Վերա Սոնգվե

Վիքիպեդիայից՝ ազատ հանրագիտարանից
Jump to navigation Jump to search
Վերա Սոնգվե
Դիմանկար
Ծնվել է1968
ԾննդավայրՆայրոբի, Քենիա
ՔաղաքացիությունFlag of Cameroon.svg Կամերուն
ԿրթությունUniversity of Michigan College of Literature, Science, and the Arts? և Լուվենի կաթոլիկ համալսարան
Մասնագիտությունտնտեսագետ և գործարար
ԱշխատավայրՀամաշխարհային բանկ և Միջազգայի ֆինանսական կորպորացիա
Պարգևներ և
մրցանակներ
OkayAfrica 100 Women[1]
Vera Songwe Վիքիպահեստում

Վերա Սոնգվե (անգլ.՝ Vera Songwe, 1968, Նայրոբի, Քենիա), կամերունցի տնտեսագետ, բանկային բնագավառի գործադիր պաշտոնյա։ 1998 թվականից աշխատել է Համաշխարհային բանկում, 2015 թվականին դարձել է Միջազգային ֆինանսական կորպորացիայի Արևմտյան և Կենտրոնական Աֆրիկայի տարածաշրջանային տնօրենը[2]:

Կենսագրություն[խմբագրել | խմբագրել կոդը]

Սոնգվեն մեծացել է Կամերունի հյուսիսում գտնվող Բամենդա քաղաքում։ Սովորել է տեղի պետական կաթոլիկ դպրոց համարվող Տիրամայր Լուրդեսի քոլեջում, ընդգրկվել է տեղական անգլախոս էլիտայում։ Ավարտել է Բելգիայի Լուվենի կաթոլիկ համալսարանը մաթեմատիկ տնտեսագետի որակավորմամբ, այնուհետև մեկնել է ԱՄՆ, շուրջ երեք տարի աշխատել է Միչիգանի համալսարանում, այնուհետև Մինեապոլիսի դաշնային պահուստային բանկում, միաժամանակ եղել է Հարավային Կալիֆորնիայի համալսարանի այցելու պրոֆեսոր։ 1998 թվականին միացել է Համաշխարհային բանկի թիմին, աշխատել է Աղքատության կրճատման և տնտեսական կառավարման բաժնում (PREM, Մարոկո, Թունիս)[3][4]: Հետագա տարիների ստանձնել է մի շարք պաշտոններ Արևելյան Ասիայի և Խաղաղօվկիանոսյան տարածաշրջանի Աղքատության կրճատման և տնտեսական կառավարման բաժնում[4]:

2011-2015 թվականներին եղել է Համաշխարհային բանկի օպերացիոն կառավարիչ Կաբո Վերդեում, Գամբիայում, Գվինեա Բիսաուում, Մավրիտանիայում[5]: 2015 թվականի հուլիսին նշանակվել է Միջազգային ֆինանսական կորպորացիայի Արևմտյան և Կենտրոնական Աֆրիկայի տարածաշրջանային տնօրեն[4]:

2011 թվականին ներգրավվել է Africa 2.0 նախաձեռնության մեջ, որի նպատակն է համախմբել երիտասարդ աֆրիկացիներին մայրցամաքի տնտեսական զարգացման նպատակով[6]: Սոնգվեն Բրուկինգս ինստիտուտի գիտաշխատող է[7][8]: 2013 թվականին Forbes-ը նրան համարել է «Աֆրիկայի 20 ազդեցիկ կանանցից» մեկը[9] և նույն տարում Միջազգային քաղաքական և գեոտնտեսական Choiseul գիտահետազոտական ինստիտուտը նրան ընտրել է որպես «Աֆրիկայի գալիք առաջնորդներից»[5]: 2014 թվականին African Business Review-ն Սոնգվեին բնութագրել է որպես «Աֆրիկայի 10 բիզնես կին առաջնորդներից մեկը»[10]: 2015 թվականին Սոնգվեն համագործակցել է նորաստեղծ Tony Elumelu Entrepreneurship Programme ծրագրի հետ, որը երաշխավորում է 100 միլիոն դոլար աֆրիկյան սկսնակ ընկերությունների համար[11]:

Ծանոթագրություններ[խմբագրել | խմբագրել կոդը]

  1. https://100women.okayafrica.com/new-blog/2018/2/28/vera-songwe
  2. «Young, managers, inventive and competent, they are the pride of Cameroon»։ Business in Cameroon։ դեկտեմբերի 22, 2015։ Վերցված է հունվարի 15, 2016 
  3. Oury Diallo Amadou (հունվարի 11, 2016)։ «À IFC, Vera Songwe passe au chevet du secteur privé» (French)։ Omer Mbadi։ JeuneAfrique.com։ Վերցված է հունվարի 15, 2016 
  4. 4,0 4,1 4,2 «IFC Appoints Vera Songwe Regional Director for West and Central Africa»։ AfricaStar։ հուլիսի 1, 2015։ Վերցված է հունվարի 15, 2016 
  5. 5,0 5,1 «After the World Bank, Cameroonian Vera Songwe becomes the IFC resident representative to Senegal»։ Business in Cameroon։ օգոստոսի 27, 2015։ Վերցված է հունվարի 15, 2016 
  6. Sesay Isha (հոկտեմբերի 12, 2011)։ «Africa's emerging leaders launch 2020 growth vision»։ CNN։ Teo Kermeliotis։ Վերցված է հունվարի 15, 2016 
  7. Lederman Josh (հուլիսի 23, 2015)։ «Obama's top initiative to aid Africa is now in jeopardy»։ Associated Press։ Վերցված է հունվարի 15, 2016 
  8. Eilperin Juliet (օգոստոսի 5, 2014)։ «Obama to announce expansion of electrification in Africa»։ The Washington Post։ Վերցված է հունվարի 15, 2016 
  9. Mfonobong Nsehe (դեկտեմբերի 4, 2013)։ «The 20 Young Power Women In Africa 2013»։ Forbes։ Վերցված է հունվարի 15, 2016 
  10. «Top 10 Female Business Leaders in Africa»։ www.africanbusinessreview.co.za։ Վերցված է 2016-01-20 
  11. Court Alex (հունվարի 23, 2015)։ «African entrepreneurs boosted by billionaire investor»։ CNN։ Վերցված է հունվարի 15, 2016