Վերա Բրիթեն

	Վերա Բրիթեն
Կրթություն՝	Սոմերվիլ Քոլեջ
Մասնագիտություն՝	բուժքույր, գրող, բանաստեղծուհի, վիպասան, կանանց իրավունքների պաշտպան, խաղաղապահ, լրագրող, հակապատերազմային ակտիվիստ և սուֆրաժիստ
Դավանանք	Անգլիկան եկեղեցի
Ծննդյան օր	դեկտեմբերի 29, 1893
Ծննդավայր	Նյուքասլ անդեր Լայմ, Սթաֆորդշիր, Սթեֆորդշիր, Անգլիա, Մեծ Բրիտանիայի և Իռլանդիայի միացյալ թագավորություն
Վախճանի օր	մարտի 29, 1970 (76 տարեկան)
Վախճանի վայր	Ուիմբլդոն, Մերտոն, Մեծ Լոնդոն, Անգլիա, Միացյալ Թագավորություն
Թաղված	Granezza British Cemetery
Քաղաքացիություն	Միացյալ Թագավորություն
Ամուսին	Ջորջ Քեթլին
Զավակներ	Shirley Williams? և John Edward Jocelyn Brittain Catlin?
Vera Brittain

Վերա Բրիթե (անգլ.՝ Vera Mary Brittain, դեկտեմբերի 29, 1893(1893-12-29)^[2], Նյուքասլ անդեր Լայմ, Սթաֆորդշիր, Սթեֆորդշիր, Անգլիա, Մեծ Բրիտանիայի և Իռլանդիայի միացյալ թագավորություն^[3] - մարտի 29, 1970(1970-03-29)^[4]^[2], Ուիմբլդոն, Մերտոն, Մեծ Լոնդոն, Անգլիա, Միացյալ Թագավորություն^[1]), անգլիացի գրող, քրիստոնյա պացիֆիստ, ֆեմինիստ։

Կենսագրություն

Ապահավված ընտանիքից է։ Անգլիական գրականություն է սովորել Օքսֆորդի համալսարանի Սոմերվիլ քոլեջում։ Ուսումը թողել է 1915 թվականին, Ֆրանսիայի և Մեծ Բրիտանիայի հիվանդանոցներում ինքնակամ աշխատել է որպես բուժքույր։ Նրա եղբայրը՝ երաժիշտ Էդվարդ Բրիթենը, Ռոլանդ Լեյթոնի փեսան և իրենց երկու մտերիմ ընկերները զոհվել են Առաջին համաշխարհային պատերազմի ժամանակ^[7]՝ Իտալիայի, Ֆրանսիայի և Ֆլանդրիայի ռազմաճակատներում։ Նրանց իրար ուղված նամակները փաստագրված են Letters from a Lost Generation. գրքում։ Նամակներից մեկում Լեյթոնը խոսում է հանրային դպրոցի կամավորների սերնդի մասին, և նա գրում է, որ զգում է, որ պետք է «ակտիվ մասնակցություն» ունենա պատերազմում^[8]։ Պատերազմից հետո մտերմացել է Վինիֆրեդ Հոլթբիի՝ իր նման սկսնակ գրողի հետ. նրանք երկուսն էլ հայտնվում են լոնդոնյան գրական ասպարեզում։ 1923 թվականին Բրիթենը «Մութ ժամանակներ» վեպով առաջնելույթ է ունենում։

1925 թվականին ամուսնացել է քաղաքագետ և փիլիսոփա Ջորջ Քեթլինի հետ։ Նրանց որդին դառնում է նկարիչ, 1987 թվականին հայրական ընտանիքի մասին գիրք է գրել։ Դուստրը՝ բարոնուհի Շիրլի Ուիլյամսը, ականավոր գիտնական, լիբերալ-դեմոկրատական քաղաքագետ է, եղել է լեյբորիստական կառավարության աշխատանքի նախարար, Բրիտանական գաղտնի խորհրդի անդամ է։

Գրողի ամենամեծ հաջողությունը պատերազմական տարիների մասին ինքնակենսագրական «Երիտասարդության պատգամներ» գիրքն է (1933, հետագայում վեպի հիման վրա նկարահանվել է ֆիլմ՝ «Ապագայի հուշեր» վերնագրով), որն ավելի ուշ շարունակում է «Երկերության պատգամներ» (1940, Վինիֆրեդ Հոլթբիի մասին) և «Փորձի պատգամներ» (1957) հատորներում։ Հաջորդ հատորը՝ «Հավատի պատգամներ»-ը (կամ «Ժամանակի պատգամներ»), այդպես էլ չի ավարտվել։

1920-ական թվականներից Բրիթենը եղել է Ազգերի լիգայի կանոնավոր խոսնակ, հանդես է եկել հակապատերազմյան հայտարարություններով, այդ թվում՝ նույնիսկ Երկրորդ համաշխարհային պատերազմի մասին։ 1930-ական թվականներից շարունակաբար տպագրվել է Peace News պացիֆիստական ամսագրում։ 1945 թվականին նրա անունը ներառվել է նացիստների Սև գրքում։

Մահից առաջ, նա իր կտակում նշել էր, որ ուզում է հուղարկավորվել Իտալիայում՝ ողբոր գերեզմանի կողքին, ով մահացել է Ասիանգոյի ճակատամարտում։ Աղջիկը կատարել է մոր պատգամը։

Ընտրյալ մատենագիտություն

1923 - The Dark Tide
1929 - Halcyon: Or, The Future of Monogamy (էսսե, To-day and To-morrow pamphlet series)
1933 - Testament of Youth
1936 - Honorable Estate (վեպ ինքնակենսագրական տարրերով)
1940 - Testament of Friendship
1941 - England’s hour (նամակներ և հոդվածներ Երկրորդ համաշխարհային պատերազմի սկզբի մասին)
1944 - Massacre by Bombing
1957 - Testament of Experience
1960 - The women at Oxford; a fragment of history
1981 - Chronicle of Youth: The War Diary, 1913-1917 (օրագիր)
1985 - Testament of a generation: the journalism of Vera Brittain and Winifred Holtby (Բրիթենի և Հոլթբիի հոդվածները)
1988 - Testament of a peace lover (պացիֆիստական հոդվածներ և ելույթներ)

Ծանոթագրություններ

↑ ^1,0 ^1,1 ^1,2 ^1,3 ^1,4 Oxford Dictionary of National Biography / C. Matthew — Oxford: OUP, 2004.
↑ ^2,0 ^2,1 ^2,2 ^2,3 ^2,4 A Historical Dictionary of British Women — 2 — Routledge, 2003. — P. 65. — ISBN 978-1-85743-228-2
↑ ^3,0 ^3,1 ^3,2 Deutsche Nationalbibliothek Record #119343878 // Gemeinsame Normdatei (գերմ.) — 2012—2016.
↑ ^4,0 ^4,1 ^4,2 FemBio տվյալների շտեմարան (գերմ.)
↑ Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 138.
↑ ^6,0 ^6,1 Lundy D. R. The Peerage
↑ Mark Bostridge (2012 թ․ մայիսի 21). «Vera's Testament is young again». The Daily Telegraph.
↑ Brittain, Vera (1998). Letters from a Lost Generation. London: Little, Brown and Company. էջ 30.

Վիքիպահեստն ունի նյութեր, որոնք վերաբերում են «Վերա Բրիթեն» հոդվածին։

[_748b577f90ca3d6a-1] 1,0 ^1,1 ^1,2 ^1,3 ^1,4 Oxford Dictionary of National Biography / C. Matthew — Oxford: OUP, 2004.

[_2889aab9760f05ff-2] 2,0 ^2,1 ^2,2 ^2,3 ^2,4 A Historical Dictionary of British Women — 2 — Routledge, 2003. — P. 65. — ISBN 978-1-85743-228-2

[_468e4f6ccf51b5f1-3] 3,0 ^3,1 ^3,2 Deutsche Nationalbibliothek Record #119343878 // Gemeinsame Normdatei (գերմ.) — 2012—2016.

[_54f41ffcd8993691-4] 4,0 ^4,1 ^4,2 FemBio տվյալների շտեմարան (գերմ.)

[_9aff2a6932e5def7-5] Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 138.

[_5c12046275c7bd5e-6] 6,0 ^6,1 Lundy D. R. The Peerage

[7] Mark Bostridge (2012 թ․ մայիսի 21). «Vera's Testament is young again». The Daily Telegraph.

[8] Brittain, Vera (1998). Letters from a Lost Generation. London: Little, Brown and Company. էջ 30.

[1]

[2]

[3]

[4]

[5]

[6]

[7]

[8]