Փախուստ հավաբնից

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Փախուստ հավաբնից
անգլ.՝ Chicken Run
Փախուստ հավաբնից.jpg
Տեսակպլաստիլինային անիմացիոն ֆիլմ և լիամետրաժ ֆիլմ
Ժանրֆենթեզի ֆիլմ և մանկական ֆիլմ
Թեմաescape?[1], Անասնաբուծություն[1] և ընտելացում[1]
Գործողության վայրԱնգլիա
Շարքի մասն էDreamWorks Animation ստուդիայի լիամետրաժ ֆիլմեր
ՌեժիսորՊիտեր Լորդ[1] և Նիք Փարք[1]
ՍցենարիստՔերի Քիրքպատրիկ[1], John O'Farrell?[2] և Մարկ Բերտոն[2]
ՀնչյունավորումJulia Sawalha?, Մել Գիբսոն, Թիմիթի Սփոլ, Phil Daniels?, Tony Haygarth?, Միրանդա Ռիչարդսոն, Benjamin Whitrow?, Jane Horrocks?, Իմելդա Ստոնթոն և Lynn Ferguson?
ՊրոդյուսերՆիք Փարք[1], Դևիդ Սպրոքստոն[1] և Պիտեր Լորդ[1]
ԵրաժշտությունՋոն Փաուել և Գարի Գրեգսոն-Ուիլյամս
ՕպերատորDave Alex Riddett?
ԽմբագիրRobert Francis?
ԵրկիրFlag of the United Kingdom.svg Միացյալ Թագավորություն[1] և Flag of the United States.svg ԱՄՆ
Լեզուանգլերեն
ԸնկերությունԱարդման անիմեյշն[3] և DreamWorks[3]
ԴիստրիբյուտորUIP-Dunafilm
Տևողություն81 րոպե
ՇարքDreamWorks Animation ստուդիայի լիամետրաժ ֆիլմեր
Թվականհունիսի 21, 2000 և օգոստոսի 10, 2000[4]
ԱռաջադրումԵվրոպական կինոակադեմիայի մրցանակ լավագույն ֆիլմի համար[3]
ՊարգևներԳենեզիսի մրցանակ
Շահույթ224 800 000 $[5]
dreamworks.com/movies/chicken-run(անգլ.)

«Փախուստ հավաբնից»(անգլ.՝ Chicken Run), պլաստիրինե անիմացիոն մուլտֆիլմ` նկարահանված 2000 թվականին ԱՄՆ-ում A«Aardman Animations» ստուդիայում: Զբաղեցնում է մենամեծ շահույթով տիկնիկային մուլտֆիլմմերի ցանկի առաջին տեղը։

Սա «Aardman Animations»-ի առաջին լիամետրաժ ֆիլմն է։ Կրկնօրինակում է հայտնի «Մեծ փախուստ» ֆիլմը, որտեղ զինվորականների փոխարեն հավեր են։ 350-ից ավել տեսարաններ նկարահանվել են համակարգչային գրաֆիկայի օգնությամբ, Digital Lab-ում տեսակավորվել և մշակվել են 160 հազար տեսարաններ:

Սյուժե[խմբագրել | խմբագրել կոդը]

Գործողությունը տեղի է ունենում Անգլիայում՝ Յորկշիր կոմսությունում, Երրորդ Ռեյխի համակենտրոնացման ճամբարին նման կազմակերպված հավերի ֆերմայում: Հավերը ամեն օր պետք է ձու ածեն, որպեսզի իրենց տերերի համար կերակուր չդառնան. դաժան և ագահ Մելիսա Թվիդիին ամեն շաբաթ ստուգում է` արդյոք նրանք իրենց «պլանը» կատարել են. եթե ոչ, ապա նրան, ում սյունյակում ամենաշատն են զրոները, տանում են սարայ, որտեղ սպանում են` կացնով կտրելով գլուխը: Այդպիսի կյանքը, իհարկե, նրանց վաղուց հոգնեցրել էր, և նախաձեռնող ու խիզախ հավ Ջինջերի ղեկավարությամբ, որը իր տերերից ստացել էր «Խռովիկ» մականունը, կազմակերպում է փախուստ հավաբնից: Բայց իրենց բոլոր փորձերը վատ ավարտ էին ունենում, և յուրաքանչյուր անհաջող փախուստի համար, պատժում էին Ջինջերին` որպես չենթարկվող և գխավոր կազմակերպիչ` նրան մեկուսացնելով անկյունային խցում:

Բայց մի օր հավաբնում հայտնվում է Ռոկկի Ռոկուսը՝ ամերիկական աքաղաղը, որը կարողանում է թռչել: Նա խոստանում է տանջահար հավերին օգնել իրականացնել երկար սպասված և համարձակ փախուստտը: Եվ եթե նրանք սովորեն թռչել, ապա կկարողանան, վերջապես, հեռանալ ատելի ֆերմա-բանտից:

Իսկ այդ ժամանակ ֆերմայի տիրուհին` միսիս Թվիդին, որոշում է, որ ձվեր հավաքելը այդքան էլ շահույթային չէ: Նա առնում է հրեշային ագրեգատ, որի մուտքով հավեր են ընկնում, իսկ ելքով նրանցից ստացվում է հավի մսով կարկարդակներ: Փախուստ կազմակերպելու ժամանակը գնալով քչանում է...

Ջինջերին վերցնում են փորձնական կարկանդակի համար: Սակայն Ռոքին փրկում է խեղջ հավին, ավելին կանգնեցնում է ագրեգատի աշխատանքը: Թվիդին մտածում է, որ մեքենան փչացրել է իր ամուսինը՝ անշնորհք և թուլամորթ պարոն Ուիլարդ Թվիդին (նա չգիտեր, ինչպես մեքենայով ճիշտ օգտվել): Այդ ժամանակ հավերը իմանում են Ջինջերից, որ նրանք կարկանդակների համար ապագա միսն են: Հաջորդ օրը Ռոքին անհայտ կորչում է, և պարզվում է, որ իրականում նա ինքնուրույն չէր թռչում, այլ թնդանոթի օգնությամբ, ավելին փախել էր կրկեսից: Հավերը պետք է շտապեն: Նրանք Թվիդիի գործիքների օգնությամբ են պատրաստում ինքնաթիռ (տեղական մաքսանենգ առնետներ Նիկը և Ֆետչերը փոխանակում են ձվերի հետ):

Իսկ այդ ժամանակ Ռոքին, երբ ոչ հեռու հեծանիվ էր քշում, տեսնում է գովազդային պաստառ «ՀԱՎԻ ՄՍՈՎ ԿԱՐԿԱՆԴԱԿՆԵՐ ՄԻՍԻՍ ԹՎԻԴԻԻ ԿՈՂՄԻՑ» գրառմամբ: Իսկ տերն արդեն վերանորոգել էր իր մեքենան: Սակայն ինքնաթիռը արդեն թռչում է (Ռոքիի հետ, որը ամեն ինչ հասկացել և վերադարձել էր ֆերմա, որպեսզի փրկի հավերին այդ բարդ փորձություններից): Միսիս Թվիդին փորձում էր կանգնացնել ինքնաթիռը, բայց կտրում է այն շղթան, որի վրա կախված էր, և ընկնում է սեփական սարայը՝ ուղիղ այն տարայի մեջ, որը լցված էր եռացող սոուսով: Ճնշուման բարձրացումից սարքավորումը Թվիդիի տան մի մասերի հետ պայթում է: Պարոն Թվիդին բացում է դուռը և տեսնում իր կնոջը, որը նստած էր քաղցրաջրից առաջացած լճի մեջ: Նա ասում է, որ զգուշացրել էր հավերի մտադրության մասին և, երբ միսիս Թվիդին սկսում է բարձր գոռալ, պարոն Թվիդին՝ նրա կոշտությունից և թշնամանքից կշտացած նրա վրա հրում է շենքի ծանր դուռը, որի վրա կառուցված էր ագրեգատը, և հասցնում մահվան:

Իսկ այդ ժամանակ ինքնաթիռը վայրէջք է կատարում կղզում՝ թռչունների արգելոցում, որտեղ մարդկանց մուտքը արգելված է: Հավերը ճուտիկներ են ունենում և կղզու վրա հիմնում են իրենց գաղութը, իսկ Ռոքին և Ջինջերը դառնում են զույգ: Հավերի հետ ճանապարհորդող առնետները որոշեցին հիմներ իրենց ֆերման, բայց չեն կարողանում որոշել, ինչ պետք է սկզբում վերցնել՝ ձու թե հավ ...

Կերպարներ[խմբագրել | խմբագրել կոդը]

Ջինջեր, շիկակարմիր հավ, փախուստի գլխավոր главный նախաձեռնող: Նա նախաձեռնող է, համառ, արագ ըմբռնող, հնարամիտ: Նրա գլխավոր սկզբունքը միշտ ճւշտը ասելն ու երբեք չհանձնվելն է (չնայած երբեմն շատ կարճ ժամանակով կարող է հիասթափության մեջ ընկնել, բայց այն դեպքում, երբ նրան ոչ ոքչի տեսնում):

Ռոքի, ուրախ ամերիկացի աքլոր, որը փախել է կրկեսից, որտեղ «թռչող աքաղաղ» էր: Պատահական ընկել էր հավաբուն: Չափազանց խորամանկ և հանդուգն, բայց միևնույն ժամանակ ազնիվ և պատվախնդիր է: Սիրահարվում է Ջինջերին և ֆիլմի վերջում նրա հետ զույգ է կազմում:

Մակ, սպիտակ հավ, կրում է ակնոցներ և զոլավոր շարֆ: Տարբերվում է իր նիհարակազմությամբ, քան իր ընկերուհիներն են: Ծագումով Շոտլանդիայից է: Անհավանական խելացի է, համարվում է հավաբնի «ուղեղային կենտրոնը»: Հենց ինքն է Ջինջերի բոլոր նախագծերի հաշվարկները և պարզում է՝ ինչն է պակասում, որպեսզի սովորեն թռչել, ինչպես նաև կազմում է ինքնաթիռի կաղուցման նախագիծը:

Բաբս, հավաբնի ամենաչաղ հավը: Հիմարիկ է, հաճախ չի հասկանում, թե ինչ է կատարվում: Անընդհատ ինչ-որ բան է գործում: Իր հետ պայուսյակ է կրում, որի մեջ բազմաթիվ իրեր կան (կախոց, մկրատ, շյուղեր և այլն):

Բանտի, մեծ կարմիր հավ, ամենայն հավանականությամբ ամենաշատ ձու ածող հավը: Հերահավատորեն է վերաբերվում Ջինջերի պլաններին:

Ֆաուլեր, ծեր աքլոր զինվորական ծախսերով: Ամեն առավոր հավերին ներկա-բացակա է անում: Շատ է հպարտանում նրանով, որ ծառայել է Մեծ Բրիտանիայի Թագավորական ռազմա-օդային ուժերում (չնայած պարզվում է, որ նա ընդամենը եղել է 624-րդ հավերի դիվիզիայի թալիսմանը) և դրա համար ունի շքանշան: Սկզբում նա Ռոքիին չի սիրում ամերիկացիների հետ կապ ունենակու պատճառով, որոնք, ըստ Ֆուլերի, միշտ պատերազմից ուշանում է: Բայց այն բանից հետո, երբ Ռոքին փրկում է Ջինջերին, երբ նրանից ցանկանում էին փորձնական կարկանդակ պատրաստել, Ֆաուլերը սկսեց նրան վերաբերվել մեծ հարգանքով:

Նիկ, խարդախաբարո առնետ-վաճառական, որը զբաղվում է հավերին տարբեր իրերի և գործիքների մատակարարմաբ սկզբում ցորենի դիմաց, իսկ հետո՝ ձվի: Հաճախ փորձում է վաճառել տարատեսակ անպետք իրեր՝ ներկայացնելով որպես արժեքավոր իրեր (օրինակ՝ բաթմինթոնի վոլանը ներկայացնում է որպես «երկու գլխարկ մեկում» երեկույթների և հարսանիքների համար):

Ֆեթչեր, առնետ, Նիկի գործընկերը: Այնքան էլ խելացի չէ, որքան Նիկը, բայց հաճախ այնպիսի գաղափարներ է առաջարկում, որոնց Նիկը համաձայնվում է: Երբեմն անտեղի դիտողություններ է անում:

Միսելդա Թվիդի, ֆերմայի տիրուհին, ֆիլմի գլխավոր անտագոնիստը: Սկզբում զբաղվում է ձվերի հավաքումով ու վաճառքով, բայց երբ այդ գործը դառնում է քիչ եկամտաբեր, որոշում է աշխատել հավերով կարկանդակների արդյունաբերությամբ և վաճառքով: Շատ դաժան և ագահ է, երազում է ցանկացած գնով հարստանալու մասին: Չէր հավատում իր ամուսնուն, որ հավերը որոշել են փախչել և դա նրան շատ թանկ արժեցավ: Համակարգը պայթեց, իսկ նրա ամուսինը թույլ տվեց, որ նա մահանա պահեստի դռան տակ:

Ուիլիարդ Թվիդի, Մելիսա Թվիդիի ամուսինը, ով վախենում էր իր կնոջից, անտագոնիստ: Ամենասկզբից իմանում է, որ հավերը պլանավորում են փախուստ հավաբնից և փորձում է դրա մասին ասել կնոջը, սակայն վերջինս նրան չի լսում՝ ստիպելով ավելի շատ աշխատել: Ամեն անգամ փախուստի անհաջող փորձից հետո Ջինջերին պատժում է՝ հրելով նրան անկյունային արկղը, որը ծառայում էր որպես մենախուց: Ֆիլմի վերջում ազատվում է կնոջ ազդեցությունից:

Դերեը հնչունավորել են[խմբագրել | խմբագրել կոդը]

  • Մել ԳիբսոնՌոքի
  • Ջուլիա Սավալիա - Ջինջեր
  • Միրանդա Ռիչարդսոն - միսիս Մելիսա Թվիդի
  • Թոնի Հայգարթ - միսթեր Ուիլարդ Թվիդի
  • Տիմոտի Սփոլ - Նիկ
  • Ֆիլ Դենիել - Ֆեթչեր
  • Ջեյն Հորոքս - Բաբս
  • Իմելդա Սթոնթոն - Բանտի
  • Լին Ֆերգյուսթոն - Մակ
  • Բանջամին Ուիթրոու - Ֆաուլեր

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]