Քիմ Ուեյանսը ծնվել և մեծացել է Նյու Յորքում, սոցիալական աշխատողի և սուպերմարկետի մենեջերի ընտանիքում[2]։ Նրա եղբայրներ Դեյմոն Ուեյանսը, Կինեն Այվորն Ուեյանսը, Մառլոն Ուեյանսն ու Շոն Ուեյանսը նույնպես դերասաններ են[3]։ Քիմն ավարտել է Ուեսլեյան համալսարանը։
Ուեյանսն առաջին անգամ հեռուստատեսությունում հայտնվեց «Այլ աշխարհ» սիթքոմի շրջանակներում։ 1990 թվականից մինչև 1994 թվականը նա նկարահանվեց Fox In Living Color սկետչ-շոուում, որտեղ նմանակեց այնպիսի հայտնի աստղերի, ինչպիսիք են Ուիթնի Հյուսթոնը, Վանեսա Ուիլյամսը, Օփրա Ուինֆրին, Թինա Թերները, Տելմա Հոպկինսը և Էսթեր Լորրին։ 1990-ական թվականներից նա նկարահանվել է «Տանը» սիթքոմում։ 2000-ական թվականների սկզբում Ուեյանսը՝ որպես պրոդյուսեր, աշխատել է «Իմ կինն ու երեխաները» սիթքոմում, որտեղ նկարահանվել է նրա եղբայր Դեյմոն Ուեյանսը։
2011 թվականին Քիմը մարմնավորել է դրամատիկ մոր կերպար, ով փորձում է հասկանալ իր տասնյոթամյա աղջիկ-լեզբուհուն (Օդիպերո Օդույե)` «Լքյալը» ֆիլմում։ Քիմը բարձր գնահատականի արժանացավ կինոկատակերգությունիցդրամա փայլուն անցման համար[4]։ 2014 թվականին նա նկարահանվեց «Խելացնոր» սերիալում, որը առաջին եթերաշրջանից հետո շարունակություն չունեցավ[5]։