Քրիստափոր Քուշնարյան

Քրիստափոր Քուշնարյան
Հիմնական տվյալներ
Ծնվել է	1890, մայիսի 23 (հունիսի 4) ; Սիմֆերոպոլ
Երկիր	Ռուսական կայսրություն և ԽՍՀՄ
Մահացել է	1960, հունվարի 25; Լենինգրադ, ՌԽՖՍՀ, ԽՍՀՄ
Մասնագիտություն	կոմպոզիտոր,; երաժիշտ-տեսաբան, ; մանկավարժ
Աշխատավայր	Սանկտ Պետերբուրգի կոնսերվատորիա
Կրթություն	Սանկտ Պետերբուրգի համալսարանի ֆիզիկամաթեմատիկական ֆակուլտետ (1916) և Սանկտ Պետերբուրգի կոնսերվատորիա (1925)
Պարգևներ	; և

Քրիստափոր Ստեփանի Քուշնարյան (Կուշնարյով) (հունիսի 4, 1890(1890-06-04)^[2] կամ մայիսի 23, 1890(1890-05-23), Սիմֆերոպոլ, Ռուսական կայսրություն^[1] - հունվարի 25, 1960(1960-01-25)^[1]^[2], Լենինգրադ, ՌԽՖՍՀ, ԽՍՀՄ^[1]), հայ կոմպոզիտոր, երաժիշտ-տեսաբան, մանկավարժ։ Պրոֆեսոր (1939)։ ՀԽՍՀ (1939) և Ուզբեկական ԽՍՀ (1943) արվեստի վաստակավոր գործիչ։

Կենսագրություն

1916 թվականին ավարտել է Պետրոգրադի համալսարանի բնագիտության բաժանմունքը, 1925 թվականին՝ Լենինգրադի կոնսերվատորիան։ 1918-1923 թվականներին դասավանդել է Թիֆլիսի երաժշտական ինստիտուտում, 1925 թվականից՝ Լենինգրադի կոնսերվատորիայում։ 1927 և 1929 թվականներին ղեկավարել է Լենինգրադի թատրոնի և երաժշտության ինստիտուտի՝ Հայաստանում ժողովրդական երգեր հավաքող գիտարշավները։ 1944-1949 թվականներին՝ ՀԽՍՀ ԳԱ արվեստի պատմության և տեսության բաժանմունքի գիտաշխատող ու վարիչ, միաժամանակ դասավանդել է Երևանի կոնսերվատորիայում^[3]։

Երևանում գործում է Քրիստափոր Քուշնարյանի անվան արվեստի դպրոց։

Ստեղծագործական ուղի

Քուշնարյանը հետազոտել է Վերածննդի դարաշրջանի երաժշտության ոճական գործը, զարգացրել ձայնակարգի և բազմաձայնության մասին ուսմունքները, մշակել մոնոդիայի տեսությունը, պարզաբանել հայկական երաժշտության ծագման ու զարգացման ընթացքը։

Շարունակել է Կոմիտասի տեսության դրույթները. նշանակալի ներդրում ունի հայ մոնոդիկ երաժշտության ուսումնասիրման բնագավառում։ Գրել է երգեհոնի սոնատ, Պասակալիա և Ֆուգա, թավջութակի մենանվագ սոնատ, խմբերգեր, թատերական երաժշտություն։

Երկեր

Հայ երաժշտությունը ծագումից մինչև XIX դարը, տես «Ակնարկ հայ երաժշտության պատմության» գրքում, Ե., 1963։
Вопросы истории и теории армянской монодической музыки, Л., 1958.

Գրականություն

Քրիստափոր Քուշնարյան, Ե., 2003
Х. С. Кушнарев. Статьи. Воспоминания. Материалы, М.-Л., 1967
Чеботарян Г., Х. С. Кушнарев։ Очерк жизни и творчества, Л., 1990.

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 Кушнарёв Христофор Степанович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

Վիքիդարանն ունի նյութեր, որոնք վերաբերում են «Քրիստափոր Քուշնարյան» հոդվածին։

[_be8e186e9685dd20-1] 1,0 ^1,1 ^1,2 ^1,3 ^1,4 ^1,5 ^1,6 Кушнарёв Христофор Степанович // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_31f598f388da14a6-2] 2,0 ^2,1 ^2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[3] Ով ով է. Հայեր. Կենսագրական հանրագիտարան, հատոր երկրորդ, Երևան, 2007.

[1]

[2]

[3]