղծագործությունները նման են Վիեննական սեցեսսիոնիզմի ավստրիացի և հունգարացի վարպետների աշխատանքներին։ Նրա որոշ գործեր բավականին էրոտիկ են, ներկայացնում են դիվային կնոջ իդեալական կերպարը, ինչը շատ տարածված էր այդ ժամանակաշրջանում։ Իր գրաֆիկական աշխատանքների, նկարազարդումների, գրքապիտակների, էքսլիբրիսների մեջ նկարիչը հաճախ է օգտագործել ճոխ զարդարանքներ և ծաղկային մոտիվներ։ Նա նկարել և ձևավորել է բազմաթիվ հունգարական թղթադրամներ։

Ֆերենց Հելբինգը մի քանի արդյունաբերական և տպագրական մրցույթների մասնակից է, կիրառական արվեստի և գրաֆիկայի բնագավառում բազմաթիվ հունգարական և արտասահմանյան մրցանակների դափնեկիր։ Նրա որոշ աշխատանքներ այժմ կարելի է տեսնել Հունգարիայի ազգային պատկերասրահում։

Ծանոթագրություններ

↑ ^1,0 ^1,1 ^1,2 ^1,3 ^1,4 SNAC — 2010.
↑ Томкович Е. А. Домашняя литография. Руководство по автографии и перепечатыванию для канцелярий. — СПб.,1893
↑ Справочник полиграфиста — A
↑ Новый энциклопедический словарь изобразительного искусства. — Т. V, 2006. — С. 114

Արտաքին հղումներ

Helbing Ferenc(հունգարերեն)

Վիքիպահեստն ունի նյութեր, որոնք վերաբերում են «Ֆերենց Հելբինգ» հոդվածին։

[_eedd0483dfd4f435-1] 1,0 ^1,1 ^1,2 ^1,3 ^1,4 SNAC — 2010.

[2] Томкович Е. А. Домашняя литография. Руководство по автографии и перепечатыванию для канцелярий. — СПб.,1893

[3] Справочник полиграфиста — A

[4] Новый энциклопедический словарь изобразительного искусства. — Т. V, 2006. — С. 114

[1]

[2]

[3]

[4]