Քուրտ Էնգլ

Քուրտ Էնգլ
Անձնական տեղեկություն
Սեռ՝	արական
Բնօրինակ անուն՝	անգլ.՝ Kurt Angle
Մասնագիտացում՝	պրոֆեսիոնալ ըմբշամարտիկ (ռեստլեր) և ըմբիշ
Երկիր՝	ԱՄՆ
Ծննդյան ամսաթիվ՝	դեկտեմբերի 9, 1968 (55 տարեկան)
Ծննդավայր՝	Մաունթ Լեբանոն, Փենսիլվանիա, ԱՄՆ
Հասակ՝	183 սանտիմետր
Քաշ՝	100 կիլոգրամ
Տղամարդկանց ազատ ոճի ըմբշամարտ
Ներկայացնում էր՝ ԱՄՆ
Օլիմպիական խաղեր
Աշխարհի առաջնություններ
Աշխարհի գավաթ

Քուրտ Էնգլ
Kurt Angle
Քուրտ Էնգլ; Kurt Angle
	Էնգլը 2024 թվականին
Իրական անուն	Քուրտ Սթիվեն Էնգլ; Kurt Steven Angle
Ռինգային անուն(ներ)	Քուրտ Էնգլ
Ընդհանուր տեղեկություններ
Իրական քաշ	110 կգ
Իրական հասակ	1,83 մ
Ծննդյան թվական	դեկտեմբերի 9, 1968 (55 տարեկան)
Ծննդավայր	Մաունթ Լեբանոն, Փենսիլվանիա, ԱՄՆ
Ապրելավայր	Պիցբուրգ, Փենսիլվանիա, ԱՄՆ
Մարզիչ	Դեյվ Շուլց; Դորի Ֆանկ կրտսեր; Թոմ Փրիչարդ
Դեբյուտ	Հոկտեմբերի 15, 1998
Ամուսին	Քերեն Ջարեթ (1998–2008); Ջովանա Էնգլ (2012-այժմ)
Երեխաներ	4

Քուրտ Սթիվեն Էնգլ (անգլ.՝ Kurt Steven Angle, դեկտեմբերի 9, 1968(1968-12-09), Մաունթ Լեբանոն, Ալեգինի շրջան, Փենսիլվանիա, ԱՄՆ), ամերիկացի նախկին օլիմպիական և պրոֆեսիոնալ ըմբշամարտիկ (ռեստլեր), դերասան, ըմբշամարտի աշխարհի (1995) և օլիմպիական խաղերի ոսկե մեդալակիր (1996), TNA (2013) և WWE փառքի սրահների անդամ (2017)։

Օլիմպիական ըմբշամարտով սկսել է զբաղվել յոթ տարեկանից^[3]։ Դպրոցն ավարտելուց հետո սպորտային կրթաթոշակով հանդես է եկել Փենսիլվանիայի համալսարանում (Կլարիոն)։ Համալսարանային տարիներին արժանացել է բազմաթիվ տիտղոսների, այդ թվում երկու անգամ ճանաչվել է NCAA I դիվիզիայի ծանրքաշային չեմպիոն։ Համալսարանը մանկավարժի բակալավրի աստիճանով ավարտելուց հետո հանդես է եկել Միացյալ Նահանգների ըմբշամարտի հավաքականում՝ 1995 թվականի աշխարհի առաջնության 100 կգ քաշային կարգում նվաճելով ազատ ոճի ըմբշամարտի ոսկե մեդալ, իսկ մեկ տարի անց՝ նվաճելով օլիմպիական ոսկե մեդալ՝ 1996 թվականի Ատլանտայի ամառային օլիմպիական խաղերում։

Ռեստլինգի արդյունաբերությունում առաջին անգամ հանդես է եկել 1996 թվականին, իսկ ռինգային դեբյուտն իրականացրել 1998-ին։ 1999 թվականին պայմանագիր է կնքել «World Wrestling Federation» (WWF, այժմ՝ WWE) կազմակերպության հետ։ Առաջին սցենարային առաջընթացը գրանցել է 2000 թվականին՝ միաժամանակ պահելով WWF Եվրոպայի և WWF միջմայրցամաքային տիտղոսները, իսկ տարեվերջին նվաճելով WWF չեմպիոնական տիտղոսը։

«WWE»-ում ելույթներ ունենալու տարիներին (1998-2006) ընդհանուր առմամբ վեց անգամ ճանաչվել է աշխարհի չեմպիոն (չորս անգամ WWF/E, մեկ անգամ՝ Աշխարհի ծանրքաշային և մեկ անգամ՝ WCW չեմպիոն), ինչպես նաև մեկական անգամներ նվաճել WWE Միացյալ Նահանգների, WWE Եվրոպայի և WWE թիմային չեմպիոնական տիտղոսները։

«WWE»-ից հեռանալուց հետո սկսել է հանդես գալ «Total Nonstop Action Wrestling» (TNA) կազմակերպությունում, որտեղ ելույթներ ունենալու տարիներին ռեկորդային վեց անգամ նվաճել է TNA աշխարհի ծանրքաշային տիտղոսը, ինչպես նաև երկու անգամ դարձել TNA աշխարհի թիմային, և մեկ անգամ՝ TNA Իքս-դիվիզիոնի չեմպիոն։ Համագործակցության շրջանակներում ելույթներ է ունեցել նաև ճապոնական «New Japan Pro Wrestling»-ում (NJPW) և «Inoki Genome Federation»-ում (IGF)՝ մեկ անգամ ճանաչվելով IWGP ծանրքաշային չեմպիոն։

«WWE»-ում, «TNA»-ում և ճապոնական առաջնություններում ելույթներ ունենալով ընդհանուր առմամբ նվաճել է 21 չեմպիոնական տիտղոս, որոնցից 13-ը՝ ծանրքաշային, ընդ որում՝ միակ ռեստլերն է, ում հաջողվել է տիրել թե WWE, թե՛ TNA, և թե՛ IWGP ծանրքաշային տիտղոսներին։ 2013 թվականին առաջադրվել է TNA, իսկ 2017 թվականին՝ WWE փառքի սրահ։

Ծանոթագրություններ

↑ «Էջը TNAwrestling.com կայքում». TNA Wrestling. Արխիվացված է օրիգինալից 2013 թ․ օգոստոսի 29-ին. Վերցված է 2007 թ․ հոկտեմբերի 11-ին.
↑ Միլներ, Ջոն; Կամչեն, Ռիչարդ. «Քուրտ ԷՆգլ». «Slam! Sports». «Canadian Online Explorer». Արխիվացված է օրիգինալից 2012 թ․ հուլիսի 13-ին. Վերցված է 2011 թ․ սեպտեմբերի 20-ին.
↑ Էնգլ, Քուրտ (2001 թ․ սեպտեմբերի 18). It's true, it's true (Hardcover ed.). HarperEntertainment. էջ 13. ISBN 0-06-039327-0.

Արտաքին հղումներ

Պաշտոնական կայք Արխիվացված 2020-08-11 Wayback Machine(անգլ.)
Էջը WWE.com կայքում(անգլ.)
TNAWrestling.com կայքում Արխիվացված 2012-01-20 Wayback Machine(անգլ.)
Էջը Ըմշամարտի համազգային փառքի սրահի կայքում Արխիվացված 2009-08-26 Wayback Machine(անգլ.)

Վիքիպահեստն ունի նյութեր, որոնք վերաբերում են «Քուրտ Էնգլ» հոդվածին։

[TNA-Bio-1] «Էջը TNAwrestling.com կայքում». TNA Wrestling. Արխիվացված է օրիգինալից 2013 թ․ օգոստոսի 29-ին. Վերցված է 2007 թ․ հոկտեմբերի 11-ին.

[KurtAngleCanoe-2] Միլներ, Ջոն; Կամչեն, Ռիչարդ. «Քուրտ ԷՆգլ». «Slam! Sports». «Canadian Online Explorer». Արխիվացված է օրիգինալից 2012 թ․ հուլիսի 13-ին. Վերցված է 2011 թ․ սեպտեմբերի 20-ին.

[3] Էնգլ, Քուրտ (2001 թ․ սեպտեմբերի 18). It's true, it's true (Hardcover ed.). HarperEntertainment. էջ 13. ISBN 0-06-039327-0.

[1]

[2]

[3]