Վիկտորաս Պրանցկետիս

Վիքիպեդիայից՝ ազատ հանրագիտարանից
Jump to navigation Jump to search
Վիկտորաս Պրանցկետիս
Viktoras Pranckietis
Lietuvas parlamenta priekšsēdētāja vizīte Latvijā (cropped).jpg
Դրոշ
Լիտվայի Հանրապետության սեյմատի նախագահ
 
Կուսակցություն՝ Lithuanian Farmers and Greens Union?
Կրթություն՝ Aleksandras Stulginskis University?
Մասնագիտություն՝ գյուղատնտես
Դավանանք Քրիստոնեություն
Ծննդյան օր հուլիսի 26, 1958(1958-07-26) (61 տարեկան)
Ծննդավայր Ruteliai, Q4458351?, Kelmė District Municipality, Šiauliai County, Լիտվա
Քաղաքացիություն Լիտվա Լիտվա
Ամուսին Իռենա Պրանցկետենե
Զավակներ Վայդոտաս
Վիկտորիա
Մոնիկա

Վիկտորաս Պրանցկետիս (լիտ.՝ Viktoras Pranckietis, հուլիսի 26, 1958(1958-07-26), Ruteliai, Q4458351?, Kelmė District Municipality, Šiauliai County, Լիտվա), լիտվացի գյուղատնտես, կենսաբժշկական գիտությունների դոկտոր և պրոֆեսոր, Ալեքսանդրաս Ստուլգինսկիսի համալսարանի գյուղատնտեսության ֆակուլտետի դեկան:

Հայտնի է նաև որպես հասարակական և քաղաքական գործիչ: 2016 թվականից զբաղեցնում է Լիտվայի Հանրապետության սեյմատի նախագահի պաշտոնը[1][2]:

Կենսագրություն[խմբագրել | խմբագրել կոդը]

Վիկտորաս Պրանցկետիսը ծնվել է 1958 թվականի հուլիսի 26-ին Լիտվայի Ռուտյալյայ գյուղում:

1965 թվականից սովորել է Տիտուվենայի ավագ դպրոցում, 1973 թվականին՝ տեղի սովխոզ-տեխնիկումում: Որպես գյուղատնտես 1976-1977 թվականներին Տիտուվենայի սովխոզում աշխատել է որպես այգեգործ:

1977-1982 թվականներին սովորել է Լիտվայի գյուղատնտեսական ակադեմիայում, որն ավարտելուց հետո ստացել է գյուղատնտեսի որակավորում: 1984-1986 թվականներին ծառայել է խորհրդային կարմիր բանակում:

Ծառայությունից հետո աշխատել է որպես գյուղատնտեսության ակադեմիայի ասիստենտ: 1998 թվականին ստացել է կենսաբժշկական գիտությունների դոկտորի կոչում: 2006-2008 թվականներին եղել է այգեպտղաբուծության բաժնի վարիչ:

1999 թվականից զբաղվել է հողագործությամբ, հիմնականում՝ այգեգործությամբ: 2016 թվականին ստանձնել է Լիտվայի Հանրապետության խորհրդարանի նախագահի պաշտոնը[3][4]: Վերապատրաստվել է Ամերիկայի Միացյալ Նահանգների, Շվեդիայի, Լեհաստանի, Գերմանիայի և Նիդերլանդների տարբեր համալսարաններում, հետազոտական հաստատություններում և ընկերություններում:

Հեղինակել է բազմաժանր գիտական գրքեր, դասագրքեր և հոդվածներ: 1983 թվականին ամուսնացել է դոցենտ, կենսաբժշկական գիտությունների դոկտոր Իռենա Պրանցկետենեի հետ: Իրենց համատեղ կյանքի ընթացքում ունեն երեք երեխա՝ Վայդոտասը, Վիկտորիան և Մոնիկան:

Լիտվերենից բացի տիրապետում է նաև ռուսերեն, անգլերեն, լեհերեն և գերմաներեն լեզուներին:

Ծանոթագրություններ[խմբագրել | խմբագրել կոդը]

  1. Էգլե Սամոշկայտե (2016-11-14)։ «Վիկտորաս Պրանցկետիսը դարձել է Լիտվայի Հանրապետության խորհրդարանի նախագահ»։ Delfi։ Վերցված է 2016-12-27 
  2. BNS (2016-11-15)։ «Խորհրդարանական ընտրություններից հետո Լիտվայի սեյմի նախագահի պաշտոնը ստանձնել է Պրանցկետիսը»։ Kurier.lt։ Литовский курьер։ Վերցված է 2016-12-27 
  3. «Viktoras Pranckietis»։ Lietuvos Respublikos Vyriausioji rinkimų komisija (լիտվերեն)։ Lietuvos Respublikos Vyriausioji rinkimų komisija։ 2016-11-17։ Վերցված է 2016-12-27 
  4. «Viktoras Pranckietis»։ Seimas of the Republic of Lithuania (անգլերեն)։ Office of the Seimas of the Republic of Lithuania։ 2016։ Վերցված է 2016-12-27